Psalms 53:5 - Ohiatonhseratokénti

⁵ Ók kwáh kíʼ enhonateronhniénten, né꞉ne iáh nonwénhton thoʼtèhiot tsi ahonateronhienténhni. Asèken ne Rawenni꞉io teharé꞉niate ne raotistsienshónhas ne ronhwaʼtíshons rahonkwetashónha. Kwáh kíʼ enhonwanatéhate, asèken ne Rawenni꞉io sakotstháshion.

Psalms 53:5 ပူးပေါင်းရင်းမြစ်များ

Job Tánon ne Raoronhiakensera 15:21

Kateronhkwáhtseras rothónte ne rahontakónshons; nó꞉nen ne kwáh roianerastén꞉ni ne sakotón꞉tha enhohiató꞉renhne.

Psalms 14:5

Ók kwáh kíʼ enhonateronhniénten, asèken ne Rawenni꞉io ratikwekonhátie ne iakoiánere.

Psalms 141:7

Thóh ní꞉ioht tsi ní꞉ioht nosthénra watkaríhne tánon ohontsáke watewatthóko, thóh ká꞉ti ní꞉ioht ne raotistsienshónhas tsi iatenwareniátonhke ne tsitʼkasakáronhte ne tsi tsiohontsáien kenhéion.

Psalms 2:4

Thóh raonitskwáhrane ne karonhiáke rasterístha; ne Roiá꞉ner thishakoiéron.

Psalms 35:26

Aiáwenhs ratikwé꞉kon ne roʼnatonnáhere tsi nòkwah nakateraswatsenhéntsera ahonwaʼnatéhate tánon tahontenikhonratkhashiónko; aiáwenhs tsi nihá꞉ti ne ionhkatatkowanaténhni atehénsera tsakoróhrok tánon kaʼkenronhniátsera.

Psalms 35:4

Saiá꞉ner, sehsénhni tánon sehkénron tsiniháti ne ronhteniént꞉tha nahionkenonwaʼrhiá꞉kon! Sahsehiáktat tánon tesehianitón꞉niaten ratikwé꞉kon ne ronhtenikonrón꞉nis nahiontkaréwate!

Psalms 40:14

Aiáwenhs tsi niháti ne ronteniéntʼtha nahionkenonwaʼrhiákon, iehiokonhthakwénhak tsi ronhwaʼtisénhni tánon tehonwananitonniáten! Aiáwenhs tsi niháti ne ronatʼtsenhnónhni tsi natewaʼkanikónhrahre sonwaʼnátʼtat tánon ronhwaʼthisenhnáksat!

Psalms 73:20

Né ronhnonkwetaʼhétkens thóh nihatihiathó꞉tens tsi ní꞉ioht ne kwáh kasehrenhtákʼsen éhʼren tsawé꞉ton nó꞉nen enhíe꞉ie nonhrón꞉keʼne, enkhenikónren nó꞉nen í꞉se Saiá꞉ner entèseh tánon nastsiatakèna.

Proverbs 28:1

Ne iáh tetionkweʼtaié꞉ri enhonté꞉ko nó꞉nen iáh ónhka tehonwatíhsere, nok ne tionkweʼtaié꞉ri tho nihotiʼnikonhrahtshá꞉ni tsi ní꞉ioht ne kèn꞉reʼks.

Jeremiah 49:15

Ne Roiá꞉ner ne enhateriwahténtsiate nahiatsihióhaʼte, tánon iáh ónhka tahieshaʼkweniénsthaʼke.

Jeremiah 6:30

Ne enhonwatinahthonkwahke iáh othènen tehathiriwasthas iáh othènen tehiorihonte, tsioríhwa Í꞉i, ne Watiá꞉ner, wakhekenron.”

Lamentations 2:6

Wahtaritánion nononsatokentíke tsi nónwe nisakwasennaʼientákwaʼkwe; Wahátʼthonte ne awentatokentísons ó꞉ni neh tsiatakátons. Ronontí꞉io ó꞉ni ne ratsihénstatsi ahkénhake wahóntʼtoke ne rahonhakwátsera.

Ezekiel 6:5

Rahotihénton ne kahiathonhnisónhas enkʼkéron ne shahenhionthasónhas tánon tenkaréniaʼthe ne shasʼstienhokónhas aktóntse ne ientsienharáhkwahs.

Leviticus 26:17

Kwáh kíʼ enkonhiatʼkónhten, né nahónton ne kwáh ahieshassénhni, tánon tsi nikáien ne sèhsons kwáh kíʼ enhiesatkórasʼthe; thoʼnióre tsi enshaterónhsehke kwáh kíʼ enshaʼtekwenhá꞉tie nó꞉nen iáh ónhka tehieshá꞉sehre.

Leviticus 26:36

“Kwáh ne entsiónhnien tsi nítsion ne ietsinakerakwáhton thóh nióre tsi ensewaterónhseke nék nahionerathákare ne tsi ioweráre kwáh ensónhnien nashatèko. Kwáh enshatèko tsi shí꞉ken ní꞉ioht ne tsi wateríhio shaʼtekwenhátie, tánon kwáh enshiatiénenhne iawerohátsien tsi iáh ónhka tehieshá꞉sere.

1 Samuel 14:15

Wathonʼnonhnaríkkon ne tsi ronatenataiéntakwe, thóh nón꞉we kehentáke, tánon ratikwé꞉kon nonkweʼshón꞉ahs; ne ronterí꞉ios tánon iekaníhare ne ratinataká꞉rhias wahotiʼiatíshonʼkwe; watsaʼhonhontsisónkwe; tánon ne iahón꞉ton kwáh í꞉ken tsi watsakahonhnarikʼkhon.