Psalms 58:11 - Ohiatonhseratokénti

¹¹ Nonkweshón꞉has enhiaiéron, “Oriwiʼiohónwe tsi teshonateriwasehrakwénhnis ne tionkwetaiéris; oriwiʼiohónwe tsi káien ne Rawenni꞉io tsi rahónha rarihwénhtha ne tsi ionwenhtsáte.”

Psalms 58:11 ပူးပေါင်းရင်းမြစ်များ

Psalms 107:42

Né tionkwetaiéris ró꞉nahteriéntare kíʼ nahorihothénsons tánon kíʼ ronattsenhnónhniʼ né ionhkwetahétkens iáh othènen tahatikwéni né othènen ahonhníron né nón꞉we nihiorihwáʼke.

Psalms 18:20

Né Roiá꞉ner waʼthakeriwaserákwase ne tahiohianénhawe tsi niwakerihwakwahríshion; ne tahiohianénhawe tsi nihiotkwéniens ne kahtiákahke sahatiéritʼtse.

Psalms 33:18

Orihwiʼiohónwe ne Roiá꞉ner ne sakonikónhrahre tsi nihiákon ne ronhwakweniénstha, né꞉ne tsi nihiákon thóh nón꞉we nihiakorahratseráien ne iorihwató꞉ken raonoronhkwáhtshera,

Psalms 52:8

Ók kíʼ ní꞉i kwáh ehʼnitiatóten tsi ní꞉ioht né nitsoronhtahiónha iakeniewátha kèrihte hiotehiarón꞉tse raonónskon ne Rawenni꞉io. Né ní꞉i tewaketákwen ne iorihwató꞉ken Rawenni꞉io raonoronhkwátshera né꞉ne tsi nénhwe enkénhake.

Psalms 64:9

Eʼthóhʼne kíʼ kwáh onhkwetaʼkwékon tsi enhiakó꞉teronhne; kwáh kíʼ enhontró꞉ri tsi nahó꞉ten ne Rawenni꞉io taháhawe, tánon enhotinikonhraiéntaʼne tsi nihotséren.

Psalms 67:4

Ánion nakahontsakwékon nonkweshón꞉ha iakotsenhnonníhak tánon né teieríhwak natʼtsenhnonhniátshera, asèken né꞉ne tkarihwaiéri tsi ní꞉ioht tsi tesehiatorètha nonkweshónha tánon í꞉se ensehiasárihne akahontsakwékon nónkwe ne tsi ionwéntsaien. Selah

Psalms 68:24

Tsi nisanenhraseronnihátse waʼhéneʼne, tsi nihonenhraseronnihátse nakeNí꞉io, tsi niahatáwehiate Nononsatokentikówaʼne—

Psalms 9:16

Ne Roiá꞉ner waʼhathaténeste, né waʼhaterihwathentsiáte karihwenhthátsera; ne ronhnonkwetahétkens né waʼhotiʼiéhna ne waʼterístaien ne ronnónha roʼnateristaienthákwen. Higgaion. Selah

Psalms 9:8

Tsi tehahiatoréhtha ne tsi ionwenhtsáte né꞉ne tkarihwaiéri í꞉ken; sakokkoráston né ronhnonhontsakeró꞉nons né꞉ne tkarihwaiéri í꞉ken.

Psalms 92:15

Nʼe kíʼ ken watróris ne Roiá꞉ner tsi rothonkwetaʼkwahríshion; rahónha tehaketriwásnieʼse, tánon iáh thahóthen ne iáh tahioterihwakwahríshionke ne rahonháke.

Psalms 94:2

Téstan, Ó Serihwénhtha ne tsi ionwenhtsáte; taséhʼhion ne ronhthatónhni tsi natehonathénhtion!

Psalms 96:13

raohénton ne Roiá꞉ner; asèken tarèse, asèken tá꞉re nahá꞉rihwenhte ne tsi ionhontsate. Kwáh né enharihwénhthakwe ne tsi ionhontsáte ne karihwaʼkwarihshióntsheras, tánon tsi nòkwah nonkweshón꞉has neʼnéʼe ensakorihwénhthakwe noriwiʼiohónwe í꞉ken.

Psalms 98:9

né꞉ne tsi nón꞉we níres ne Roiá꞉ner, asèken taré꞉se ne naharíhwenhte tsi ionhontsáte. Kwáh kí karihwaʼkwahrishiontserákon tsi enharíhwenhte ne tsi ionhontsáte, tánon tsi nòkwah nonhkweshón꞉has kwáh kíʼ nonʼnéʼe sathehiotónhake.

Isaiah 3:10

Ietsiró꞉ri ne iakoiáneren tsi enhotiʼianerásten, asèken ne enhónhneke tsi nahó꞉ten rotiʼioténhen.

Malachi 2:17

Waʼtehtshisewahwihshenhí꞉iaʼte ne Roiá꞉ner tsi ní꞉ioht tsi sewáhthare. Eʼthó sá꞉ne sewá꞉ton, “Oh ní꞉ioht tsi waʼtehshakwahwihshenhé꞉iaʼte?” Ne tsi nisewanonhtónnions, “Ratikwé꞉kon ne ne rotiióʼtenhs ne karihwahétkenʼs tsi niioiánere raohén꞉ton ne Roiá꞉ner, tánon ronnonhá꞉ke nonkwehshón꞉ʼahs nón꞉we nihaonhwesá꞉tha.” Khehs tsi sewariʼwíhsaks, “Kaʼnón꞉we ní꞉reʼs ne Rawenni꞉io akénhake ne roiánere í꞉ken?”

Malachi 3:14

Ísewen, “Iáh oh thé꞉non tekaiaʼtakehnhaʼtsherénhawe nahonwaióʼtenhse ne Rawenni꞉io. Nahó꞉ten tetewatèn꞉tshaʼahs tsi ionkwatienawáhston ne raorihonnienníhtshera khehs tho ní꞉ioht tsi ionkwathahitáhkhe tsi ní꞉ioht naionkwatshón꞉nion raohén꞉ton ne Sakoiá꞉ner ne ronterí꞉ios ratoronhiaʼkehró꞉nonʼs?

Romans 2:5

Nók iáh tatesahontakáronte tánon seriasáksen. Nekarihónʼnis, í꞉se satatonniénʼnis neh karewatátsera sénha tehiotenonhianíton tsi ní꞉ioht ne tewenʼniserónte nónen neh Rawenni꞉io rahonakwátsera tánon ne tkariwaiéri kaiatoretátsera enhiotásion.