Psalms 72:7 - Ohiatonhseratokénti

⁷ Waʼkaterénhnaien ne tsi rotenhniseraténions ne karihwakwahrihshón꞉tshera nahioianeréhake (ahiokwástonhke) tánon skénnonk thaʼkénhake, tsi nió꞉re iáh thatahonthakarakwinekénsehke.

Psalms 72:7 ပူးပေါင်းရင်းမြစ်များ

1 Kings 4:25

Kwáh tsi nikaríhwes rónhnhekwe, nonhkweshón꞉as ne Judah ó꞉ni Nisraerʼró꞉nonke kwáh skénnonhk tsi ní꞉ioht tsi ratinákerehkwe, sathiwatsirátʼtsons tsi rathinaharaiéntʼtoskwe ó꞉ni ne wisonhkówa ronatʼkwiró꞉thonkwe.

1 Kings 5:4

Ók kíʼ nónhwa ne Roiá꞉ner Nakení꞉io íken tahá꞉kon ne skénnon íken akwékon tsi nonhwésons niwakateristhatátie. Iáh tewátien nónka tahiakwahtátʼtson, tánon káti iáh tehiótʼtheron nahontahionhkatiathónhti.

Psalms 92:12

Né tionkwetaiéris rotiʼianerasthénhnis tsi ní꞉ioht ne ioneratésons ioronhtótons, tánon ronhtehiárons tsi ní꞉ioht ne onenhtakwenhtétshera ne Lebanon tioteronhtonhniánions.

Isaiah 2:4

Kwáh tensakohiatórehte tsi natehónteres nonhkweʼó꞉kons, tánon ensakoteriwaʼshónterase ne iakotsokowáhnen ónkwe; ne rahonasarekówa ne sahonónhniate ne ietarakarahthóstha otsiiewéiontha, tánon ne raotishiʼkwáhras iontkwiraseronhniátah ne ohnió꞉kwas sahonnónhniaʼte; nonkweʼó꞉kons iáh shé꞉kon nonhwénhton tahonshahionterí꞉io, iáh ó꞉ni nonhwénton tahonshahatiweienʼtétonke nahonterihiosehrónhni.

Isaiah 60:1

Téstann, tesaswát꞉tek; asèken né saswathetsheraʼónhwe, tánon ne raoʼiatanerakwáhtshera ne Roiá꞉ner thontʼkétsko shonháke.

Isaiah 60:22

Né kwák kénk nenhatíhake né kenhtiókwah ienhónton, tánon né kénk nenhá꞉tike né enkanenhrasátsʼteke; Í꞉i ne Watiá꞉ner; thóh nenhkaháwiʼke kwáh kí enkerihwaié꞉rite iostó꞉re.

Daniel 2:44

Né꞉ʼe nenkahá꞉wike né ratikoráhshon tsi ionhwentsiá꞉te né Rawenni꞉io ne karonhià꞉ke enhanakerahserón꞉ni né ne iáh nonwén꞉ton thiiaontókten. Iáh ó꞉ni nonwén꞉ton thiiakonwaʼshén꞉ni, nok kwáh ienkakóntahkwe tsi eniakotkóntenʼ né ó꞉ia raotinakeráhsera tánon eʼthó꞉ne tsi nén꞉we tsi enkatátie.

Zechariah 9:10

Ne Roiá꞉ner ráton, “Ahé꞉ren entʼkhá꞉wite ne otiónhkwas ne Israerʼró꞉nonhke ó꞉ni é꞉renh enkhehiatenhá꞉wite ne koshá꞉tens ne Jerusalem; ne ahén꞉nas wátstons ne tsi waterí꞉ios kwáh enkariwahthón꞉ton. Ne tsi Sehwanonhtí꞉io kwáh skén꞉nonh enrón꞉ni tsi natehontérons nonkweshón꞉ʼa. Kwáh raónha enthaniarotárohke tsi tiotáhsawe ne kaniatarakeʼkó꞉wa tsi nió꞉re iehiotókte, tsi tiotáhsawe ne Euphrates kaniataratátie tsi nió꞉re ne tsi iehiothonhontiókʼte.”

Malachi 4:2

Ók kiʼ ní꞉se ne tsi nítson ne sewakweniénhstha nakhsèn꞉na ne karáhkwa ne karihwakwarihshiónhtshera kwáh entkarahkwínekenʼne, ne ne iakotsèn꞉tha enkará꞉tie kanerahontshá꞉keʼs. Ní꞉se kwáh iensewaiá꞉kenʼne tensewaniʼtsonhkwahkwánion tsi ní꞉ioht ne tiohnhónskwaron owí꞉ra ieioiakén꞉ʼen ne tsi tekatáhstha.

Luke 1:33

Nok enhonontiioke tsiniienhenȣe tsi henhaȣatsiratatie ne Jacob; nok iah nonȣenton tiiaontokten ne rahonakerasera.

Luke 2:14

Ahonȣasennaien ne Niio Karonhiake! Skennen Kenhak nonȣentsiake! niakonikonriio nonkȣe.

Acts 4:32

Ne kentiókwa ne thonetákwen skanikónrat iéken ó꞉ni seweriásak íken. Iáh ónka tehiáwen tsi nihotiʼiéntakwe kwáh hiatehatihiáti rahonáwenk, nók akwékon wahʼthatihiákons tsi nihotiʼiéntakwe.