Psalms 73:19 - Ohiatonhseratokénti

¹⁹ Kwáh kénkʼnikaríwes enhatihiatháton, né iahakohiaténhaʼwe ne kwáh tehiotenonhianíton kenheiónsera!

Psalms 73:19 ပူးပေါင်းရင်းမြစ်များ

Job Tánon ne Raoronhiakensera 15:21

Kateronhkwáhtseras rothónte ne rahontakónshons; nó꞉nen ne kwáh roianerastén꞉ni ne sakotón꞉tha enhohiató꞉renhne.

Job Tánon ne Raoronhiakensera 18:11

Ne kateronkwáhtshera ne ronwateronkwén꞉nis kwáh tsík nahontahiotserá꞉tonke, tánon ronwá꞉sehres tsi nihokoʼtaraienthánionre tánon iáh tehoterièn꞉tare kaʼnón꞉we niá꞉re.

Job Tánon ne Raoronhiakensera 20:5

ne raonatsenhnonhniátshera ne ionkweʼtahétkens iáh thatekawishátste, tánon ne raonatshenhnonhniá꞉tsera ne iáh teotinihioserá꞉ien kenk nonhnè꞉e nikarì꞉wes?

Psalms 58:9

Nohénton nahonateriéntarane ronwatironhtsiákon tsi ní꞉ioht nóhonte; raonakwahtsherákon ne Rawenni꞉io kwáh tensakótehnste tsík sénhak shé꞉kon ronnónnhe.

Proverbs 28:1

Ne iáh tetionkweʼtaié꞉ri enhonté꞉ko nó꞉nen iáh ónhka tehonwatíhsere, nok ne tionkweʼtaié꞉ri tho nihotiʼnikonhrahtshá꞉ni tsi ní꞉ioht ne kèn꞉reʼks.

Ecclesiastes 9:12

Iáh nonhwénton tesateriéntare kátke iekáhewe níse sariwáhke. Tsi ní꞉ioht notsitenhokónhas hioteiatotaréhon tsi waterístaien, tsi ní꞉ioht ne kéntsionk roiathotaréhon tsi wataháro, entewahiatotárehne né nónen kwáh iáh othé꞉nen tetsionkwárahre.

Isaiah 30:13

Né káti aoríhwa kí꞉ken kaní꞉kon kwáh ne enkárhaʼne ne shonhàke kwáh né꞉ne tehiosonhtaríhon ne tsiotasonhtáte, iotakwarón꞉te, tánon skanó꞉rons tahonréh꞉ni, nétho kwáh tenwatʼtóko tenhtsiawénstsi, kwáh okʼshàʼok;

Isaiah 47:11

Ók karihwahetkénsera ensáraʼne, né꞉ne iáh taskwé꞉ni asathenhennáro tsi éhʼren ahonsáweʼte; né natʼkaronhniátshera kwáh kí ensáraʼne, né꞉ne iáh taskwé꞉ni nahonshaʼshiaʼtínekenwe; tánon ne iorihwaiesáhon kwáh thentsawénhstsi ensará꞉aʼne, né꞉ne kwáh iahʼothènon tesheʼrihwaientéri.

Daniel 5:6

Nó꞉nen ne ronnontí꞉io shahatkáhtho waʼthatskennentónten ó꞉ni kwáh í꞉ken tsi wahoteronhiénhten kwáh waʼthosiníshonkwe.

Numbers 16:21

“Onàken ísehnet tsi rónhnes kí꞉ken onhkweshón꞉ʼas ónenk enkehiáʼtonhte.”

Acts 2:23

Tsi niʼtióseron tsi nihotenikonríson ne Rawenni꞉io ónenk siatehoriwaiéntaʼse tsi Ié꞉sos seh entsisewatiakwaríshaʼse; tánon waʼtsisewanonwariákon neh tsi wahetsiríhon ne rothiriwáneren tahonwaientennáren.

1 Thessalonians 5:3

Nónen nónkwe enhiaiéron, “Oriwahkwékon sakʼtíken ó꞉ni skénʼnonk tíken,” káti tontaiawénstsi kariwaiesátshera enhotiʼiénte! Kwáh thóh ní꞉ioht tsi énwahwe tsi ní꞉ioht nónen tehiowehétstha ne iónkwe nónen iowirahientásere, tánon iáh tahonsaieniáken꞉ne nonkwesónha.

Revelation 18:10

ne ronón꞉ha ahí꞉nonh nió꞉re thentatí꞉taʼne, ne rotiteronkwénhnis nahoronhiakénhsera, tánon rón꞉ton, “Iotenhtá꞉sere, iotenhtá꞉sere, ne kashennowá꞉nen kanatowanénhke, Babylon, né꞉ne ioshatstenhserowá꞉nen kanatowá꞉nen! Asè꞉ken tsi niió꞉re nénkak enkawistáheke ne sariwenhthátshera enwá꞉we.”

1 Samuel 25:38

Kakʼnón ne oié꞉ri nón꞉ta onakénhke ne Roiá꞉ner wahononwariá꞉khon ne Nabal.

1 Samuel 28:20

Kwáh ók sá꞉ok ne Saul wahahiatiénenhne kwáh tsi nihanénhies thóh ohontsá꞉ke, kwáh ne rahiatahná꞉non kateronkwáhtsera ne tahkarihón꞉niate ne raowenhnaʼókons ne Samuel; tánon iáh othènon teshasháststekwe ne raonhá꞉ke, asèken kwáh iáh othènon tehawékon kontáhtsie ó꞉ni asontahkwékon.