Psalms 72:3 - Ohiatonhseratokénti

³ Wakaterénhnaien ne tsi ionwénhtsaien ne ahontakáhawe nonkweshón꞉has akosniétsera. Aiáwenhs ne akarihontáko ne ioiánere akénhake.

Psalms 72:3 ပူးပေါင်းရင်းမြစ်များ

Psalms 65:12

Né kahentowaʼnénhke kwáh titkontíhere kontitsénenhs, ne sónhnis ne tsi ionhniarón꞉nions kwáh né꞉ne ónhkwe ahiakotonnárake,

Psalms 72:16

Wakaterenhnaien ahiokwátstonhake nó꞉natsias ne tsi iohontsáien; waʼkaterenhnaien ne tsi ionhniarón꞉nions né tahontahioróh꞉ronhke ne kaientʼthó꞉tsheras; waʼkaterenhnaien ne kahiksonhas thóh nahiotahionhnihake tsi ní꞉ioht ne Lebanon nón꞉we; wakaterénhnaien ne tsi kanatowáʼnens kwáh tahontakanenhrá꞉rahke tsi ní꞉ioht tsi ionthontónhni ne kahentáke.

Isaiah 45:8

Iotsataratsiéson naiokénhnoʼre, Ó karonhiakésons, né éhʼneken nahontá꞉we, tánon ánion ne tsi karonhiátes ne tsiokénhnóre ne karihwakwahrishióntshera; ánion watenotónhko tsi ionwenhtsáte, né꞉ne kaienawaséhtshera ahontaká꞉reke, tánon né ahiónhni ne karihwakwahrihshióntsheras tahiót꞉kaʼwe; I꞉i ne Watiá꞉ner wakʼsahánion.

Isaiah 52:7

Tsi niʼiorá꞉se né rasitàkes ne rarihwénhas tsi watanontí꞉iake rahónha rarihowanátas ne skénnon, rahónha tharihwénhas ne karihwí꞉ios, rahónha rarihowanáhtha ne kaiatakená꞉tshera, rénhni ne Zion, “Né Sahní꞉io rahónha raiataʼkwení꞉io.”

Isaiah 60:17

Tsi ní꞉ioht notsínekwar nakaristoténhake kwáh né entékhaʼwe nowistanó꞉ron, tsi ní꞉ioht ne karístatsi akénhake kwáh né entékhaʼwe ne kawistará꞉ken; tsi ní꞉ioht nó꞉iente akénhake, otsínekwar nenkaristoténhake, tsi ní꞉ioht noniénha akénhake, karístatsi kí enkénhake. Né enkerá꞉ko ne skénnon akénhake tsi neniesathenhnikonrá꞉ren tánon karihwakwahrihshión꞉tshera enhoiéntake nónka enhiahiótenhse.

Daniel 9:24

“Tsá꞉ta niiorì꞉wake ne tsá꞉ta niwáhsen niiohserá꞉ke nikarí꞉wes ne Rawenni꞉io roteʼnienténhston ensehshakohnerénhsi ne sonkweʼtaʼshón꞉ʼa tánon ne sanatatokénhti tsi nihotirihwané꞉ren tánon tsi nihonnonkweʼtahétken. Enskaʼnikonrhén꞉en ne karihwané꞉ren tánon enskakwatákwen ne karihwakwarihshóntshera tsi nén꞉we, eʼtho naontá꞉we ne atetshénhsera tánon ne iekarí꞉waken né naiá꞉wenʼne, ó꞉ni ne ononhsatokenhtiʼkó꞉wa enskarihwatokénhston.

Joel 3:18

Ne thóh enwenhniserá꞉teke ne tsi ionontahrónhnions kwáh enwatsánon ne teionekatsikhè꞉tare onenhará꞉keri, ne tsi ionhniarónhnions kwáh enwatawenhrát꞉tseke nonón꞉ta, tánon akwé꞉kon tsi niwatnekí꞉nes ne Judah nón꞉we kwáh kí enwatawenhrát꞉tseke nohné꞉kanos; né ioné꞉kote kwáh thóh nón꞉we nénhtewe Raononsatokenhtikowáhne ne Roiá꞉ner tánon ne enhionekanónhte ne Shittim ahonráhkwakon.