Psalms 68:26 - Ohiatonhseratokénti

²⁶ “Tehonwanonweráton ne Rawenni꞉io thóh tsi nikentsiokowáʼnen iakoterénhnaien, tehonwaʼnonhweráton ne Roiá꞉ner, sewaʼkwékon ne Israeronónke nón꞉we nitisewatwatsiríhnon!”

Psalms 68:26 ပူးပေါင်းရင်းမြစ်များ

Psalms 107:32

Áhnion ronhwaʼsenhnakaʼrá꞉tat ne tsi iakoterénhnaien nonkweʼshón꞉has, tánon tehonwaʼnonweráton tsi ronatkenhníson ne rotikstenʼokónhas.

Psalms 111:1

Tehonwanonwerá꞉ton ne Roiá꞉ner! Kwáh keriasakwékon tsi tenhinonhweráton ne Roiá꞉ner, raotiʼtiókwahkon ne tonhnonkwetaiéris, thóh tsi nón꞉we nihonatkenhníson.

Psalms 26:12

Ne kashitáke thóh nón꞉we nikárate ne tsi iotonhontsakwahríshion; thóh tsi iakotsataróhron nonkweshónha kwáh thenhinonhweráton ne Roiá꞉ner.

Psalms 87:7

Ne tehatirihwáʼkwa tánon ne tehatinonʼniákwa kwáh né sá꞉ka tsi enhonhníron, “Zion shonháke nón꞉we nihiakwénteron.”

Exodus 15:20

Ne iotiatát꞉kon Miriam, Né꞉ne Aaron iatenó꞉senha, iaháʼtewaʼkwe ne nikanhakwá꞉ʼa ienahkwaʼekʼtákwa, tánon konhtikwékon ne konʼnónhkwe wakonwásehre, ioʼnatswahthonhátie ne niʼkanhakwá꞉ʼa ienhakwaʼektákwa ó꞉ni tehiotinonhniaʼkwenhátie.

Proverbs 5:16

Nónhka akó꞉ren iakón꞉kwe shewirá꞉wi iáh kiʼ ní꞉se thé꞉nen thaʼshatshennonniátahkwe.

Isaiah 48:1

Sewahthón꞉tek kí꞉ken, ne tsiónkwe NʼIsraerʼronónke, né ronwanatónkwen ne kasénhna Israel, tánon ne rahónha thóh nón꞉we nitawénon tsi nontakawatsiratátie ne Judah; rahónha rorihwaniráton raosénhnakon ne Roiá꞉ner, tánon iaohná꞉ton ne Sakowenní꞉io NʼIsraerʼronónke, ók iáh noriwí꞉io khés ne tkariwaiéri akénhake.

Deuteronomy 33:28

Káti tsi nienhatwatsí꞉rine ne Jacob skén꞉nenk tsi ronhnónhnhek, ioriwí꞉iot ne rahononhontsà꞉kes ne ahiotón꞉nike ne kwáh wé꞉so onátsa ó꞉ni ne onenharataʼsehontsherákeri, ne tsi iohaweieiástha né꞉ne tsi karonhiá꞉te ionekanóntens nonhóntsa.