Psalms 68:35 - Ohiatonhseratokénti

³⁵ Tsi nihohiatanerá꞉kwat ne Rawenni꞉io tsi nontáre ne Raononsatokentikówaʼne, né Sakoní꞉io í꞉ken Nisraeronónke; tatkáwas ne kashasténhsera tánon sahkosastenhseráwis ne rahonkwetashón꞉has. Ronhwaʼsénhnaien ne Rawenni꞉io!

Psalms 68:35 ပူးပေါင်းရင်းမြစ်များ

Nehemiah 1:5

Waʼkí꞉ron, “O Saiá꞉ner, rahónha ne Rawenni꞉io ne tsi karonhiá꞉te, teotenonhiatí꞉ton tánon roshatstenhserowanenʼkó꞉wa Rawenni꞉io, Rahónha rateweién꞉tons naterihwaseronhniá꞉tshera ne kenténron tsi nihiá꞉kon ne ronwanorónhkwa tánon iontewenhnaráhkwa ne raorihwatátʼtshera.

Job Tánon ne Raoronhiakensera 37:22

Othorè꞉ke nitewé꞉tha ne owistanó꞉ron iorá꞉se í꞉ken; tehokwatasé꞉ton ne Rawenni꞉io tsi niióskats ne kaʼshatsténhsera.

Psalms 29:1

Tetsisehwanonweráton ne Roiá꞉ner, Ó sewaronhiakeró꞉nons, tesehwaʼtenonweráton ne raoiatanerahkwáhtsera tánon ne raoshaststénhsera.

Psalms 29:11

Aiáwenhs ne Roiá꞉ner ahontasaká꞉wen ne kashaststénhsera ne rahonkwetashón꞉has! Aiáwenhs ne Roiá꞉ner asakohiathatériste ne rahonkwetashón꞉has né꞉ne skénhnon í꞉ken!

Psalms 45:4

Thóh sashaststenhserákon sahonwíser notiónkwa ne tsi sahtesénhnion asèken karihwakwarihshión꞉tshera aorihónniat tánon nahontásehne ne tkariwaiériʼ sahthóntak ne sehseweientethákwen nahisanatón꞉hase ne iorihwanerakwaténions kahioténhseras.

Psalms 47:2

Asèken ne Roiá꞉ner, né꞉ne kwáh tót꞉te, tsi rohiatanerákwat, ohontsakwékon tsi ronontiʼiotserowánen.

Psalms 65:5

Í꞉se teskwaʼrihwasehrakwénhnis tsi teskwáwis natesenhniétshera, tánon ronwaʼsenhnakarátat ne Rawenni꞉io ne nonkwahiatakenátshera í꞉ken; í꞉se nonhkwahrahrát꞉tshera í꞉ken kwáh titkakwékton ne tsi iehiotonhontiotʼtaníhon nió꞉re iéken tánon ne ahinónhson nió꞉re tkaʼniataré꞉nions ne kaniatarakekowát꞉tsions.

Psalms 66:20

Tehinonhwerátons ne Rawenni꞉io, tsioríhwa tsi iáh tehotharónhtion nakwahterénhnaien khés éhʼren ahonsahohawíton ne iorihwaʼtóken raononronhkwáhtshera nakonháke.

Psalms 66:5

Káts tánon sewatkátho tsi nahoténsons ne Rawenni꞉io rohioténhen: tsi niʼiorihwaʼnerákwah tsi nisahkotseráse nonkweshón꞉ha.

Psalms 76:12

rahónha sakononhwaʼrhiákons ne ronhtinontí꞉ios, tánon tesakahonhnarítkons ne ratisháststes ronhtinontí꞉ios.

