Psalms 68:2 - Ohiatonhseratokénti

² Tsi ní꞉ioht nó꞉ienkwahra tsi hiotsienkwahrenhawiton, ká꞉ti sehʼiatékwat; tsi ní꞉ioht ne otsinakontákwahne raotiʼtsikhéta tsi kawistanáwenhs ne otsenhát꞉tha, ánion ne ronhnonkwetahétkens ratihiatháton rahohénton ne Rawenni꞉io.

Psalms 68:2 ပူးပေါင်းရင်းမြစ်များ

2 Samuel 10:13

Káti ne Joab tánon nonkweshón꞉ahs tsi nihá꞉ti ne raónha ratikwekonhátieskwe ohén꞉ton niahón꞉ne nahonterí꞉io niahonwanatiatónti ne Aramró꞉nons; tánon sahontèko thóh raohén꞉ton.

2 Samuel 10:18

Ne Aramró꞉nons wahontèko raotihén꞉ton NʼIsraeró꞉nons; tánon ne Táwit wasakononwarhiakhónhnion ne Aramró꞉nons tsá꞉ta tewenhniáwe nikaseretákes notsiónkwahs ne ne tioianátʼtions kosáhtens iotiʼiaténtons, tánon kaiéri tehonhnenhniawehetseráhsens nihá꞉ti ne kosáhtens rotisáhtens, tánon wahonwakaréhwaʼte ne Shobach ne rateriʼioserakweʼní꞉io ne raotitsió꞉kwa ronterí꞉ios, káti thóh nón꞉we ne raónha narénheʼie.

Psalms 22:14

Waʼkatesatstenserók꞉ten; thóh ní꞉ioht tsi ní꞉ioht nonékanos onhwenhtsáke waʼwé꞉ron. Tánon akwé꞉kon nastsienshón꞉has tehiosthonterakwenháton; nakwerhiáne thóh ní꞉ioht tsi shí꞉ken ní꞉ioht ne ohenhsa; thóh iowistanawénhon ne kenskwenákon;

Psalms 37:20

Ók ne ionkwetaʼtsenshonkónha kwáh nenhné꞉e enhonníheie, tánon ne ronwáshons ne Roiá꞉ner enhatiʼhiatháton tsi ní꞉ioht noienkwáhra kénk tsienhónhne. Thóh nihatiʼiató꞉ten tsi ní꞉ioht ne kahentáke wattsitiónhnis, ne kwáh iorakwataríhen enwastatʼthate.

Psalms 76:7

Ók í꞉se Saiá꞉ner ne onhkwetakwé꞉kon iesatʼtsánis! Iáh ónka taiekwéni naiétake ne sahénton nó꞉nen sanakwénhen?

Psalms 80:16

Né ionkhíshons ne ronatekatákwen tánon rotiʼiákon; aiáwens ahatihiatáton tsi natenhsehiatkáneren ne sanakwahtserákon.

Psalms 97:5

Né tsi ionhnontarónhnions waʼkawistanáwenhne tsi ní꞉ioht notsikhéta aiewistanawénhte, raohénton ne Roiá꞉ner káien né tsi rahónha ohontsakwékon tesakoniarótaron nonhkweshónhas ne tsi ionhwenhtsáte.

Isaiah 33:3

Tsi nenhkaritsʼtáren, nonkweshón꞉has wahontèko; sahénton sahiatanerákwat, nonkweshónhas wathonwanatʼthókwahte.

Isaiah 64:2

kwáh tsi ní꞉ioht nó꞉nen nó꞉tsire enwatékhaʼte noniénhkwires tánon nótsire né enkarihónhni noné꞉kanos tahionekónhti— né nasónhni né shaʼsénhna nahonateriénhtaraʼne ne iesás꞉wenhs, né káti né ronhnonhontsaʼkeró꞉nons nonhtiérenk ahotiʼiatíshonkwe ne shahénton!

Isaiah 9:18

Asèken ne karihwahetkénsera ió꞉teks kwáh tsi ní꞉ioht nótsire, wattsahátha nonionwá꞉ras tánon nohíktas; né watʼtsenhanetákwa ne karakonkówa, tánon thóh tehiotsienkwarátase eʼken niewétha ne tsi ioienkwáhrote.

Jeremiah 46:15

Onhnonhtsiéren ne Apis tsi wahatèko? Nonhtsiéren ne sewatʼtsiénenh tèro tsi iáh thaʼtetʼthotáhon? Ne tsi Roiá꞉ner rohiatsenénhton!’

Hosea 13:3

Eʼthó káti kwáh thóh nenhatihiató꞉theken tsi ní꞉ioht noronhnekéha iahonhawí꞉non khés kwáh né꞉ne iohawéien ne iostó꞉re teskahawehiákwah, tsi ní꞉ioht ne kawá꞉he kwáh skenénha kátses noskwenhkarà꞉ke ne tsi iethetáhkwa khés ne tsioienkwahró꞉te tsi tekatsiserá꞉ton.

Micah 1:4

Ethò꞉ne ne tsi ionhnontarónnions kwáh enkawistaná꞉wen tsi nón꞉we ní꞉res tánon nahonráhkwakons kwáh tenwateraneká꞉re tsi enwatenhotón꞉ko, kwáh tsi ní꞉ioht ne ohtsinaʼkontahkwaʼne otsikhé꞉ta kwáh enkawistaná꞉wen ákta ká꞉ien tsi iotékha, kí꞉ken otsikhé꞉ta enkanahó꞉ten kwáh tsi ní꞉ioht nohné꞉kanos tsi nón꞉we nihiotenontsá꞉kon.

Numbers 10:35

Ne nó꞉nen Naʼterihwasehrionhniátshera Oneró꞉kwah thentewatásawen tsi nienhénsewe, ne Mahís enhénron, “Tesehwátann, ne Roiá꞉ner; wateshaʼkoréniaʼte ne tesewatáʼtshons tánon washaʼkotékwahte tsi niháti ne ietshísons!”