Psalms 71:22 - Ohiatonhseratokénti

²² Né Rawenní꞉io tsi nihorihwaʼtó꞉ken tsi nòkwah ne rahonkwetaʼshón꞉ha, ká꞉ti kwáh thenkonrihwáʼkwahse karenhsóhtaron onó꞉wa enkaterénhnote tsi tenhkonhnonweráton, Né꞉ne Rawenni꞉io ne rotokénti tánon rahónha NIsraeró꞉non ronhwasénhnaiens.

Psalms 71:22 ပူးပေါင်းရင်းမြစ်များ

2 Kings 19:22

Ónhka ónhte sèraʼkwe tsi tienikonratsaʼthakwe tánon thiʼtierónhakwe? Kwáh iáh thaʼhóthen tesetkweʼniénsthaʼkwe, né Watiathatokénti Nisraeʼró꞉nonke.

Psalms 138:2

Wakʼkatʼtsákete ahohénton ne Sanonsatokentiʼkówa tánon watkatenonhweráton ne sahsénhna né tsi niʼiorihwatóken ne sanoronhkwáhtsera tánon ne sarihwaʼtokentítsheras; asèken satʼtsenhnakaratáton ó꞉ni ne sawénhna orihwakwékon éhʼneken í꞉ken.

Psalms 144:9

Kwáh orénhnase thenkonhrihwákwahse, Ó Sewenní꞉io; né꞉ne oiéri nikarenhshó꞉taron énkaste tsi enkonhiaterenhnót꞉thaʼse,

Psalms 25:10

Akwé꞉kon ne tsi roháte ne Roiá꞉ner tsi iorihwató꞉ken ne kanoronkwáhtsera í꞉ken tánon oriwiʼiohónwe í꞉ken, né tsi nihiákon enhionteweiénton ne raoterihwasehronniátsera ó꞉ni ne raoianerénhseras.

Psalms 33:2

Tetsisewaʼnonweráton ne Roiá꞉ner oʼnowaʼkó꞉wa í꞉sewast; tsi sewaʼterenhnót꞉tas oʼnowaʼkó꞉wa í꞉sewast né꞉ne oiéri nikarenhsohtáron.

Psalms 43:4

Eʼthóhʼne kwáh thóh nón꞉we nienhénke tsi nón꞉we nonkweshónha nihonwaʼsenhnaienhthákwah ne Ní꞉io, asèken í꞉se takonhniénhnis nakatonhnáren; tánon né꞉ne karenhsotháron osnonsaiónstha né énkatsʼte tsi tenkonhnonweráton, Ó Ní꞉io akeʼNí꞉io.

Psalms 56:4

Rawenniʼióke, né꞉ne raowenhnaókons tekenonwerátons, Rawenniʼióke nón꞉we nitewakethákwen iáh kíʼ tewák꞉terons; onhnahóten aiekwéni ne ónhkwek khók í꞉ken ne thènen nahiontieráse?

Psalms 78:41

Waʼhonwateniénten ne Rawenni꞉io thon tahontashaʼwénhʼses, tánon ronhwanakwí꞉son ne rotokénti í꞉ken Israeronónke.

Psalms 89:1

Kwáh thenkeríhwaʼkwe né tsi niwatróris tsi ní꞉ioht tsi tiókonte sehnorón꞉kwah ne shonkwetaʼshónhas; sénha kíʼ isiʼnónhwe níken; Kwáh tsi nénhwe enkatroríheʼke tsi nisarihwaʼtó꞉ken tsi nòkwah ne shonkwetaʼshónhas.

Psalms 89:18

Roiá꞉ner, seh nonkwahnétsera í꞉ken, Nón꞉kwah nontí꞉io né seh ne Roiatatokénti í꞉ken Nisraeró꞉nonke.

Psalms 98:3

Ré꞉iare ne iorihwaʼtóken raonoronhkwáhtshera tánon ne raorihwaʼtokentítshera tsi nòkwah Nisraerʼró꞉nons. Akwékon ne tsi iehiotonhontsiotʼtaníhons iakotʼkátons ne raotesenhniétshera ne Rawenni꞉io.

Psalms 98:4

Kwáh ohontsaʼkwékon tesewaʼríhwak natsenhnonniátsheras rahonháke ne Roiá꞉ner; karenhnáken tsi tetsisewaʼnonweráton tánon tesewaʼhénret natsenhnonhniátshera.

