Psalms 62:10 - Ohiatonhseratokénti

¹⁰ Tó꞉sa thóh nón꞉we nontasewethakwénhak ne ratirihwaiesáhtha ne kaiáneren, tó꞉sa sehwaʼrá꞉rek nahisewaianerásthen kén naisehwaʼtsénawasthe ne thènen kanénhskwen; iekaníhare ne sehwaʼkwahséhtshera ne sénha ahontehiáron, tó꞉sa kíʼ ne sewaʼniahesénhak.

Psalms 62:10 ပူးပေါင်းရင်းမြစ်များ

Job Tánon ne Raoronhiakensera 20:19

Asè꞉ken watesakoskwáhsehron tánon wasakotewenhtéthe ne tehiontonhnakáriaks; wahaié꞉na ne kanónsas ne iáh raónha teononsónhni.

Job Tánon ne Raoronhiakensera 20:29

Thóh kí꞉ken ní꞉ioht tsi ronwanaktaseronhnién꞉nis ne ronhnonkweʼtahetkénskwa tsi nitewétha ne Rawenní꞉ioke, ne kaientátshera ne sakoianerenhseronhnién꞉ni Rawenni꞉io.”

Psalms 39:6

iáh sénha ó꞉ia tèhiot tsi ní꞉ioht nahiotasátarake. Akwékon tsi nihatiéra iáh othènon tekéntons; raʼtateroróhki natsokowátsera, ók iáh tehoteriénhtare ónhka ienhiakohiatáheste.

Psalms 4:3

Ók sewateriénhtarak nètho Roiá꞉ner tsi tesakokkháshions ne iakorihwatóken tánon sakorihwáhwase; tánon ne Roiá꞉ner teharihwaserákwas nó꞉nen ienhináton.

Psalms 49:6

né꞉ne ronhnonkwetahétkens né ratiniahésen tsi nihothikwátses tánon tehotirénhsaron tsi nihiawetowánen ne raotikwaséhtsheras?

Psalms 52:7

“Tsi sewáʼken tsi nikáien ne iáh tehotekwáhsen rahonháke ne Rawenni꞉io, ók né raniahésenhne ne iawetowákenkwe kakwaséhtsheras, tánon ne rawesakonhátieskwe atʼtsokowatsherákon nón꞉we nahotasehtonhátseseske.”

Psalms 91:14

Tsi nihiákon ne ionhkenorónhkwa, kwáh kíʼ enkhenónsthaʼte; kwáh kíʼ enthékhene tsi nihiákon ne iontsenhnaʼientéri.

Proverbs 23:5

Sahwísta iohsnó꞉re ienwáhtshaʼahte tsi shí꞉ken taonttsiraríkhon tánon waʼtkanerahontshón꞉taʼne tsi ní꞉ioht ne á꞉kweʼks waʼtká꞉ten.

Isaiah 28:15

Tsioríwa tsi í꞉sewenh, “Iontsiónhni ne aterihwaseronhniátshera skát꞉ne ne kenhé꞉ion, tánon ne tsi tsiohontsáien ne kenhéion ionkwaienʼnateriwasehronhniátshera; nó꞉nenh ne teiotenonhianíton karehwatátshera iatenhiót꞉kaʼwe kwáh iáh kíʼ tahionkwahiatórenhne; asèken ionkwanhowènton nonkwané꞉tshera, tánon thóh onowénhtake nón꞉we iehionkwataskwáhereh”;

Isaiah 30:12

Né ká꞉ti aoriwa rá꞉ton ne Roiatatokentiʼónwe Israerʼronónke: Né aoríhwa ne tsi wesakenráhten kí꞉ken owénna, tánon thóh nón꞉we nontasétakwe né꞉ne kaniakatsʼténhsera tánon ne kanikonhráton, tánon ne sehniahésen;

Isaiah 40:15

Iekaníhare niaʼkahontsakeró꞉nons tóh niʼiehiaʼtóten tsi ní꞉ioht ne kastárens nonhtát꞉ne, tánon thóh nitonwátiʼte tsi ní꞉ioht nokénra ne iekontseʼrihará꞉kwahke; satkátho, thóh ní꞉ioht tsi tehá꞉kwah ne tsi kawenó꞉tons tsi ní꞉ioht nokénra.

