Psalms 62:12 - Ohiatonhseratokénti

¹² tánon ne iorihwatóken kanoronkwáhtshera í꞉se sáhwenk, Ó Saiá꞉ner. Asèken kwáh kíʼ í꞉se ratikwékon tesehserihwaʼsehrakwénhnis né entsoianénhawe tsi nihotihiothénʼen.

Psalms 62:12 ပူးပေါင်းရင်းမြစ်များ

1 Chronicles 29:12

Akwé꞉kon ne kakwahshéhseras ó꞉ni ne ahtshokowáhtsheras í꞉seke nitewé꞉tha; í꞉se orihwakwé꞉kon tisaniaró꞉taron thóh shaʼsastsʼtenhserákon ó꞉ni kashastsʼténhsera; tánon shaʼkweʼnion nasheʼionhkwetowáhnaʼte ó꞉ni nasheʼshaststénhseron.

Job Tánon ne Raoronhiakensera 33:14

Asè꞉ken ne Rawenni꞉io enskátkok tsi nenhthatá꞉ti iekaní꞉hare tékeni ienwaterátste, ók nónkwé iáh teionteʼnikónhrarah tsi nahó꞉ten ráton.

Job Tánon ne Raoronhiakensera 34:11

Asè꞉ken tsi nenhtsoianénhawe ne raotiiothénseras kwáh kí enseshakokáriakse, tánon ne entsoianénhawe tsi nihatiweienó꞉tens ne enhotí꞉raʼne.

Job Tánon ne Raoronhiakensera 37:23

Ne Roshatstenhserowanenhkó꞉wa iáh tewá꞉tons atsitewaiataʼtshén꞉ri; Roshatstenhserowaʼ꞉nen tánon roiá꞉nere, tánon iawetaʼtsá꞉ni karihwakwarihshióntsera ne iáh thatahaterienʼtawénhrie,

Job Tánon ne Raoronhiakensera 9:19

Tó꞉ka ne taiakenetá꞉ko ne kaʼshatsténhsera, raónha ki ne raʼshátste! Tó꞉ka né꞉ne ahonteriwahtén꞉ti ne kaianéren, ónhka káti né꞉e aiekwé꞉ni nahionkerákwahse tsi nikawistáhets?

Psalms 103:17

Ók kíʼ ne iorihwaʼtóken raonoronhkwáhtsera ne Roiá꞉ner né꞉nenhné꞉e tsi nénhwe enkénhake thóh nón꞉we nenhkaiénhthake né꞉ne tsi nihiákon ne ronhwarihwakweʼniénstha, tánon ne raorihwaʼkwarihshón꞉tshera kwáh kíʼ enkátake tsi waʼhatinekwenhsátatse ne ratiksaʼokónhas,

Psalms 103:8

Né Roiá꞉ner rotanithenráts꞉kon tánon torihwaʼiéri, iáh tehanakwahstóre tánon né raiáti ne iorihwaʼtóken kanoronkwáhtshera.

Psalms 86:15

Ók í꞉se, Ó Sewenní꞉io, né꞉ne sanithenráts꞉kon tánon thiʼsarihwaiéri, iáh tesenakwastó꞉re tánon titkahé꞉re ne iorihwaʼtó꞉ken kanoronkwáhtshera tánon karihwaʼtokentítshera.

Psalms 86:5

Asèken ní꞉se, O Saiá꞉ner, thiʼsarihwaʼiéri tánon sehseténhras, kwáh enhiakoiénhtaʼne ne kanáh꞉non iorihwaʼtó꞉ken kanoronkwáhtsera tsi niʼiákon ní꞉seke iehionterénhnaien.

Proverbs 24:12

Enwá꞉ton enhsì꞉ron iáh oʼthé꞉nen tesarihwà꞉ke, nok Rawenni꞉io roterién꞉tare tánon tenhiaiaʼtó꞉rehte oh niiotié꞉ren tsi tho nihshiéhrha. Iaʼnikón꞉rare; roterién꞉tare. Tánon tenhiarihwaʼserákwahse, ne ki tkawenní꞉io tsi nihsatieránions.

Jeremiah 32:19

Í꞉se ne sanikonhrowáhnenh ó꞉ni tehiotenonhianíton ne iorihwaʼnerahkwahténions tsi nishiéra; akwékon nieʼsatʼkháthos tsi nihontieráhnions nonhkweshón꞉a, tánon ne tehsehriwahʼsehrakwénnis tsi nitkáhas ne rahothiwehiénnas.

Ezekiel 18:30

“Ónenh Í꞉i, ne Wakenonhtí꞉io Watiá꞉ner, kwahró꞉ris i꞉se Nisraeró꞉nonhs kwáh tsi sewahiatátʼtsions tenkwahiató꞉rehte ne tsi nisehwahtiéren. Thonsasehwakʼkarahténi akwékon ne kariwáksenhs tsi nisehwahtieráhnions, tánon tó꞉sa sehwaríhon ne sewahriwanerahákʼtsheras nahisehwáhthonthe.

