Psalms 63:1 - Ohiatonhseratokénti

¹ Ó Sewenní꞉io, í꞉se nakeNí꞉io í꞉ken, konhiatísaks, nakatónnhets ioniatátʼtens í꞉se saská꞉neks; thóh nió꞉re tsi konhiaskáneks thóh ní꞉ioht tsi katʼtókas enwaʼkenikonhrá꞉ton, tsi ní꞉ioht ne iahonwenhtsatʼténhen tánon iáh othènen teskariwástha ne tsi nón꞉we iáh othènen teionekáien.

Psalms 63:1 ပူးပေါင်းရင်းမြစ်များ

2 Samuel 15:28

Satkátho, kwáh enkaterárahte tsi nón꞉we ne iáh teionhó꞉tes thóh ahonwenhtsat꞉ténhake tsi niʼió꞉re nowénhna iénwahwe niʼsèke nón꞉we nénhtewe tsi ensetʼronhkáten,”

1 Chronicles 16:14

Roiá꞉ner seh nonʼkwahʼNí꞉io í꞉ken; né raorihwaʼtát꞉tsheras ohontsaʼkwé꞉kon nón꞉we nikáien.

Job Tánon ne Raoronhiakensera 8:5

Tó꞉ka ní꞉se entsiatí꞉shake Rawenni꞉io tánon ne shón꞉niat natsianithentá꞉se ne roshatstenhserowá꞉nen,

Psalms 118:28

Í꞉se Nakení꞉io í꞉ken, tánon kwáh í꞉se thenkonhnonweráton; í꞉se Nakení꞉io í꞉ken, kwáh kíʼ enkonsenhnakará꞉thaʼte.

Psalms 119:81

Tewakwisenhéion, Saiá꞉ner, ne tsi nikaríwes wahkateráhrate naskenónsthate; né꞉ne sawénhnake nón꞉we nitewaketákwen.

Psalms 143:10

Takerihónhnien nahontakonhnikonhraiérihte, asèken í꞉se nakení꞉io í꞉ken. Takeríhon ne sashaststénhsera ahonkasárine tsi nón꞉we nihiothahakwahríshion.

Psalms 143:6

Iatkanenhtsá꞉thate ne shonháke; nakatónnhets ioniatatʼthéntha í꞉sehke kwáh tsi ní꞉ioht ne iahonwenhtsiatʼténhake tsi ioniatátʼtens nahiokénhnore. Selah

Psalms 31:14

Ók isèke nón꞉we nitewaʼkethákwen, Ó Saiá꞉ner; Ká꞉ton, “I꞉se nakeNí꞉io í꞉ken.”

Psalms 42:11

Tsi nió꞉re tsi waʼkenikonhrák꞉sens, Ó akwahtón꞉nhets, tsi nió꞉re tsi tewakanikónhrahre? Kwáh Rawenniʼióke nón꞉we nénhtsen nakwahrahrát꞉tsera, asèken shé꞉kon kíʼ thenshiʼnonhweráton, rahónha sahkeskonthákwen tánon akeʼNí꞉io í꞉ken.

Psalms 5:3

Saiá꞉ner, noronhkéne enskewénhnaronhke; tsi nonhtahiorakwinekenhenhátie enkonhianithéntase nakerihwashónhas ne shonháke, tánon enkateráhrate ne tekarihwasehrákwen.

Psalms 78:34

Né nó꞉nen nón꞉kak tsi niháti ensakononwariákon, ne ronátiakes rahonháke iénhsonhne; enshontatʼréwate tánon ronaterénhnaien thotinikonhrakonthákwen rahonháke.

Psalms 84:2

Nakatónnhets wasʼkáneks, kwáh í꞉ken tsi wakaskanetʼthennis ne raononsaʼtokentiʼkówa ne Roiá꞉ner; kwáh akatonnhetʼtserakwékon tsi tenhirihwákwahse natʼtsenhnonhniátshera ne ronnhehónwe Rawenni꞉io.

Psalms 91:2

enhonhwénhase ne Roiá꞉ner, “Í꞉seke nón꞉we nikatasehtákwah tánon í꞉se nakathenhénra í꞉ken; í꞉se nakení꞉io í꞉ken, shón꞉hake nón꞉we nitewaʼkethákwen.”

Exodus 15:2

Roiá꞉ner seh nʼakeshatsʼténsera ó꞉ni nʼakerénhna, tánon rahónʼa nʼatsiaʼthakenáhtshera; né kí꞉ken nakeʼNí꞉io, tánon kwáh tenhinonhweráhton, rakeníha raoʼNí꞉io, tánon kwáh enhiʼsenhnakaráhtaʼte.

Exodus 17:3

Ók kíʼ nonhkweshón꞉ʼa kwáh íken tsi rotiʼniatáthens tánon iahonthaʼsónhteren wahonwariwaʼkátatʼtse ne Mahís. Wahonníron, “Teskwahiaʼtinekénʼen kén ne Egypt? Ne꞉ne kaniaʼtaʼthéntshera tsi ní꞉ioht tsi askwaʼnonhwarhiákon ó꞉ni ne iakhiʼienʼokónhas ó꞉ni nonhkwaʼtsenenhó꞉kons?”

