Psalms 68:18 - Ohiatonhseratokénti

¹⁸ Onotoharakénhiaʼte niahá꞉re, ronatsokowánen sakohiatenháwi ne ratinótonkwe; waʼhaienásehron nathatawítseras tsi nahonwahwí꞉hon ne ronhnerhiasanírons, né nahónton nètho Roiá꞉ner Rawenni꞉io thóh nón꞉we nahenterónhtake.

Psalms 68:18 ပူးပေါင်းရင်းမြစ်များ

2 Chronicles 6:18

“Ók enskwéni ká꞉ti kén, O Sewenní꞉io, ne kwáh onwenhtsáke nón꞉we nasenákerehke skát꞉ke ne ronhnónhkwe tánon ne konnónhkwe? Akwé꞉kon ne tsi nikarónhia iáh kíʼ tsiatekaiéri tsi níwa nahisatiénawasʼte, onhʼká꞉ti né ní꞉ioht kí꞉ken Onhnonsatokentiʼkówa ne wakenonsí꞉son niaʼtakaiérike tsi nahónske?

Psalms 110:1

Ne Roiá꞉ner roró꞉ris natiá꞉ner né, “Kénʼen shátien tsi keweientetákwen tsi nió꞉re ne iesháswens enkheiatakéron ne shashitókon tsi ní꞉ioht ne teshashitaráh꞉kwa.”

Psalms 24:3

Ónhka iakoianerenhseráien niaienón꞉tarahne tsi rotenonhtáhere ne Roiá꞉ner? Tánon ónhka taiétahne ne raotenatatokentíke?

Psalms 47:5

Né Rawenni꞉io ionsahattharáthate raonitskwárane ionhsahá꞉tien. Tehiakohenrétha tsi nihiakoktsienhnónhni, tánon ne ronhterenhnót꞉tha rotihonrawáʼton tsi nonhsahattharáthate ne Roiá꞉ner.

Psalms 7:7

Sehríhon ne tsi kanakeraseraʼkérons nahonhnitiokwahró꞉rohke né tsatátha, tánon shasástien ne sanitskwárahne éhʼneken tsi nón꞉we nihónhnes.

Psalms 78:60

Kwáh kíʼ waʼhatewénhthete tsi nón꞉we nihenterónhtakwe ne Shiloh nón꞉we, né꞉ne tsi rononshó꞉te tsi nón꞉we sát꞉ne nitewanákerekwe,

Isaiah 55:7

Ánion ne ronhnonkwetaʼtsénhkwa rontiakwahríhsi tsi nihatiʼweienhnióten, tánon ne iáh teotirihwaʼkwaríhshion tsi nihonanonhtonhnthiontseró꞉tens; Sheʼríhon rahonháke ne Roiá꞉ner nieshón꞉ne, ne ká꞉ti nahónton ashaʼkóthenre, tánon rahonháke nón꞉kwah Ní꞉io꞉ne, asèken kwáh enkananónhake tsi ensheʼsakonikónhrenhse.

Isaiah 57:15

Asèken né aoríhwa rá꞉ton ne éhʼneken tánon né kwáh tótʼte tsi rahónha thóh nón꞉we nihénteron tsi nón꞉we ne tsi nénhwe í꞉ken, né raosénhna né꞉ne Iotokénti: Thóh nón꞉we nikíteron ne kwáh éhʼneken ít꞉ken tánon iotenathatokénti, tánon kí ó꞉ni tsi nihiá꞉kon ne teiakaweriaʼsaríhon tánon tiakonikonrénhen, né náse ahonsónhton nakonikónhra ne tiaʼkonikonrénhen, tánon á꞉se ahonsónhton nakawariáʼne ne teiakaweriaʼsaríhon.

Ezekiel 48:35

Ne tkakwékton tsi nihiónsons nashontasónhas ne kaiéri níkon ne skatísons ne kanatowánen 30,000 niwashì꞉take. Nahosénhna ne kanatowánen ne kénhen ienwatásahwen “Ne Roiá꞉ner Kénʼen Ires!”