Ezekiel 33:20

Ók Israel, sáhton tsi nahó꞉ten watióthe iáh tetkariwahiéri. Kwáh ne enkonhriwenhthákwen tsi nihsahtiérah.”

Ezekiel 7:27

Ne Ronnonhtí꞉io enhatʼtsionhnion, ne rakora enhanikonhrók꞉ten, tánon nonhkweshón꞉á enhatihiathakenʼheie tsi nenhotíteronhne. Tánon kwáh enkwahréwahte noriwahkwékon tsi nisewatieráhnion, tánon kwáh étho ní꞉ioht tsi tekwahiató꞉rete tsi ní꞉ioht tsi tehietsihiatoréton nakorénsons. Ne káti kí꞉ken enwénesthe tsi Í꞉i ne Watiá꞉ner.”

Daniel 9:18

Takwatahónhsatat, O Sewenní꞉io; takwakenʼén꞉ion ó꞉ni satkáhtho tsi natekanikónrhare tsi non níiakwe tánon tsi niiotkenhrenserón꞉ni ne kanatowá꞉nen ne saná꞉ta. Iséʼke nón꞉we niionkwaterénnaien ne tsi sanitenráhtskon, iáh né té꞉ken tó꞉ka ken ne tsi ionkwatonkweʼtakwaríhshon.

Daniel 9:9

Í꞉se ne satanitenrátskon ó꞉ni tsisaʼnikónrhehns, iaweronhátien tsi iáh tekwawennaráhkwen.

Micah 7:18

Ónhka ne Ní꞉io akénhake thóh nahahiatoténhake tsi ní꞉se ní꞉ioht, sehsenikónrenhse ne karihwaneraháktsheras tánon tehatkarohestháhkwa ne ratiriwanón꞉we ne iatahonathaténronke ne raonkweʼtashón꞉as? Iáh tehatienawástha ne raonhakwáhtshera ne iahokonhtakwénhake, tiorì꞉wa tsi ne rawerientí꞉iostha tsi renéstha natanitenhrátshera.

Matthew 16:27

Aseken nʼOnkȣe Roienha tentre Roniha raoiatanerakȣatsera enthoiatanerakȣatakȣenhatie, oni ne raoronhiakeronon okon, ethone Skastson tsi ensakoieritse tsini iakoiotenseroten.

Romans 2:6

Asèken ne Rawenni꞉io kwáh niatehionkwétake tsi tesakoriwaserákwaʼse entioʼianénhawe tsi naiakotiéren.

1 Corinthians 3:8

Kwáh iáh thènen thahʼtetiatʼtíhen tsi nikáien ne raiéntʼthos tánon tsi nikáien ne shahkonekanóntens; Rawenni꞉io tiehiatát꞉tion tenshahkoriwahserákwahse né entiohianénhawe ne tiehiatát꞉tion tsi nihiakohiotén꞉en.

2 Corinthians 5:10

Akwé꞉kon ne Kerístos tsi tewaiaʼtátson tenshonkwaiaʼtó꞉rehte naioianeréhake tóka ó꞉ni tó: naontakahetkén꞉take tsi naionkwatié꞉ren ne tewaieròn꞉ke tsi náhe tionhnhétie.

Ephesians 6:8

Sehʼiárat nétho Roiá꞉ner kwáh tsi tewaiatʼtátʼtion tensonkwariwaserákwaʼse, thokàken ahitewanáskwa ahkénhake tóhkaʼ ó꞉ni ahionkwatatewenʼniʼiohatiéseke, neh tsi nikahiotenserí꞉io ionkwahióthe.

Colossians 3:25

Tánon ratikwé꞉kon ne ratihiotenserátsens ensonatʼkharátse tsi natehonaterentawenré꞉on tsi nihonatié꞉ren, tiorì꞉wah ne Rawenni꞉io kwáh nénhne satetiotʼthe tsi tesakohiatorétha.

1 Tiér 1:17

Kanísera tsi sewanathónkwa, nónen rahonháke ne Rawenni꞉io ensaterénnaien, rahónha kwáh sahtetiótʼte nonkwetakwékon tsi tesakoiatorétha, entioianénhawe tsi naiakotiéren ne tieiatát꞉tion; kwáh káti, tsi nikaríwes shékon enshónnheke ne kén꞉en onwentsiáke tsi tseriwakweniénstak.

Revelation 22:12

“Sát꞉kato, kwáh iostó꞉reh tsi entke; ne kaʼrhiá꞉ke í꞉se í꞉sawe, ne naʼkahkarhiát꞉ton tsi nenhtsó꞉ianenhá꞉we ne tionkweʼtát꞉tions akoió꞉tenhsera.