Psalms 55:21 - Ohiatonhseratokénti

²¹ Né tsi ró꞉thare thóh niwaʼtsésen tsi ní꞉ioht ne kawistoseró꞉kwen nahionhnékwane, ók ne rawerhiáne ateriʼiósera raská꞉neks ne raowenhnashónha iakonikonranetskhátha tsi ní꞉ioht nahionthateienároh iehiátake, ók thóh kíʼ nikaré꞉nas tsi ní꞉ioht ne iosarothí꞉ie.

Psalms 55:21 ပူးပေါင်းရင်းမြစ်များ

2 Samuel 16:19

Sénha ishiʼnónwe, ónka akheiótenhse? Iáh ontèken roiénha thakénhake? Kwáh tsi nihiʼhiótenhse ne ianíha, káti í꞉se enkonhiótense.”

Job Tánon ne Raoronhiakensera 41:3

Ahiá꞉nhitentaʼse onʼtéken nahonshatsiát꞉kawe? Kwáh onhtèken sak aronhni tsi ahatá꞉ti?

Psalms 12:2

Ratikwékon tehonthatenowenhténhnis; tehontatahskanekstenéʼni tsi naʼteshakotiʼtsikhetárohse.

Psalms 28:3

Tó꞉sa iataʼtiatíser skát꞉ne ne ronhnonkwetahét꞉kens, né꞉ne tsi niháti roʼtihiótenhs ne kariwák꞉sen, né꞉ne roʼnón꞉ha skénnon tsi sakothiʼtharáni ne tehonhnonsanekʼkhánions, ók kaʼrihwaʼhetkénhsera í꞉wa ne raonerhiáne.

Psalms 57:4

Kwáh tehionkehonwaʼrónhni ne iónkshons, ne ronhnónha thóh nihatihiatóten tsi ní꞉ioht ne ónhkwe sakotiwáʼraks kénreks. Ne tsi ratinotsiótons kwáh né꞉ne osìkwe tánon kaiénkwires, né ronhnasákes kwáh né꞉ne iosarotí꞉ie.

Psalms 59:7

Satkátho tsatehotihenrétha, rotiwenhnotí꞉ies tsi ní꞉ioht nasarekó꞉wa asèken “Ónhka ónhte” tsi ronhnontón꞉nions “Kwáh enhionkhiʼiathónteʼne?”

Psalms 62:4

Ne khók rontenikonhrónhnis nahontahonwaʼiáthenhte ne thosénhnate. Né ronhtenikonhrorhiátha ne onówenhs; né ronhthátis ne kahiatateríhtsheras, ók kíʼ né ronhnerhiánes ronhtewenhnatʼsatáhnions.

Psalms 64:3

Né ronhnasáke thóh niiohiotí꞉ie tsi ní꞉ioht nasarekówa, thóh ní꞉ioht tsi thatiwenhnínekens ne kawenhnákʼsenhs tsi ní꞉ioht ne ahionrón꞉thate ne kanonkwahtsherák꞉sen iehióhare ne kaienkwirakénhiate,

Proverbs 12:18

Iáh tewanonhtonnionhtsherí꞉io nowennaʼshón꞉ʼa tho ni tsi ensakaré꞉wahte tsi ní꞉ioht ne aʼshareʼkó꞉wa, sók ne tkawennaié꞉ris enwá꞉ton ensátsenʼte.

Proverbs 26:28

Ó꞉nenk tsi enhshehswénhsheke ónhka í꞉sehre atskaré꞉wahte tsi sanowenhtánions. Owennaʼshón꞉ʼa áhsatste ne iáh tho té꞉ioht ne tkáhas naiakokarón꞉ni.

Matthew 26:25

Sitas ne neh rotenninonre tahatati ȣahenron! Saianer ii ontehken? tontahenron ne Iesos, akȣa neok ne taseriȣaierite.

John 13:2

Nok nonen sahatikȣentane nʼokarassa, onen sihonikonraten nʼotkon ne Sitas-Iskariot Simon roienha, nahotenninon.

1 Samuel 18:22

Ne Saul wasakónhane ne raonhatsheraókons, “Tesewathá꞉ren ne Táwit raonháhak khók kénhak tánon sewénhron, ‘Satkátho, ne ronnontí꞉io tsi niʼiatʼtsenhnón꞉niaʼse ní꞉se, ó꞉ni ratiʼkwé꞉kon ne raonhatserashón꞉ʼahs iesanorónkwah; ó꞉nenh káti, ronnontí꞉io ienón꞉sa shá꞉ton.’”