Psalms 67:4 - Ohiatonhseratokénti

⁴ Ánion nakahontsakwékon nonkweshón꞉ha iakotsenhnonníhak tánon né teieríhwak natʼtsenhnonhniátshera, asèken né꞉ne tkarihwaiéri tsi ní꞉ioht tsi tesehiatorètha nonkweshónha tánon í꞉se ensehiasárihne akahontsakwékon nónkwe ne tsi ionwéntsaien. Selah

Psalms 67:4 ပူးပေါင်းရင်းမြစ်များ

Genesis 18:25

Oriwiioʼón꞉we tsi iáh thahsheiáhtonʼte ne iáh teiakohnhí꞉kon skátne ne rotihnhí꞉kon, tshieiorí꞉wakon nenʼné꞉eh! Iáh thahskwé꞉ni neh náhshiere. Tókaʼ thóh nénhshiere, ne iáh tehotihnhí꞉kon skátne enhontré꞉wahte ne rotihnhí꞉kon tsheiorí꞉wakon nenʼ né꞉eʼh. Ne Shakorihwènhtha nohontsakwé꞉kon ó꞉nenk tsi thóh nenhá꞉iere tsi nitkarihwaié꞉riʼs.”

Psalms 2:8

Takerihwanónhtons, tánon enkhehiónhnien ne thihononhontsátes í꞉se ensehiatakweʼní꞉ioke, tánon ne tsi iehiotonhontiokʼtaníhon í꞉se sáwenk enhwáton.

Psalms 82:6

“Ní꞉io nesewaiatótens,” káton, “kwáh akwékon ne tsi sewaʼhiohokónhas né kwáh thoshaststenhserowánen;

Psalms 9:8

Tsi tehahiatoréhtha ne tsi ionwenhtsáte né꞉ne tkarihwaiéri í꞉ken; sakokkoráston né ronhnonhontsakeró꞉nons né꞉ne tkarihwaiéri í꞉ken.

Psalms 96:10

Ietsiró꞉ri nonkweshón꞉has, “Ne Roiá꞉ner tsi ronhnontí꞉io séh! Né tsi ionhontsáte kwáh í꞉ken tsi ioriwaʼníron tsi ní꞉ioht tsi kakwahtákwen; kwáh iáh nonhwénhton tsahontoriáneron. Kwáh sathenhiotónhake tsi tenhsakoiatóreʼte nonkweshón꞉ha.”

Psalms 98:9

né꞉ne tsi nón꞉we níres ne Roiá꞉ner, asèken taré꞉se ne naharíhwenhte tsi ionhontsáte. Kwáh kí karihwaʼkwahrishiontserákon tsi enharíhwenhte ne tsi ionhontsáte, tánon tsi nòkwah nonhkweshón꞉has kwáh kíʼ nonʼnéʼe sathehiotónhake.

Isaiah 54:1

Tesewaríhwak, Ó tsi nítsion ne iáh tesewahwiraʼientáhon; tiaʼtesewahénret tsi tesewaríwak, í꞉se ne iáh tesewaronhiakénhon nahiʼsewawiraʼiéntane! Asèken nakohiohʼokónhas ne konwatewenhtéton iónkwe kwáh enhionatiokówanenhke tsi ní꞉ioht nakohiohʼokónhas ne ioniá꞉kon, rá꞉ton ne Roiá꞉ner.

Isaiah 55:4

Satʼkátho, rahónha rihiónhni nahariwaníraʼte nonkwé꞉ne, asakohénthense tánon ahontasakoniarotárohke nonkweʼshónhas.

Isaiah 60:6

Ronaʼtiokwatsáni rotiʼniakwáher entiesaróroʼke, né꞉ne kennithontiʼiónha rotiʼniakwáher né꞉ne Midian tánon Ephah nón꞉we nenhtónh꞉ne; ratiʼkwé꞉kon ne Sheba nón꞉we kwáh enthón꞉ne. Kwáh né enthaʼtíhawe nowistanórons tánon ne kanetanóron, tánon enhatiʼrihówanaʼte ne raononweratón꞉tsheras ne Roiá꞉ner.

Acts 17:31

Asèken rawenniseraráhkwen tsi kwáh niaʼtehionkwétake ne tsi ionwentsiáte tsi tensakohiatórete kariwakwarishiontserákon tsi nihohiatarákwen nètho rónkwe neh tehahiatórete. Neh kí꞉ken sakonesténni kwáh tsi niaʼtehionkwétake tsi nishokétskwe nètho rónkwe ne kenheiátʼne!”

Romans 2:5

Nók iáh tatesahontakáronte tánon seriasáksen. Nekarihónʼnis, í꞉se satatonniénʼnis neh karewatátsera sénha tehiotenonhianíton tsi ní꞉ioht ne tewenʼniserónte nónen neh Rawenni꞉io rahonakwátsera tánon ne tkariwaiéri kaiatoretátsera enhiotásion.

Galatians 4:27

Tsi niwáton noriwatokénti, “Sewatʼtsennonníhak ne iáh tesewawiraiénton tsi sewatʼthonwísen! Tesewahénret ó꞉ni tesewahséntʼto atʼtsennonniatserákon, í꞉se ne iáh nonwénton tesewaienteráʼon naisewaronhiáken naisewawiraiéntane! Asèken ne iónkwe ne tehiotetʼkháshion shékon wéso entsiowiraiéntane tsi ní꞉ioht ne iónkwe ne iáh nonwénton tatehiotetʼkháshion.”

Deuteronomy 32:43

“Tsónhkwes, ó꞉nenk tsi thenieʼtsinonhwerá꞉ton ne Rawenni꞉io rahonkweʼtashón꞉a— shakorewátha ratikwé꞉kon nónhka enhonwatinonhwarià꞉kon. Shakháriks tsi nokwáh ne ronhwáshons tánon shesakorikonhrénhse ne raotirihwanerahà꞉tsheras ne rahonkweʼtashón꞉a.”