Exodus 15:1

Ethòne ne Mahís ó꞉ni ne lsraerʼró꞉nons waʼthonwariwáhkwahʼse kí꞉ken karénhna ne Roiá꞉ner: “Tenhiriwá꞉kwahse ne Roiá꞉ner, tsioríwa tsi aʼthonwesenhtsheràkon wahatʼkwéni ne atesenhniéntshera; kaniatarahkheʼkowàhne iesakohiatóntion ne koshá꞉tens ó꞉ni ne roʼtiʼshátens.

Isaiah 40:29

Shakoshatsʼtenhseráwis ne tehiaʼkowisehéion, tánon shaʼkosatsʼtenhseráwis ne iáh othènon teiéstha.

Isaiah 40:31

ók tsi niʼiákon ne ronhwá꞉rahre ne Roiá꞉ner kwáh kí á꞉se ensewáton ne raoʼtisatsténhsera, kwáh kí tenhhatiʼnerahhontʼtsiónhtaʼne tsi ní꞉ioht nakweksʼkówas, kwáh kí tenhhonrátaʼte tánon iáh kí thaʼtaatiwisénheʼie, kwáh kí thenhontekháʼhakwe tánon iáh kí tahontesatsʼtenhserót꞉ten.

Isaiah 45:21

Tesewariwát꞉tet tánon tsiotá꞉si né sewarihwasónha; ánion skát꞉ne ratiʼtsiénhaien! Ónhka kí꞉ken iakokʼróri ne wahónhnise tkènhne? Ónhka iakorihotáshion norihwakáion? Iáh kén Í꞉i tèken, né Watiá꞉ner? Iáh kén ónhka né Ní꞉io akénhake tsi nó꞉kwah ní꞉i, né꞉ne roiánere Ní꞉io tánon Sakoiatákwas; iáh ónhka nó꞉ia tekáien ne ók ní꞉i.

Zechariah 10:12

Kwáh enkhéhion nahkonhkweʼtashón꞉ʼa nahathishátsteke; kwáh enhiontsén꞉nahien ó꞉ni enhionkewenhnaráhkwake.” Ne Roiá꞉ner rothatí꞉hon.

Ephesians 3:16

Rawenniʼióke nón niwakaterénʼnaien neh tsioríhwa tsi nitʼkowánen ne rahohiataterítsera ne karonhiáke nahontatsítion ó꞉ni sewatʼtháwa ne kasatsʼténsera Asèken rahónha ne Rawenni꞉io theʼtsisewáwis ne kasatsʼténsera ne sewahnikonrakéʼsons.

Deuteronomy 33:25

Aiáwens ne rahothinathákons ne ahioiatanónsthate ne karistátsis iotenhenrenthón꞉nions, Aiáwens tió꞉konte tsi ahiorihwí꞉ioke tsi ahotenhniserathénionhke.”

Deuteronomy 33:26

Tsónhkwe ne Israerʼró꞉nonhke sewanákere, iáh nó꞉ia ne ní꞉io teká꞉ien ne thóh nahahiatoténhake tsi ní꞉ioht ne sewaNí꞉io, kwáh iorá꞉se tsi ní꞉ioht tsi rohonwí꞉seres ne tsi karonhiá꞉te, tsi iotsikerarón꞉nions nón꞉we nenhthonhonwí꞉sere nahonthahiaiathakenásera.

Philippians 4:13

Kwá tsík nakahiotenseróten enkʼkwéni nahontióten tioríwa tsi Kerístos rahkesastenseráwis.

Colossians 1:11

Neh ahisasasténseron tsi thóh nón꞉we akwé꞉kon nitewétha tsi nihionerákwat ne rahosasténsera, ne káti nahiotón꞉on oriwahkwé꞉kon asatakástathe tsi naisanikonrihioʼke. Tánon tetienonwerá꞉ton ne Kaʼní꞉sera, tsi raónha iaweiennentá꞉on nasatiatáren tsi nahó꞉ten ne Rawenni꞉io sakonónstati ne rahonkweʼtashón꞉a tsi tkanakerahserá꞉ien ne tsi tetioswátʼte.