Psalms 65:8 - Ohiatonhseratokénti

⁸ Ohontsakwékon í꞉iete tsi nihiakonikonríhnekenʼen ne iorihowánens tsi nihsahtieránion; í꞉se sónhnis tsi niwaʼterihwathéntses noronkenéha tánon nokarasnéha tenhiakohénrete natsenhnonniátshera.

Psalms 65:8 ပူးပေါင်းရင်းမြစ်များ

Genesis 8:22

Kwáh tsi nikarí꞉wes enionhwentsá꞉teke, ne tsi nienhskahé꞉sheke naieienthóhseron ó꞉ni naieientwá꞉ko, aiothó꞉reke ó꞉ni naioʼtarihénhake, akenhnhá꞉ke tánon akohserà꞉ke, tsi niwenhnísereʼs ó꞉ni tsi niwahsón꞉teʼs, kwáh iáh thaʼtaká꞉taʼne.”

Job Tánon ne Raoronhiakensera 38:12

“Thé꞉nen ken shenhá꞉hon noronkeʼnéha tsi ná꞉he tiotásawe ne tsi sathenhniseraténions, tánon aserihón꞉ni noronkéstsi naioterienhtá꞉rane naonákte?

Psalms 107:29

waʼrón꞉nien ne tsi teioweratáse ne sák tahonshón꞉ton, tánon ne tsi iononthakwahronhtónhtses ne kaniatarahkhekówahne kwáh sák thonshón꞉ton.

Psalms 126:2

Tsi nihionkwahiéson, tánon ne iakwenhnasáke ne watsiohénreʼte naʼtsienhnonhniátshera; eʼthóhʼne wahonhnirón꞉nion tsi ienakeré꞉nion nonhkweshón꞉has, “Né Roiá꞉ner iorihowánens tsi nisakotséraʼse.”

Psalms 135:9

tahaténiete naréneste ó꞉ni ne iohrihwanerakwahténions né sewanenhríhen, Ó Egypt, ne nahotkónhten ne Pharaoh ó꞉ni ratikwékon ne raonhatserashónhas.

Psalms 136:8

nenhtieʼkhenékha karákwah né꞉ne entkaniarotaró꞉ke tsi niwenhníseres, asèken ne iorihwatóken raonoronhkwáhtshera tsi nénhwe enkátake;

Psalms 148:3

Tehonwanonweráton, ne kará꞉kwah tánon nasonthenhnékha karákwah; tetsisewanonweráton, sewakwékon ne tesewatsistokwátʼtes!

Psalms 19:5

thóh ní꞉ioht tsi tkarahkwínekens tsi ní꞉ioht ne roniá꞉kon tahiá꞉kens tsi ranonwétstha, tánon tsi ní꞉ioht ne rón꞉kwe ronhnhashástste tsi teharé꞉rons,

Psalms 2:8

Takerihwanónhtons, tánon enkhehiónhnien ne thihononhontsátes í꞉se ensehiatakweʼní꞉ioke, tánon ne tsi iehiotonhontiokʼtaníhon í꞉se sáwenk enhwáton.

Psalms 65:13

Né kahentákes ne titkontíhere teiotinakarontónha, akwékon nahonrákwakons kwáh onátsias iotón꞉ni, orihwaʼkwékon kí꞉ken tsi nihiókwats thóh ní꞉ioht kwáh né꞉ne ónhkwe tehiakohenré꞉tha tánon tehiakorihwáʼkwen tehonwaʼnonweratónhnions Rawenni꞉io.

Psalms 66:3

Tsisehwaʼró꞉ri ne Rawenni꞉io, “Tsi niioriwanerakwaténion tsi nihaié꞉ra! Né aoríhwa tsi nisashaststenserowánen ne iesáhshons waʼhontʼtókerihke ne sahénton.

Psalms 74:16

Í꞉se sáhshons ne tsi wénhtate ó꞉ni nasontʼthénhne; í꞉se sakwahtáko ne tsi karákwahre ó꞉ni nasontʼthenné꞉kha karákwah

Psalms 89:10

Í꞉se tesenenhstsiákon ne Rahab tsi ní꞉ioht nostsientóskon í꞉ken; waʼtesehiaréniaʼte ne ieshá꞉shons né waʼshaste ne senenhshá꞉saste.

Isaiah 17:13

Ne iakahontsaʼkerónons iakoronkwénstatre kwáh né꞉ne wé꞉so watnekíne, ók kí ensakoʼtewenhnaiéntonhwe, tánon kwáh enhontèko nahí꞉non nónwe nienhónhne, ensakósehre tsi ní꞉ioht ne kaʼwàhe ne tsi iononhtarónhnions nohénton takáwerakwe tánon tsi niʼhioienkwáhrote nohénton thenkaweraʼtáse.

Deuteronomy 4:19

Nó꞉nen iensatká꞉tho ne tsi karáhkware tó꞉ka ó꞉ni nashonthenhnékha karáhkwa tó꞉ka ni ó꞉ni ne tsi iotsistoʼkwarónhnions, tó꞉sa iesaʼnikonhrotá꞉ko ne tasaʼtshà꞉kete naseshén꞉naien. Asè꞉ken ne Roiá꞉ner saNí꞉io né꞉ne tesakó꞉wi nakoʼrénhson ne tsi ionwenhtsáte nakonhwatiʼshén꞉naien.

Revelation 11:13

É꞉tho nikaʼhá꞉wi teiotenonhianì꞉ton tsi watsaontsí꞉shonhkwe, tánon noierí꞉haton niekanónshote ne kaʼná꞉takon wakanonshiénnenhne; tsá꞉ta natehonhnenhniawehetsheráhsen niiá꞉kon wahakononwarhià꞉khon tsi wahatsaontsíshonkwe, tánon ne ronátiaʼkes tsi nahotiʼterónhne tánon taʼhón꞉ion ne kaiatanerakwáhtshera ne Raní꞉io ne karonhiá꞉ke.