Joel 2:11

Ne Roiá꞉ner kwáh enhatá꞉ti raotihén꞉ton ne raonkweʼtashón꞉as ronterí꞉ios; ne raonkweʼtashón꞉as ronterí꞉ios iáh tewashé꞉ton tsi nionatiokowanen, nón꞉ka enhatewénhnaraʼkwe ne raorihwatatʼtsera enhashátsteke ki! Asè꞉ken ne rawenhní꞉sera ne Roiá꞉ner tsi enwenhniserowá꞉nen tánon thenhiotenonhianì꞉tonke! Ónhka iaiekwé꞉ni nahiontakátsthate?

Matthew 9:13

Ȣasene tanisa, oni ietsirori tsinahoten kenton ne kenh nikaȣennoten: atanitenron ikere, iah natateȣenniiotsera. Aseken iah neh tokheroriane ne tionkȣetaieri aonsaiontatreȣate, neh tanon ne iakoriȣaneraakskon.

St. Mark 16:9

Aȣententaonke kati shotonnheton ne Iesos: Onȣariȣatere neh ne tsiatak nishatekȣatenni nʼotkon neh tontierente sahoken.

Luke 24:47

Nok raonha raosennakon aionteriȣanoton aiakohnikonkararen, nok tsi entsiakoterakeȣase ne kariȣaneren akaonȣentsiakȣekon nonkȣe, kentho Jerusalem ienȣatasaȣen.

Luke 24:49

Niare kati Jerusalem seȣenterontak tsiniiore ionseȣahrane nʼEnekenkha ahosaststensera.

Luke 24:51

Nok tsinikariȣes sakoterennaiennihatie eh tonsahontekhasi, karonhiakon niionsare.

John 14:23

Tontahoȣennaȣeron ne Iesos, nok ȣahenron: nonka rakenoronkȣa enhateȣeienton nakeȣenna, neh enhonoronkȣe ne Rakeniha; nok nii entsiteȣaiatorenne nok raonhake ienteȣatien.

John 16:7

Oriȣiiose sane tsinikȣarori: Seȣatsennonniat oni naonsakatenti. Aseken ne iah tenskatentionhe iah ki tahontare ne Sakohnikonriiosta, nok tanon nenskatenti enthiiatenniete iseke.

Acts 2:23

Tsi niʼtióseron tsi nihotenikonríson ne Rawenni꞉io ónenk siatehoriwaiéntaʼse tsi Ié꞉sos seh entsisewatiakwaríshaʼse; tánon waʼtsisewanonwariákon neh tsi wahetsiríhon ne rothiriwáneren tahonwaientennáren.

Acts 2:4

Kwáh ratikwékon washakotsiénhase ne Ronikonriʼióston tánon tahontásawen thih waronkhatserates wahontátionko, neh꞉ne Ronikonriʼióston wahsakoiénawaʼse nahontáti.

Acts 9:17

Sók kíʼ ne Ananias thóh wárete, hiahatáwehiaʼte tsi nónwe ténteron ne Saul, tánon hiatonʼnisnonsahéraʼse. “Tiathatéken Saul,” wahénron, “Roiá꞉ner rakathoʼrihátie nehne kwáh raónha—Ié꞉sos, tsi nahiathoʼtáshiaʼse nowaháke neh kén꞉en shonʼthesenonhátie. Tahakatóri nehne ahónton sékon ahonsáskenne ó꞉ni nashiàtanaʼne ne Ronikonratokénti.”

Romans 5:8

Nók Rawenni꞉io rawenéston tsi nishonkwanorónkwa—kwáh sékon sihionkwariwáneren neh Kerístos shasonkwenʼhéiaʼse!

2 Corinthians 6:16

Thó: ónhte kenʼ tiónakte ne Rawenni꞉io raononhsatokenhtí꞉ke ne kaiaʼtonniʼshón꞉ʼa? Onnonhsatokénhti ne wáhi tsi tiónhnhe ó꞉ni otionhà꞉ke nón꞉we nihèn꞉teron ne ronhnheʼón꞉we Rawenni꞉io. Ne seʼ aorì꞉wa rá꞉ton: “Eniakwakwekonhatié꞉sheke Iʼi ne raotiní꞉io enkénhake tánon akwé꞉kon I꞉ʼí akonkwé꞉ta enkénhake.”

