Psalms 55:20 - Ohiatonhseratokénti

²⁰ Né tiontsatenhró꞉honʼne iasakotsatónhti ne ronténros; wathaiáke tsi nihoraratsthánion.

Psalms 55:20 ပူးပေါင်းရင်းမြစ်များ

2 Samuel 18:12

Ók ne rón꞉kwe wahawénhase ne Joab, “Khók꞉ní꞉se nasetwíston tewenhniawehetseráhsen nikawistá꞉kes kawistará꞉kens, Ní꞉i kwáh kíʼ íah thatahontonkesnón꞉sakwe nahiʼiatkónten ne ronnontí꞉io roiénha. Tewaʼkwé꞉kon wahonkwathón꞉tene ne ronnontí꞉io sahiá꞉nane ó꞉ni ne Abishai ó꞉ni ne Ittai, ratónnionskwe: Asèken í꞉i akeriwá꞉ke tsi sewahiatanónstat ne ken nithoiónha Absalom!

2 Samuel 2:4

Ehʼthóhʼne nonkweʼó꞉kons ne Judah tahón꞉ne, tánon thóh nón꞉we naonwahiataráko ne Táwit asakotenontí꞉ioste ne Judahró꞉nons. Nó꞉nen saonwaró꞉ri ne Táwit, “Ne nonkweʼó꞉kons ne Jabesh Gilead ronwaʼiatáten ne Saul,”

2 Samuel 5:3

Káti ratikwé꞉kon ne thoʼtíions NÍsraerʼronónke tahón꞉ne raohén꞉ton ne ronnontí꞉io ne Hebron nón꞉we; tánon ne Ronnontí꞉io wahrón꞉ni ne kaianerénhsera skátne ne ronónhsa thóh nón꞉we ne Hebron raohén꞉ton ne Roiá꞉ner, tánon wahonwaiataráko Táwit nahonontí꞉ioke kanakeraserakwé꞉kon Israerʼronónke.

2 Kings 17:34

Shé꞉kon kíʼ ne ratísehre tsi nihotirihótens nón꞉wa nikaháwis. Iáh tehonwasénhnaiens ne Roiá꞉ner iáh ó꞉ni tehontewenhnarákwahs ne kaianerénhseras ó꞉ni ne karihwatátʼtseras tsi nitesakowíhon tsi nontahawatsirathátie ne Jacob, tsi rahónha Israel sonwasenhnáwi.

Psalms 109:5

Ioiánere tsi nikhehiatiéraʼse, ók né tiontkariakthénhnis ne karihwaʼhétken, khenorón꞉kwah, ók iónkshons.

Psalms 6:10

Aiáwenhs Raʼtikwé꞉kon ne iónkswenhs kwáh enhontéhen tánon kwáh í꞉ken tsi enhotiʼterónhne; aiáwenhs tahonsahontkaraténi tánon tahontaiawénhstsi enhonwaʼnatéhate.

Psalms 7:4

Tó꞉ka ne ahonsakhekhárhiakse nakateró꞉sehra ne karihwahetkénhsera khés nahonsakhehiatákwen ne tehiakwahtátʼtions ne iáh othènen tetiorihonníhon,

Psalms 89:28

Kwáh enhinorónhkwahke tánon entewaʼkerihwaʼiérihke ne rahonháke né꞉ne tsi nénhwe enkénhake, tánon nakaterihwaʼseronhniátshera ne rahonháke kwáh enhiorihwaʼníronhke tsi enkátake né꞉ne tsi nénhwe enhkénhake.

Psalms 89:34

Kwáh iáh tathá꞉tiaʼke nakaterihwasehronʼniátshera, khés ne tahonsatʼténi tsowénhna tsi nitewaʼkewenhnanikéhen né ksáke.

Psalms 89:38

Ók ó꞉nen watskénron; onhnnontséren tsi ní꞉ore tsi tsenákwase tsi nikáien tiatará꞉kwen nahonontí꞉ioke

Psalms 93:2

ne sanitskwáhra né꞉ne kwáh waʼhónhnise tsi nahé꞉tkenhne tioterihonhníhon; í꞉se ne tiotʼkonhónhwe enshón꞉nheke.

Ecclesiastes 8:2

Thóh náhtier tsi niháton ne Ronhnonhtí꞉io, tánon tó꞉sa tesasteríhen ne thén꞉nen atsiararátsten ne Rawenni꞉io.

Jeremiah 5:3

Oriwihiohónwe ne Roiá꞉ner tsi né réhsaks ne tewehthákwen. Iahién꞉ton, ók iáh othènen karíhwa thesónni; wahthiaskwahséhrahkwe, ók iáh teshathontháton nahishaweienthetháhon; Shanonhtsisthaʼníron tánon iáh thathetsisatkarahthénion tsi nòkwa ne sahriwahnerahákʼtsheras.

Acts 12:1

Tóhka ki thosikaháwi ne Ronnonti꞉io Herod tahatásawen nasakoronhiákente nótsiakes nononsatokentíke non nihatihiátare.

1 Samuel 22:17

Ne ronnontí꞉io wahawénhaʼse ne roiatanónhne ne raiatákʼta í꞉reskwe, “Tesatkarahténi tánon sehnonwahriakhónhnion ne raotsihénstatsis ne Roiá꞉ner, tsioríhwa tsi Táwit nòkwahti thotirihwaʼrákwen; ronateriéntahraʼkwe nètho tsi rotékwen, tánon iáh tehiontʼróri.” Ók ne ratinhá꞉tseras iáh teonanenhtsakétskwen niahonwahnatsaʼtónhti ne raotsihénstatsis ne Roiá꞉ner.

1 Samuel 24:10

Kwáh kénʼen wenhniserá꞉te í꞉se skará꞉ke ontká꞉tho tsi ní꞉ioht ne Roiá꞉ner tsi tahiatsakwahrísi ne kesnonsáke thóh osón꞉wahkon; tánon ó꞉tiakes wahónt꞉rehke nakonhnonwaʼrhiákon, ók thonsakonnonhiánike. Wakíron, ‘Iáh tsatakanénhtsieste nahiʼiatkónten Natiá꞉ner; asèken raónha ne Roiá꞉ner roiatahrá꞉kwen.’