Psalms 66:14 - Ohiatonhseratokénti

¹⁴ nó꞉nen ne satewaʼkanikonhrá꞉ren konhiararatsténhni. Ónenh kíʼ éhʼtho nénhtiere tsi kíʼ niwaʼkararátston.

Psalms 66:14 ပူးပေါင်းရင်းမြစ်များ

Genesis 35:3

eʼthó꞉ne tetewá꞉taʼn tánon Bethel nón꞉we niehétewe, ne naón꞉ton thóh nón꞉we iahiʼiónnien ne ietsenhahráhkhwah né Rawenni꞉io tsi niká꞉ien ne tehakerihwaʼserakwén꞉ni ne tewenhniserá꞉tehkwe ne shaʼtewakeʼnikónhrhare tánon kwáh iakenikwekonhátieʼskwe ne tsik nonwéhsons niewaké꞉non.”

2 Samuel 22:7

Thóh tsi natewakanikónrahre iahináton ne Roiá꞉ner; raonhá꞉ke nakeʼNí꞉io iahiná꞉ton. Thóh raononsatokentiʼkowáhne wahakewénhnaronhke, tánon tsi tekaʼséntʼthos iahothóntene.

Psalms 18:6

Thóh natewakanikónrahre iahináton ne Roiá꞉ner; rahonháke nakení꞉io watkhasénhtho nahatiénawase. Thóhrahononsatokentikówahne waʼhakewénhnaronhke, tánon tsi tekaséntʼthos ne rahonháke iaʼhohonsónhkote.

Numbers 30:12

Ók tó꞉ka ne teníteron enhánese nakánane tsi nihiorahrátston nó꞉nen enhothóntene, iáh kíʼ thaʼtehiothonhontsóhon nakarihwaiérite tsi nihiorahrátston. Né Roiá꞉ner enshaʼnikónhrenhse, tsioríhwa ne teníteron tsi wathátaste nakarihwaiérihte tsi nihiorahrátsʼton.

Numbers 30:2

Nónen ne rónhkwe waʼharáratsʼte ne thènen ahontahá꞉wenh ne Roiá꞉ner khès ne waharihwanírate né knahótenk ahateweiénton, iáh kíʼ tehiówenk ne tahonsahá꞉hiake tsi nihorarátston, ók ónenk tsi enhateniénhten orihwakwékon thóh nenháiere tsi kíʼ nihá꞉wen.

Numbers 30:8

Ók tó꞉ka ne tení꞉teron enhá꞉nese nakarihwaiérite ne iorarátsʼton nónen saharihwáronhke, iáh kíʼ tehioterihwaiénhni niatahiókʼten. Ne Roiá꞉ner enshanikónhrenhse.

1 Samuel 1:11

Nakaónha kén ní꞉iot tsi wahonráhratsʼte: “Ó Sheiá꞉ner ne ronterí꞉ios ratironhiakerónons, tó꞉ka ní꞉se kwáh asheiatkátho tsi niʼiakonhnátsen ne sanhá꞉tshera, tánon aonshaskeiá꞉rahne, tánon tó꞉sa sheʼiatanikónren ne sanhá꞉tshera, ók enteshé꞉ion ne sanhá꞉tshera roskerakéte owirá꞉a, eʼthóhʼne kiʼ enhí꞉teron sahén꞉ton kwáh ne ne nazirite kwáh tsenshatonhnók꞉ten. Iáh thahanekiráke notsítsa khés niakononwahratóntha, eʼthóhʼne kwáh kíʼenthí꞉ion Roiá꞉ner kwáh tsi nikarí꞉wes enrón꞉nheke tánon iáh tsaʼkaiéna ne ionthatenonkarhiákstha ne ranontsíne.”