Proverbs 8:17

Khenorónhkhwa ónhka ionkenorónhkhwa; ne ónhka iontiaʼtíhsaks eniontiaʼtatshén꞉ri.

Song of Songs 5:8

Kwaniténtahse, O tsisewathonwísens ne Jerusalem, Tó꞉ka entsatatʼtsénri ne riʼnorónhkwa, nètho tsró꞉ri waʼkenonhwakʼthaténhni kanoronhkwátsera.

Isaiah 32:2

Né satihiaʼtatʼtshons thóh nenhatiʼhiathothénhake kwáh né꞉ne tsi nónwe nihiontasehtákwah tsi nitsiowerénha, hiakotaséhton tsi naʼtehioweratáse, kwáh né꞉ne watnekíne tsi nón꞉we niʼhiahontsaʼthen, kwáh né꞉ne iorakwahweʼróston ne katsthenrowánen thóh tsi ahonhontsióskon í꞉ken.

Isaiah 35:7

ne ionesharonhkwathé꞉kha né ienwáton ne tsi watnekarákwah, tánon ne ioniatátʼthens nohóntsa entkanekóthen nonèkanos; ne tsi rontsientákwahs ne okwáhos kwáh néʼe né ienhwáton kanawàkon, ne ohontesónhas né꞉ne ienwáton oiónwi tánon ne onó꞉tas.

Isaiah 41:18

Kwáh kí enkenontonkwenháton ne tsi kaniataraténions tsi nón꞉we ne iáh othènon tewatonhniá꞉tha ne tsi ionhniaʼrónhnions, tánon entkanekóten nasénhnon nón꞉we nonhrahkwahkónshons; Kwáh né enkónhniaʼte nahonwenhtsaʼthénhake nakanekónhnionhne, tánon ne iahonwenhtsátʼthen enkanawerónhnionhne nonékanos.

Jeremiah 31:1

Ne Roiá꞉ner ráton, “Táweh ne tsi kawistáheks nónenh Í꞉i kheʼNí꞉io enkénhake ratiʼkwékon tsi nihotitharáhkes ne Israerʼró꞉nonhke, tánon rohnónha nakonhkweshón꞉a enkénhake.

Jeremiah 31:33

Ne áse aterihwahseronniátshera nenhkónni skátke nonhkweshón꞉a ne Israelronónke nónhwe tsi néntewe nenníseras kwáh kén ní꞉ioht, ráton ne Roiá꞉ner: Rahotinikonrakéson nónwe néntsien natianerénseras tánon rahonerianésons nónwe nenkʼkhiáton. Í꞉i ne raotiʼNí꞉io enkénhake, tánon roʼnónha nakonhkwetahshón꞉a enkénhake.

Hosea 5:15

Kwáh shé꞉kon thóh iénske tsi nón꞉we tewakatená꞉taien tsi nió꞉re ienhatiriwaní꞉rate tsi rotiní꞉kon tánon enhonhnésake ne kontsá꞉ke. Ne tsi nihotironhiá꞉ken kwáh enhionkanithénthen nahatiié꞉na nakithénrat:

Zechariah 13:9

Tánon enhihiatheniénten ne ahsénhaton ne iatenhotáhtereh ó꞉ni kwáh enshekhehionhnahserón꞉ni tsi ní꞉ioht ne ó꞉tsire sahkaristahní꞉rahte ne karistará꞉ken. Kwáh enkhehiateniénten tsi ní꞉ioht tsi wahteniéntha ne ó꞉tsire ne owistahnó꞉ron. Ethò꞉ne hakónhake nón꞉we nenhonterén꞉naien, tánon tenkheriwahserá꞉kwahse. Entkhehró꞉ri tsi Í꞉i akonkweʼthashón꞉ʼa, ó꞉ni kwáh enhatiriwahní꞉rahte tsi Í꞉i raothiní꞉io.”

Matthew 12:43

Katke tenthonȣaiakenȣe ne ranikonraksen tsirotiennine ne ronkȣe, onȣentsiathensne tenhaststekafa raȣesakonhaties ahaorishentane, iah tanon tahatsenri.

Matthew 6:33

Neh tanon taseȣatierent seȣesak ne Niio rahonakerasera, nok ne kenh iohaȣiton aksekon nehne ok tentkonne.

John 20:17

Tontahenron ne Iesos tosa kenh niiatatier: aseken areko Rakenineha tiieseȣakenon; ȣas tanon seroriana nʼiakȣatatekenha: Rakenineha sake, nok etsiseȣanineha oni nise; Ake-Niione, Etsiseȣa-Niione oni nise.

John 7:37

Nok nonen neh nonaken iotonniseroheststakȣen ne ȣentanorons, etho ihres ne Iesos, tehohenretta raton: tokasenonȣa onkakiok roniatathens, karo itret, nok ihine ranekira.

1 Samuel 22:5

Eʼthóhʼne ne rotó꞉kense Gad wahawénhase ne Táwit, “Tó꞉sa kénʼen tsi otstenrakáronhte tsiterón꞉tak; shaʼtiákenk, tánon thóh niaʼháse tsi tsohontsáien ne Judah.” Káti ne Táwit éhren sárehte, tánon thóh iathaʼterawéheste ne Hereth nón꞉we.