Psalms 73:15 - Ohiatonhseratokénti

¹⁵ Tó꞉ka shí꞉ken ahónken, “Orihwiʼhiohónwe ne Rawenni꞉io iáh tehoteriéntare tsi nihiawenhenhátse,” ne kwáh toshaststenhserowánen iáh taharihwatʼtsénhri tsi nitewaʼtsérah.

Psalms 73:15 ပူးပေါင်းရင်းမြစ်များ

Psalms 14:5

Ók kwáh kíʼ enhonateronhniénten, asèken ne Rawenni꞉io ratikwekonhátie ne iakoiánere.

Psalms 22:30

Né tsi waʼhatinekwenhsatátsie kwáh enhohióthense; né tsi waʼhatinekwenhsathátsie kwáh kíʼ enhonwaʼtiró꞉ri tsi nòkwah ne Roiá꞉ner,

Psalms 24:6

Kén ní꞉ioht tsi ratiʼnekwenhsathátie tsi niháti ne ronwaʼhiatísaks ne Rawenni꞉io, né ronnésaks tsi rakonsónhte ne Raoní꞉io ne Jacob. Selah

Malachi 2:8

Ók wesewatiaʼtontá꞉ko ne tsi niiohahó꞉ten ne tkarihwaié꞉ri í꞉ken; í꞉se wesewarihón꞉ni iakentiohkowá꞉nen wahontiaʼtáhton ne ne sewarihonnienníhtshera takarihónniaʼte; waʼtisewá꞉iaʼke ne raonaterihwahseronniáhtshera ne Levi, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs,

Romans 14:15

Tóhkaʼ ónka asekarónʼni neh tsi tisaríware tsi nahoténson íseks, neh káti tsi iáh ónen neh thitsisaieráthon ne kanoronkwátshera. Ne tsi nikakhóten íseks, iáh tateiothonwentióʼon natskarónni ne rónkwe tsi nikáien ne Kerístos rawenhéiase!

Romans 14:21

Ne kíʼ neh tkaiéri, tóhsa sewárak, tóhsa snekíra notsítia, tóhsa ó꞉ni thènen nasátiere nakorénson aiakoriwanerahátʼten.

1 Tiér 2:9

Nók í꞉se ne kentiókwa ne ietʼtsiʼiatarákwen, ne Ronontí꞉io rahotsihénstatsis, ne otiokwatokénti, ne kwáh Rawenni꞉io rahonkwetaʼsónha, kahiatarákwen nahontʼróri ne ionerakwathénion ne Rawenni꞉io rahoweiénnas, ietsisewennónkon tsi tetiókaraskwe tánon thonónwe nonsatsisewátʼkawe ne ioriwanerákwat raoskwatetʼtserákon.

1 Samuel 2:24

Tó꞉sa, kwaʼiohokónhas; tsi iáh tekarihwí꞉io nètho tsi nikerihwarónhkhas ne raokwetaʼshón꞉ʼahs ne Roiá꞉ner tsi waʼtewaterihwaréhni.