Psalms 98:5

Tesewaʼríhwak tsi tenhtsisewaʼnonhweráton ne Roiá꞉ner né꞉ne onowakówa í꞉sewastst, sewaʼterenhnóthe nonhowaʼkówa.

Isaiah 12:6

Teshahénret iorakareníhak tánon tesehríh꞉wak natonhnarátshera Ó nètho sewanákere Zion, asèken tehotenonhianíton ne sewanenhríhen rénhteron ne Rohiatatokénti Saiáta khók í꞉ken ne Israerʼronónke.

Isaiah 43:3

Asèken Í꞉i ne Watiá꞉ner í꞉ken né Saní꞉io, né꞉ne Roiatatokénti khók í꞉ken ne Israerʼronónke, né꞉ne shiaʼiatákwen. Tká꞉wi ne Egypt né꞉ne ahonsehsanerénhsi, tánon ne Seba né꞉ne tahonthaʼtawístakwe ní꞉se.

Isaiah 5:16

Ók kiʼ né Sakoiá꞉ner ne ronterí꞉ios ratironhiakeró꞉nons ne ne rotsenhnakaratatónkwen ne raoianerétshera, tánon ne Roiataʼtokénti Ní꞉io rotatenéston tsi rotokénti thóh nónhwe ne karihwaʼkwahrihshionhtsherákon.

Isaiah 5:19

Ónka iónton, “Anion ne Ní꞉io tehosterí꞉hen, ánion tehákats ne raohioténhsera né nahónton ahitewatkáto; Ánion ne rotenikonhrónhni ne Rotokénti Saiá꞉tat Israerʼronónke iostóre tahosteríhen nakánahne, ne nahónton ahionkwahteriéntaraʼne!”

Isaiah 5:24

Né꞉se wahónhni, kwáh tsi ní꞉ioht nótsire tsi watʼtsahátha ne kawá꞉he, tánon ne iohontátʼthen tsi ehʼtàke niewétha ne tsi iotónhkote, káti ne raotithé꞉ra enhiótʼken, tánon ne raotiʼtsítsas thenkáthen tsi ní꞉ioht nokénhra; asèken rohtiʼkenhrataníhon ne raoʼrihonhnienhnítshera ne Sakoiá꞉ner ne ronterí꞉ios ratironhiakeró꞉nons. Ó꞉ni rotikenronhnihon ne raowenhnaokons ne Roiatató꞉kenti Saiá꞉ta ne Israerʼronónke.

Isaiah 57:15

Asèken né aoríhwa rá꞉ton ne éhʼneken tánon né kwáh tótʼte tsi rahónha thóh nón꞉we nihénteron tsi nón꞉we ne tsi nénhwe í꞉ken, né raosénhna né꞉ne Iotokénti: Thóh nón꞉we nikíteron ne kwáh éhʼneken ít꞉ken tánon iotenathatokénti, tánon kí ó꞉ni tsi nihiá꞉kon ne teiakaweriaʼsaríhon tánon tiakonikonrénhen, né náse ahonsónhton nakonikónhra ne tiaʼkonikonrénhen, tánon á꞉se ahonsónhton nakawariáʼne ne teiakaweriaʼsaríhon.

Isaiah 60:9

Asèken né tsi kawenhó꞉tons ionhontsakérons kwáh kí í꞉i enhionkateráʼrate, né꞉ne kahonwehiakowáʼtions né Tarshish enkahénte, né thentsakoiaténhaʼwe ne sehiohʼokónhas nahiʼnonhkówa ít꞉ken, né raonákwenk kawistará꞉ken tánon nowistanó꞉rons entʼtatiháwi, asèken né raosénhna ne Roiá꞉ner Saní꞉io, tánon né꞉ne rahonháhak khók Rotokénti í꞉ken NʼIsraerʼronónke, né aoríhwah tsi naʼteiarénhsarons.

Micah 7:20

Kwáh enthétion norihwihioʼón꞉we ne Jacob tánon kenténrat ne Abraham, kwáh tsi nisehrihwanirá꞉ti ne iakisoʼthonkonhkén꞉en ne wahón꞉nise tsi ná꞉he tkenʼne.

Romans 15:8

Asèken kwahróris ne Kerístos tsi rónʼnhekwe ne nòn꞉ne sakoiotenséhaʼkwe ne Sitaeró꞉nons, ne naréneste neh Rawenni꞉io tsi roriwatóken, neh kíʼ, nahónton tsi nahóten ne Rawenni꞉io sakorarasténni ne ronwatinihokonkénhens ehnaiáwenʼne,