Psalms 70:4 - Ohiatonhseratokénti

⁴ Ók aiáwenhs tsi nihiákon ne iesahiatísaks ahontonnárenh tánon ahonatʼtsenhnonhníhake shonháke; aiáwenhs tsi nihiákon ne ienorón꞉kwah ne senténhrat iaʼhiakokonhtakwénhak ahonhníron, “Tsi natehotenonhianíton ne Rawenni꞉io!”

Psalms 70:4 ပူးပေါင်းရင်းမြစ်များ

Psalms 35:27

Aiáwenhs tsi nihá꞉ti ne tehonatonhontsóni nahonsakathatewenhní꞉ione tehotihénrenk natonnaráhtshera tánon rontsenhnónhni, tánon tsi nénhwe ahontón꞉heke, “Tsi natehotenonhianíton ne Roiá꞉ner, rawerienhtí꞉ios tsi nihotiʼianerasthénhnis ne raonhatserashónha.”

Psalms 40:16

Ók aiáwenhs tsi nihiákon ne iesahiatísaks ahontonnárenh tánon ahonatʼtsenhnonhníhake shonháke; aiáwenhs tsi nihiákon ne ienorón꞉kwah ne senténhrat iaʼhiakokonhtakwénhak ahonhníron, “Tsi natehotenonhianíton ne Roiá꞉ner!”

Psalms 5:11

Ók sehríhon ratikwékon né í꞉seke nón꞉we nihonatekwáhsen nahiontonnáhren; sehríhon tsi nènhwe tahotirihwákwen natsennonhniátsera. Sheiaskwahéras né theshén꞉nes, né ká꞉ti tsi nihiákon ne ieshasenhnanorónhkwah nahonatʼtsenhnonhníhake.

Psalms 97:12

Sewaʼthonnárat rahonháke ne Roiá꞉ner, Ó í꞉se ne tionkwetaʼiéris, tánon thóh tesewaʼtenonhweráton raosenhnatokentíke!

Isaiah 61:10

Kwáh í꞉ken tsi kowá꞉nen enkatonnháren rahonháke ne Roiá꞉ner, kwáh akatonnhetsherakwékon iaʼtetsokétoʼte tsi enwatonnháren rahonháke nakeʼNí꞉io; asèken né ratseronhniáton naoʼtsherónh꞉niat ne kaienawaséhtshera, né rakerorókston né wakóses atiátawi ne aterihwakwahrihshón꞉tsheras í꞉ken, tsi ní꞉ioht né roniák꞉khe waharáseste wahatʼtatsitsaráh꞉raʼke, tánon tsi ní꞉ioht ne ioniát꞉khe wakará꞉seste né ionsthá꞉nion naowistanoroshónhas.

Lamentations 3:25

Ne Roiá꞉ner kwáh í꞉ken tsi entesakoriwaiéritʼtse tsi nihʼiákon ne ronwaniahésen.

John 16:20

Oriȣiio akȣa oriȣiio tsi kȣarori, tsi tenseȣasenthoseron, nok entsionsenanion; nok enhiontonnharonnion nonkȣeokon: katon enseȣanikonraksenseron, nok ki tanon atonnharatsera tenstiatteni ne seȣanikonraksentsera.