Isaiah 40:17

Akahontsaʼkwékon kwáh iáh othènon tesakahónhnis ne raohénton; thóh ní꞉ioht tsi tesakokánere tsi ní꞉ioht ne iáh othènon tehatirihwáhstha tánon iáh othènon satèkena tsi nihatiʼiató꞉ten.

Isaiah 47:10

Kwáh í꞉ken tsi sahiataníron tsi nisonkwetaʼhét꞉ken; washí꞉ron, “Iáh ónhka thaʼtehiontʼkánere.” Tsi nisatenikonratʼthókha tánon ne satʼthokhátshera né wesatʼthaharákwahte, tánon washíron ne serhiá꞉ne, “Í꞉i wá꞉hi, tánon iáh ónhka nakó꞉ren tekáien tsi nokwáhti í꞉i.”

Isaiah 59:4

Iáh ónhka kaianerenhseráke tseiéntha niaʼtahiorihó꞉taʼke, iáh ónhka kaianerenhseráke tienénhtha nahontakarihwaiérihke; né ratiʼniahésen ne iáh othènon tahonwatiʼnitséron, ronhnowenhtánions, né ronatienawáston ne iotakónta tánon né iehontiʼhéntʼthos ne karihwaneraháktshera.

Isaiah 61:8

Asèken Í꞉i né Watiá꞉ner né kenorónh꞉kwah nahterihwakwahrisiónhtshera í꞉ken, Ít꞉sons ne kanénhskwen tánon né iewehienhnáksenh; kwáh enwakerihwató꞉kenhke tsi enhthekhéhion tsi naʼteonahténtion, tánon kwáh né enkheʼhiónhnien né tsi nénhwe enkénhake naʼterihwasehronniátshera.

Jeremiah 13:25

Ráhwen kén kíʼ nenhshaiátahwen. Kén ní꞉ioht tsi iatehoriwahiénthase tsi nenhiaiérahse, tsioríhwah tsi ettsiathanikonhrénʼen tánon né tahsehiéthaʼkwe ne rohthinówenhs niʼiohokón꞉a.

Jeremiah 17:11

Nónhkwe nenhiehiéna nowísta ne kanikonhráton tsi ní꞉ioht ne otsiténha watkhanónhshiaʼke ne ne iáh ahónha tehioninónhsoh. Ne nónen kwáh enhothakarí꞉teʼke enhóthonse ne raoʼtsiokowáhtshera, tánon ne tsi iehióthokʼte kwáh iáh othènen tèsken tsi ní꞉ioht ne thohthónnhokʼthe.

St. Mark 10:23

Ethone ne Iesos ȣathatkatonnion, ȣasakaȣenhase ne raotiokȣa: Oriȣiio onȣe ki onte oni ne iakotsokoȣa tsi serenkeneha tiiontaȣeiatane ne Niio raonakeraserakon.

1 Timothy 6:10

Ne iewistanorónkwa ne kaiatakweʼní꞉io ne iatehioriwáhke ne kariwáksen. Ótiakes thóh nióre tsi tehotisteríhens nahatiʼiéna kwáh ahéren ronéhthon ne tewetákwen tánon iawehthowánen ne kanikonrakséntseras né tehonerhiasharíhton.

1 Timothy 6:17

Sherórih kí꞉ken nahorihoténsons tsi niháti ne rotikwátses ne kén꞉en ionwentsiáte tó꞉sa rotatonníhak, tó꞉sa ne rathiniahesénhak nahóten ne iáh tehioriwatóken tsi ní꞉ioht ne aktiokowátseras, ók Rawenní꞉ioke nónwe nihatiniahesénhak, kwáh rahotsennonniatserákon tesonkwáwis tsi nahoténsons tahionkwatonwentió꞉nike naitewatʼtsennonniátaʼkwe.