Deuteronomy 33:2

Ne Roiá꞉ner tsi ionónhte ne Sinai nón꞉we nonhtá꞉re; thóh ní꞉ioht tsi tahoké꞉tote tsi ní꞉ioht ne tahiorakwinekenhenhátie é꞉neken ne tsi ionónhte ne Edom tánon tsi tionónhte ne Paran nón꞉we thontashakoswaʼthé꞉ten ne rahonkweʼtashón꞉as. Oié꞉ri tewenhniaweheʼtseráhsen niháti ratironhiakeró꞉non ratikwekonhátie, iotsiró꞉te ne saweienthethákwen.

Colossians 2:3

Raónha ne kanontónkwa í꞉ken ne kanontétshons akwé꞉kon ne wahshetánions atsiokowáhtsheras ne kariwakwarishióntshera ó꞉ni ne aʼthokhátshera.

Colossians 2:9

Asè꞉ken rahonháke ne Kerístos nón꞉we niwenéston tsi niiokwást ne Rawenni꞉io raowehién꞉na tsi nironnheʼón꞉we,

Hebrews 1:3

Renésta tsi naʼteioswátʼte ne Rawenni꞉io raohiatanerakwátshera tánon kwáh teshiatiéren ne Rawenni꞉io tsi niʼrónnhe, ne tsi nihioshatstenserowánen ne raowennashón꞉ʼa ne iotsenawastánion tsi orihwakwé꞉kon. Sahariwaié꞉rite ne kaʼnikonrénhtsera tsi nihiakoriwáneren nokwetaʼkwékon, karonhiá꞉ke ionsahátien shaweientetákwen nokwáti ne Ní꞉io, ne Rohshatsʼtenserowáhnen.

Hebrews 4:14

Kwáh, káti, iohníron tsi ionhkwahtienawastónhak tsi nitionkwetákwen. Asèken Rahtsihenstowáhnen ionhkwahtsihénstaien thóh nieshawéhnon tsi ténteron ne Ní꞉io—Ié꞉sos, né꞉ne Ní꞉io Roiénha.

Hebrews 6:20

Í꞉i onkwarihwàhke ne Ié꞉sos tsi thóh iehotawehiáton rohénton tánon tsi nénwe rahtsihentowáhnen rohtón꞉on tsi ne nihatsihenstoténhne kenʼne ne Melchizedek.

Hebrews 8:1

Ne kwáh kaiatakweʼní꞉io tsi nahóten iakwáhton tsi nió꞉re tsi ionkwentsihenstowáhnen, tsi nikáien né saweientethákwen nonʼnitskwahrahtsherá꞉ti renskwáhere ne Rawenni꞉io Ronontí꞉io ne karonhiáke.

1 Tiér 3:22

karonhiáke niesawénon tánon tsi raweientetákwen ne Rawenni꞉io iesénteron, ratikwékon ne ratironhiakerónons tesakoniarótaron tánon ne karonhiáke tatiriwakweʼní꞉ios ó꞉ni ne kasatsʼténseras.

Revelation 1:20

Ók tsi nihioteriwashé꞉ton ne tsá꞉ta nikatsistóhkwake né꞉tho wasatkáto ne skeweientetáhkwen, tánon ne tsá꞉ta ní꞉kons owistanó꞉rons wathaseranihiontháhkwas: ne tsá꞉ta nikatsistóhkwakes ne ne aotironhiakeró꞉nons í꞉ken ne tsá꞉ta nikanónsakes ionterenhnaientáhkwas, tánon ne tsá꞉ta ní꞉kons wathaseranihiontáhkwas né꞉ne tsá꞉ta nikanónhsakes ionterenhnaientáhkwas.

Revelation 21:3

Tánon onkathón꞉teʼne iowenhnakaré꞉ni thóh nontá꞉we tsi tewanitskwarahtseró꞉te watón꞉nions, “Satkáto, ne tsi ronónshote ne Ní꞉io thóh skátne nonkweʼó꞉kons. Ne Raónha thóh enhenterón꞉take skátne ne ronón꞉ha tsi ne raó꞉ti Ní꞉io enkénhake; ne ronón꞉ha raón꞉ha raonkweʼtashón꞉as enkénhake, tánon kwáh ne Ní꞉io raonhatsí꞉wa tsi enhatikweʼkónhake;

Judges 5:12

Sehénhtens, Deborah, Sehéntens! Sehéntens! Tesehwaríhwak ne karénhna! Sehéntens! Iasewaténhti, Barak ne roʼníha né꞉ne Abinoam, Sehéntens ne sehnó꞉tons iasehiaténhaf!