Psalms 59:9 - Ohiatonhseratokénti

⁹ Sashaststenserákon nón꞉we nikeniáhese, í꞉se tekonkánere ne teskénes; asèken í꞉se, Ó Ní꞉io, nakatenhenraníron í꞉ken.

Psalms 59:9 ပူးပေါင်းရင်းမြစ်များ

Psalms 2:4

Thóh raonitskwáhrane ne karonhiáke rasterístha; ne Roiá꞉ner thishakoiéron.

Psalms 20:1

Aiáwenhs ne Roiá꞉ner aiaienáwase nó꞉nen tenhsanikonhráhren! Né raosénhna ne Raoní꞉io ne Jacob thiá꞉ne!

Psalms 27:1

Né Roiá꞉ner rahón꞉ha nakswatthétshera í꞉ken ó꞉ni natiatakenhátsera; ónhka ká꞉ti atkhetshánike? Né Roiá꞉ner rahón꞉ha thá꞉nes ne tsi kónnhe; ónhka ká꞉ti akhetshánike?

Psalms 27:14

Tatiethakwénhak ne Roiá꞉ner; sehsháststet, tánon sehríhon ne seriáne nahionikonraníronhke; tatiethakwénhak ká꞉ti ne Roiá꞉ner!

Psalms 46:1

Rawenni꞉io seh nonkwaʼnhétshera tánon onhkwasháststenhse í꞉ken, tiotkonhónwe rotateweienhnentáhon nahatsniénon nónen thènen tekanikónhrahre.

Psalms 46:7

Ne Roiá꞉ner Roshaststenhserowánen tewakwékonse; ne Raoní꞉io ne Jacob né nonkwatenhénra í꞉ken. Selah

Psalms 59:17

Kwáh thenkeríhwakwe tánon enkíron, sesháste, Í꞉se, O Ní꞉io, ne teskénes, í꞉se ne iorihwató꞉ken tsi takenorónhkwah.

Psalms 62:11

Nó꞉nenh ne Rawenni꞉io rotatíhon; tehiorihwáke ó꞉nenh kí꞉ken waʼkatʼthonhtéhon: nètho kashaststénhsera Rawenni꞉io nenhʼné꞉e raówenk,

Psalms 62:2

Rahonhatsíwa thá꞉kenes tánon rakenónstats; rahónha ne tákenes, tánon iáh nonwénhton tsiahionkesénhni.

Psalms 9:9

Né káti aoriwáke né Roiá꞉ner rahonháke nón꞉we nionthasehthákwah né tehiontonhnakárias, ne tatkáwas né skénhnon í꞉ken nó꞉nen thènen tekanikónhrahre.

Isaiah 12:2

Oriwiʼiohónwe ne Ní꞉io tsi né natsatakeʼnátsera í꞉ken; kwáh kí enhini tánon iáh kí tahónteronhne, asèken ne Roiá꞉ner rahónha rakeshatstenhseráwis ó꞉ni ne nakerénhna; rahónha ne rotónhon natsatakeʼnátsera.

Isaiah 40:31

ók tsi niʼiákon ne ronhwá꞉rahre ne Roiá꞉ner kwáh kí á꞉se ensewáton ne raoʼtisatsténhsera, kwáh kí tenhhatiʼnerahhontʼtsiónhtaʼne tsi ní꞉ioht nakweksʼkówas, kwáh kí tenhhonrátaʼte tánon iáh kí thaʼtaatiwisénheʼie, kwáh kí thenhontekháʼhakwe tánon iáh kí tahontesatsʼtenhserót꞉ten.

Isaiah 58:14

eʼthóhne kí kwáh ensatonnháren rahonháke ne Roiá꞉ner, tánon kwáh né enkonhiónhnien thóh nón꞉we nahiʼsahonhwísere ne kwáh eʼnekènhs í꞉kens ne tsi ionwenhtsáte; Kwáh né enkonhnón꞉te tsi nahó꞉ten í꞉ratsʼkwe ne iasotʼkénʼen Jacob, asèken né꞉ne tsi rashaʼkáronhte ne Roiá꞉ner rotatíhon.

Habakkuk 3:19

Rawenni꞉io, ne Roiá꞉ner, seh nakeshatsténhsera í꞉ken; ne ronhniátha ne kasitàke kwáh thóh natahonkekhatónhke tsi ní꞉ioht noskenónton, tánon ratiatanónstats ne tsi ionontahrónhnions. Ne Raterenhnathentsatha: né áhonste né karenshó꞉taron waterenhnót꞉tha.

Matthew 6:13

Nok tosa aionkȣasenni ne kariȣaneron; ehren tanon takȣariȣakȣiten ne iotaksens, aseken ise ne tsiniienhenȣe ensenakereke, kasastensera oni Kanentonsera iah takariȣentane. Amen!