Psalms 55:17 - Ohiatonhseratokénti

¹⁷ Okarasnéha tánon noronhkéne tánon nenhtieníkare nakerihwakathénhtseras tánon tsi niwakonhséhna rahonháke nón꞉we niewètha, tánon kwáh kíʼ enhakewenhnáronhke.

Psalms 55:17 ပူးပေါင်းရင်းမြစ်များ

Job Tánon ne Raoronhiakensera 19:7

Sewatkátho watewatkénrete, ‘Tahionkatiatón꞉ti!’ iáh ki tatehionkerihwasehrakwén꞉ni; Tewakhenrétha iorakaré꞉ni, ók iáh othé꞉non teká꞉ien ne tkarihwaié꞉ri akenháken.

Psalms 119:62

Nasontʼthénhne wahkatkétsko ne takonhnonweráhton, tsioríhwa tsi nitkarihwaiéri tsi teshatoréhtha norihwasónhas.

Psalms 141:2

Satóntat tséna nakaterénhnaient né shón꞉niat tsi ní꞉ioht ne wenhnekerákon wakahtsienkwahronniatákwen ne sahénton, tánon ó꞉ni ashé꞉na tsi niwakanenhtsaʼkaratáton tsi niwakaterénhnaien tsi ní꞉ioht tsi tsénas nokarasné꞉ha iontsienkwahronhniáta ne sahénton.

Psalms 72:12

Asèken sakoniakénhtha ne iakóten ne ienhonwaʼnáton, né rotíten tánon tsi nihiákon ne iáh tewaʼtettsénhries nónhka ahiontatsniénon.

Psalms 77:2

Né nó꞉nen thènen tewaʼkanikónhrare rahonháke ne Roiá꞉ner ienkaterénhnaien; ashontakwékon waʼkanentʼtiakaratáton waʼkaterénhnaien; ók ne Rawenni꞉io iáh kíʼ tehakoriséntʼtose.

Psalms 88:13

Ók ní꞉i, Ó Saiá꞉ner, shonháke iatekasénhtos; noronhkenéha nakaterénhnaien sahénton niewé꞉tha.

Psalms 92:2

nahiontʼró꞉riate ne iorihwaʼtóken sanoronhkwáhtshera noronhkéne nikaháwi, tánon ne sarihwatokentítshera nokarasné꞉ha nikaháwi,

Lamentations 3:8

Tewatkenrétha nahiontsenawase, nók ne Rawenni:io iáh tehat:thontats nahatahonsatáte;

Daniel 6:10

Ó꞉nen káti shahotókenhse ne Daniel ne ronnontí꞉io tsi rotatshén꞉nare ne kaianerénhsera ne kiʼk shá꞉ka ionsaharáthen tsi thanonhwéhtstha nionsáre, tánon ne ionahstonhkwakáronte kwáh teiotitokénhton ne Jerusalem. Eʼtho nón꞉we, tió꞉konte tsi nihaiérhakwe, tenhatentshó꞉ten onahstonhkwákta ó꞉ni ienhaterénnaien ne Rawenniió꞉ke, né ne áhsen nienká꞉iente ne sewenhnísera.

Daniel 6:13

Eʼthó꞉ne wahonwahró꞉ri ne ronnontí꞉io, “Daniel tsi niká꞉ien ne thonwarekwáhton ne Judah, iáh tehiakweniénstha Sanontí꞉io iáh ó꞉ni teharihwakweniénhstha ne saianerenhseríhson. Kwáh iorihwató꞉ken ne áhsen nienwá꞉teratste raterénnaiens né sewénhnisera.”

St. Mark 1:35

Nok, sekon ok tetiokaras ȣahatkestsko, tsinonȣe shatitken niiahare eh iahaterennaien.

St. Mark 6:46

Nok nonen satonsonnitiokȣaronko onontoharake niiahare ȣahaterennaienna.

St. Mark 6:48

Nok ȣahoni konraientane tsi serenkeneha tihonatentionhatie aseken rotiȣeraraonhatie; nok neh nahoten tsi niiorhenhonhatie eh niiahare onekakesson thire, akȣa oni anio neh nahoten narerheke akeiatoheststen.

Acts 10:3

Kákʼnon ne ásen sihiowistahehátse ne iothohétston néntie nónen sahotenesten, kwáh wèh꞉ne tsi wahóken ne Rawení꞉io rahoronhiakerónon tahatáwehiaʼte tánon wahawénhase, “Cornelius!”

Acts 10:30

Wahénron ne Cornelius, “Ne kíʼ ne káknon neh kaiériʼnónta tsináhe wakaterenʼnaiéntakwe nakenónskon ne ásen nitiowistáhe iothohestonnéntie. Thontaiawénstsi rónkwe tehiostarátʼthe roktseronʼniáton akʼkénton wahtáthane

Acts 10:9

Nóhia sahiórenne, tsi wahonathaiʼtákene ónen ákta sihónne ne Joppa, Tiér karonkwénake hiaharátʼten káknon ne éntie síkare nahaterénʼnaien.

Acts 3:1

Énskat wenniseráteʼkwe Tiér tánon ne Sán Ononsatokenʼtí꞉ke niahá꞉ne ásen sihiowistáhe ne iothohetsthonʼnéntie, tsi nikaháwi ronterénʼnaiens.

Ephesians 6:18

Oriwakwékon kíʼ ahterenʼnaienthatserákon tsi nátiere, Tieriwanóntons ne Rawenni꞉io nahiaʼiénawase. Kwáh tsík nahoténson tsi saterenʼnaiéntʼsenk, thóh ne kasastenserákon nonikónra. Ne kíʼ aoríwa tiókonte tsi sahrárek tánon tóhsa nonwénton sahtiakwaríshi; tiókonte shehiaterenʼnaienʼníhek ne Rawenni꞉io rahonkwetaʼsónha.

1 Thessalonians 5:17

tasewahkontahkwénhak tsi sewahterennaiéntak,

Hebrews 5:7

Tsi rónnhekwe nonhontsiáke ne Ié꞉sos raterénnaienskwe ó꞉ni rohrihwahnontónniskwe kwáh rohtsitowahnénskwe óni okasheráhkons rahonháke ne Rawenni꞉io, tsi nikáien enhonónstathe ne kenheiát꞉ne. Tioríhwah tsi torihwahiérikwe ó꞉ni rohrihwahtókenʼne, ne Rawenni꞉io wahowenʼnáronke.