Psalms 54:7 - Ohiatonhseratokénti

⁷ Asèken rahónha sakeniakénton kwáh tsi níkon thènen tenhwaʼkenikonhrá꞉ren, tánon khéken ne hiónkshons ronwatisénhnion.

Psalms 54:7 ပူးပေါင်းရင်းမြစ်များ

Genesis 48:16

Ne raronhiaʼkehró꞉non ráonha ne shatiaʼtákwen tsi nonkwá nakwé꞉kon tsi naiohtónhake ne karihwahetkénhtshera, sheiaʼtaté꞉rihst kí꞉ken ratiksaʼokón꞉ʼa; tánon ronnonhá꞉ke nón꞉we nakhsèn꞉na iaiotkontáhkwen, ó꞉ni ne raotihsennaʼshón꞉ʼa ne khehsothokonʼkénhen Abraham tánon Isaac; tánon sheríhon nahontehiá꞉ron ne nahonatiohkowáhnha tsi ionhwentsá꞉te.”

2 Samuel 4:9

Ne Táwit watoriwaserákwahse ne Rechab ó꞉ni ne iathatekénha Baanah, ne sakoiohʼokónʼahs ne Rimmon ne ne Beerothró꞉non, “Tsi kíʼ ne Roiá꞉ner tsi nirón꞉nhe, raón꞉ha shononstáhton ne tsi kón꞉nhe kwáh tsi niʼiorihwákes noiót꞉terons,

Psalms 112:8

Iáh tathehonanikónraʼre khés nahothiteronhníhake; kwáh orihwí꞉io rahónhni ne ronwaʼtíshons tsi enhonwaʼtisénhni.

Psalms 118:7

Né Roiá꞉ner í꞉ih nó꞉kwahti í꞉rate né nahatiénawahʼse.

Psalms 143:12

Thóh ne iorihwatóken sanoronhkwahtsherákon séhiaks ne iónksons, tánon sehiátont ratikwékon ne hionkát꞉konte, asèken í꞉i ne shonkwéta í꞉ken.

Psalms 34:19

Wé꞉so ne karihwaʼhét꞉kens tsi nihiakohiátawenhs ne tionkwetaiéris, ók Roiá꞉ner kíʼ sehsakohiathákwas akwékon tsi nihioterihwaʼtsiéren.

Psalms 34:6

Kíʼ iáh othènen teharihwástha waʼthaséntʼto, tánon ne Roiá꞉ner waʼhothóntene, tánon sahonónsthate akwé꞉kon éhʼren waʼhaháwite tsi natehonikónhrare.

Psalms 37:34

Roiá꞉ner nòkwah shariwahnirónhak tánon shatewénhnarak ne raotiawenráhtshera; enhiakwéniensthe tsi éntʼthion nonwéntsia, tánon enshé꞉ken ne rotiʼriwahneraʼákskon tsi enhonwaʼnátonhte.

Psalms 59:10

NakeNí꞉io rakenorónkwah enthakatkenhséra; kwáh kíʼ enhakeríhon ná꞉katerohró꞉ke nó꞉nen ensakosénhni ne iónkshons.

Psalms 91:8

Kwáh nek khók ne tesatʼkakwahrísi tánon kwáh ensatkátho satkátho ne Rawenni꞉io tsi ní꞉ioht tsi sakorewáʼtha ne ionhkwetahét꞉kens.

Psalms 92:11

Ríhken ne Rawenni꞉io sakosénhnion ne iónkshons; kwáh kíʼ enwaʼkatʼthónhtene tsi nenhatirihwaʼkáthaʼte ne ronhnonkwetaʼhét꞉kens.

2 Timothy 4:18

Tánon kíʼ ne Roiá꞉ner kwáh ensakeniákenthe kwáh oriwahkwékon ne kariwáksen ó꞉ni kwáh skenènʼtsi tsi ienhatiaténhawe ne Rahonakeraserákon ne karonhiáke. Rahónha ne kahiathanerakwátsera tsi iénhenwe ó꞉ni tsi nénwe! Éhʼtho nenʼiáwenʼne.

1 Samuel 26:24

Ne tsi nisón꞉nhe tsi nikanó꞉ron í꞉ken nón꞉wa wenhniseráte nakʼkénton, káti aiá꞉wenhs tsi nikón꞉nhe akanó꞉ronhke raohén꞉ton ne Roiá꞉ner, tánon aiá꞉wenhs ahonsahakeniákente akwé꞉kon tsi nòkwa ne kanikonraronhiakénsehras!”