Psalms 63:9 - Ohiatonhseratokénti

⁹ Ók tsi nihiákon né꞉ne iakésaks nahiontón꞉te tsi kónnhe kwáh thóh nón꞉we nienhénhien tsi tsohontsáien ne kenhéion;

Psalms 63:9 ပူးပေါင်းရင်းမြစ်များ

Job Tánon ne Raoronhiakensera 40:13

Ratikwé꞉kon skátne shehiatháta otsatónhkwakon; shenhó꞉ton tsi tiohontsá꞉ien ne kenhé꞉ion.

Psalms 18:36

Í꞉se tatienawáʼkonhkwe ne tó꞉sa ahiontiéna, tánon iáh kíʼ nonwénhton tewatiatienénhon.

Psalms 35:26

Aiáwenhs ratikwé꞉kon ne roʼnatonnáhere tsi nòkwah nakateraswatsenhéntsera ahonwaʼnatéhate tánon tahontenikhonratkhashiónko; aiáwenhs tsi nihá꞉ti ne ionhkatatkowanaténhni atehénsera tsakoróhrok tánon kaʼkenronhniátsera.

Psalms 35:4

Saiá꞉ner, sehsénhni tánon sehkénron tsiniháti ne ronhteniént꞉tha nahionkenonwaʼrhiá꞉kon! Sahsehiáktat tánon tesehianitón꞉niaten ratikwé꞉kon ne ronhtenikonrón꞉nis nahiontkaréwate!

Psalms 38:12

Tsi niháti ne rónh꞉nere nahionkenonwarhiákon, ronhteristaienhá꞉tons nakerihwáʼke; tsi niháti né꞉ne ronnésaks nahiontkaréwate né rotiʼtharákwen ne kaʼkaronhniátsera, iáh tehontkáwas tsi tehionkaskohtháhnis.

Psalms 40:14

Aiáwenhs tsi niháti ne ronteniéntʼtha nahionkenonwaʼrhiákon, iehiokonhthakwénhak tsi ronhwaʼtisénhni tánon tehonwananitonniáten! Aiáwenhs tsi niháti ne ronatʼtsenhnónhni tsi natewaʼkanikónhrahre sonwaʼnátʼtat tánon ronhwaʼthisenhnáksat!

Psalms 55:15

Aiáwenhs ne iónkʼshons ahonhníheie nohénton iahotihiátiwe; aiáwenhs tsiahonónhneke tsi iahónsnenhte ne tsi tsohontsáien ne kenhéion! Asèken ne karihwahét꞉ken tsi rotinonsóhtons kénteron tánon ne raoneriáne.

Psalms 55:23

Ók í꞉se, Ó Sewenní꞉io, iensehiáthente tsi nón꞉we ne kwáh tioshón꞉wes; né sakonaséhtha tánon natiokenthashónhas kénk nentontíhionke enhonnhíheie. Ók kwáh kíʼ shonháke nón꞉we nenhtewakethakwénhake.

Psalms 70:2

Aiáwenhs tsi niháti ne ronteniéntʼtha nahionkenonwaʼrhiákon, ronhwaʼtisénhni tánon tehonwananitonniáten! Aiáwenhs tsi niháti ne ronatʼtsenhnónhni tsi natewaʼkanikónhrahre sonwaʼnátʼtat tánon ronhwaʼthisenhnáksat!

Psalms 86:13

Tsi natehiotenonhianíton ne iorihwató꞉ken sanoronkwáhtshera nakonháke; í꞉se saskeniá꞉kente nó꞉nen ákta sí꞉wes nahionkenonwariá꞉kon.

Psalms 9:17

Áhnion né ronhnonkwetahétken Sheol nón꞉we nienhónhne, ratikwékon nón꞉kwe ne ronhwahiatanikonhrénhen ne Rawenni꞉io.

Song of Songs 8:5

Ónka nènhne nètho tsi nonhtahawenonhátse ne iahonwentsathénhake, thóh iakotsaʼtanenhtákon rahonháke ne ronwanorónhkwa? Thóh karonhtókon ne sehiahiówaʼne tsi wakónhiete. Éhʼtho nónhwe ne sanisténha iakoronhiákenhwe nesariwáhke: thóh nónhwe nakahón꞉a niʼiesanakerátston tsi iakoronhiákenʼkwe.

Isaiah 14:15

Ók iehiesaiaténton ne tsi tionhontsá꞉ien ne kenhé꞉ion, tsi nón꞉we ne kwáh tsiosónhwes.

Isaiah 14:19

ók ní꞉se áhtste iehiesahiatónhtion, èhʼren iesahiathenhawíton ne satʼtsatonhkwákon, kwáh né꞉ne iaweheiontátkens, ne thitisaró꞉ron ne iakawenhéion, tsi nihiákon ne ionhthatahá꞉son nasarekówa wáhston, ón꞉ka ne ienióntsnenhte ne tsitʼkanenhiakérons nosonhkwákon, kwáh né꞉ne thóh ierathátses aweheiónthake.

Isaiah 14:9

Ne tsi tionontsá꞉ien ne kenhé꞉ion nàkonh nónka í꞉ken tesatorhiaʼnerónhaʼse ne tahitsatátken nó꞉nen entèse; wakaharátaʼte ne atsanerónsera ne ne tahisanónwehron, ratiʼkwékon ne sakotiʼhentenhséhaʼkwe ne tsi ionwenhtsáte; tethatítas ne ranonanitskwáhraʼne ratiʼkwékon ne sakotiʼnontí꞉ioskwe ne iakahontsaʼkerónons.

Acts 1:25

neh ahohióten nahateriwanóten tsi tensohnakʼthákwen ne Sitas, neh thóh nónwe nieʼhawénon tsi nónwe thóh nákʼthe.”

1 Samuel 25:29

Tó꞉ka ónhka shí꞉ken tahontahiétahne naiesá꞉sehre tánon nahonnésake ne tsi shón꞉nhe, ne tsi rón꞉nhe natiá꞉ner kwáh kiʼ enkawánerenhke ne ostó꞉kwah tsi ronón꞉nhe ne enhatenhnikonráhren ne Roiá꞉ner Saní꞉io; ók ne tsi ronón꞉nhe ne iesáswens ne raónha kwáh kiʼ iensakoiatónhti sén꞉ha enhiosháststeke tsi ní꞉ioht ne iehiakonenhʼietiontáhkwah.

1 Samuel 28:19

Sénha í꞉si nón꞉we ne Roiá꞉ner kwáh ní꞉se tánon ne Israel thóh iènsewathátehre rontshanákes ne Philistines; tánon nenhió꞉renhne ní꞉se tánon ne sanekenterontserashón꞉ahs kwáh í꞉i entewakwékahne; ne Roiá꞉ner kwáh ó꞉ni ne Israel raotitsió꞉kwas ne ronterí꞉ios thóh ienhonatátere rontshanákes ne Philistines.”