Psalms 72:1 - Ohiatonhseratokénti

¹ Tserihónhnien ne ronnontí꞉io tsi natehahiatorétha né í꞉ratste ne sarihwakwahrihshión꞉tsera, Ó Sewenní꞉io; thá꞉tion ne kwáh í꞉se sáwenk tkarihwaiéri í꞉ken,

Psalms 72:1 ပူးပေါင်းရင်းမြစ်များ

2 Samuel 23:3

Ne raNí꞉io NIsraerʼronónke rotatíhon, Naosténra ne Israerʼronónke onkenhá꞉se: Ne ne tsi niká꞉ien sakokkoráston nonkweʼókons nahontakariwaiérike, tsi rokkoráston ne tsi rokweniénstha ne Ní꞉io,

1 Kings 1:39

Zadok iahá꞉hawe ne kátʼtse ne iakenhiewátha kénie wateienaráhkwah né꞉ne thóh nónhwe nithóha tsi tewathohseroʼte tsi thénhteron ne Roiá꞉ner, tánon wahawehieráro ne Solomon. Wahonthátisʼte ne iehonrawátstha, tánon onhkwetakwékon watsakohénreʼthe, “Karíhwes rónhnhek ne Ronhnonhtí꞉io Solomon!”

1 Kings 3:9

Káti táskon ne atenikonhratʼthokhátsera ne tewakathonhontsóni nakhehiatʼkórasʼthe ne shonkwetaʼshónhas né꞉ne kaiáneren tánon nahonkateriéntaraʼke tsi naʼtetʼtsatʼthíhen ne ioiánereh tánon ne karihwáksenh. Tó꞉ka iáh, ónh ní꞉ioht tsi akʼkwéni nakhehiatkórasʼthe kíʼ eh nihonatsókwah shonkwetaʼshónhas?”

1 Chronicles 18:14

Né Táwit wahatkórasʼte kwáh tsi niwatenáskwah ne Israerʼró꞉nonke tánon kwáh orihwí꞉io waʼrónh꞉ni ne rahonkwetaʼshón꞉as tsi tiókonte ioiánere ó꞉ni tkarihwaiéri tsi nenhonwanatieraséhake.

1 Chronicles 22:9

Ók kíʼ, ethohʼsáne, wahakarahrátsten. Wahénron, ‘Ensawirahiéntaʼne tsi kwáh skénnenk tsi enhatkórasʼte, tsioríhwa tsi entʼthíhion ne skénnen enkénhake tsi nòkwah ne tehontát꞉tsons. Solomon enhonwaiátʼtseʼke, Kí꞉ken kasénhna tsi iontonhníhon ne Hebrew owénhna né꞉ne “Shalom,” né kéntons “skénnon tánon iorihwaníron.” Tsioríhwa tsi nikaríhwes enhonhnontí꞉ioʼke enthekhéhion Nisraeʼró꞉nons ne skénnon ó꞉ni ne iorihwaníron.

1 Chronicles 29:19

Tátshion ne riʼiénha Solomon kwáh raweriasaʼkwé꞉kon tsi ahaskanékʼseke tsi ahatewénhnarahkwe orihwaʼkwé꞉kon tsi nisharihwíson ó꞉ni nahonsahanonhsónhni Nononsatokentiʼkówa tsi niʼwakeweienhnenhthásheron.”

2 Chronicles 1:10

ká꞉ti táskon naʼtenikonhratʼthokhátshera ó꞉ni ne kanikonhraienthátshera tsi naʼtewakatonhontsóni nakheʼiatkóraste. Asèken, onh ní꞉ioht tsi akʼkwéni nakheʼiatkóraste kí꞉ken tehionenhranón꞉hiani shonkweʼtashón꞉as?”

Psalms 127:1

Tó꞉ka iáh Roiá꞉ner iáh tehanonhsónhniaʼne, tsi niháti rotiʼnonhsónhni tsi rotihiothénhen iáh othènen satekenatéken. Tó꞉ka iáh Roiá꞉ner tehanikónhrahre ne kanatowáne, né ratiʼnatanónhne iáh kí othènen tehatiriwástha.

Isaiah 11:2

Ne raonikonratokentítshera ne Roiá꞉ner kwáh enwatorihsénhtaʼne rahonháke, noʼnikónra ne atʼthokhátshera ó꞉ni ne kanikonraienthátshera, nonikónra ne katsenhaientátshera ó꞉ni nontiérent, nahonikónra náttokhátshera tánon nahonwatshaʼnísehke ne Roiá꞉ner.

John 3:34

Aseken ne Niio thotennieton nekiok ratrori ne Niio raoȣenna aseken iah ki ok tiieroheststa ne Niio tsini honikonraȣis.