Psalms 52:1 - Ohiatonhseratokénti

¹ Nontsiéren tsi tesataterénhsaron, seniakátste shón꞉kwe, ne kariwahetkénseras tsi nisatserá꞉nion? Rawenni꞉io Tsi né nénhwe enhorihwatokénhake

Psalms 52:1 ပူးပေါင်းရင်းမြစ်များ

Psalms 10:7

Ne tsi raʼshahkáronhte ne titkáhere ne karihwanirát꞉tsera tánon kanikonrá꞉ton ó꞉ni karonhiakénsera; né renhnasákon né꞉ne iotakónhta tánon karihwahetkénsera.

Psalms 103:17

Ók kíʼ ne iorihwaʼtóken raonoronhkwáhtsera ne Roiá꞉ner né꞉nenhné꞉e tsi nénhwe enkénhake thóh nón꞉we nenhkaiénhthake né꞉ne tsi nihiákon ne ronhwarihwakweʼniénstha, tánon ne raorihwaʼkwarihshón꞉tshera kwáh kíʼ enkátake tsi waʼhatinekwenhsátatse ne ratiksaʼokónhas,

Psalms 107:1

Ó tetsisewaʼnonweráton ne Roiá꞉ner né tsi nithoriwaʼiéri; asèken né ioriwaʼtóken raonoronkwáhtshera tsi né nénhwe tsi thenkawisasteke.

Psalms 54:3

Ne rontatkowánen tahonenonhátsie nahontahionkatsiatónhti, ne ratiniakátstes hiontiatísaks nahionkenonwariákon; né꞉ne ronhnón꞉kwe ne kwáh iáh othènen tehonwehiáre ne Rawenni꞉io. Selah

Psalms 59:7

Satkátho tsatehotihenrétha, rotiwenhnotí꞉ies tsi ní꞉ioht nasarekó꞉wa asèken “Ónhka ónhte” tsi ronhnontón꞉nions “Kwáh enhionkhiʼiathónteʼne?”

Psalms 7:14

Satkátho tsi ní꞉ioht tsi tehatiwíriaks ne karihwahetkénsera, tánon ne sakonatewéton ne athakonta꞉tshera íken, tánon né sakonatewétons noʼnhó꞉wen.

Psalms 94:4

Thóh nenhkarihwéshonke ne shonaterihwateʼwátons tsi ahonthatónhnike; tánon rotiráhsehse tsi nishonterihwatewáʼtha.

Exodus 22:9

“Né kwáh tsi niatehioriwá꞉ke ne tekariwaʼtí꞉ronhthe ne kaienthá꞉tshera, tó꞉ka ken tsionónskwahron akénhake, khés ne tewahóntes, teiotinakarontónʼa, ahtsherónhniat, ó꞉ni nóia nahorihoténsons akénhake, né tenihiáse ne ronaskhénen ne kaientátshera ienhonwatihiaténhawe tsi tsionterenhnaientákwa. Tsi nikáien ne Rawenni꞉io enhohiataʼtshénri ne ronhíkon ónenk tsi tenhaʼhiásere tsi enhokárhiakse nóia.

Proverbs 6:14

Tió꞉konteʼ nek ronnonhtonniónkwas nahò꞉ten ioʼtáksen nahshakotikarón꞉ni tsi nón꞉we nienhón꞉ne.

Isaiah 59:4

Iáh ónhka kaianerenhseráke tseiéntha niaʼtahiorihó꞉taʼke, iáh ónhka kaianerenhseráke tienénhtha nahontakarihwaiérihke; né ratiʼniahésen ne iáh othènon tahonwatiʼnitséron, ronhnowenhtánions, né ronatienawáston ne iotakónta tánon né iehontiʼhéntʼthos ne karihwaneraháktshera.

Jeremiah 41:4

Noiaʼsahiórenhne, nohénton nónhka ahieriwáhronhke ne Gedaliah tsi ronhwahséhton,

Jeremiah 9:8

Ne ronnenhʼnahsáhke thóh ní꞉ioht tsi ní꞉ioht ne ahénʼna iewahróntats ne kaiénkwire ne iehióhare ne kanonhkwahtsheraʼráksen; kwáh tsiotʼkonhónwe tsi ronnhowenhtánions. Onhkwetahkwékon tsi nikawenhní꞉ios tsi nahtehathithárah ne tehonnonhsahnekʼkhánions, ók kíʼ kwáh oriwiʼiohónwe tsi sahkonahteristhaʼiénnis.

Micah 7:3

Ne ronhtsánakes ne iorenhnàhon ne wahétken tsi nahóntiere; ne ronaterihón꞉tons tánon ne ratirihwénhthas ratirihwanón꞉tons ne khahó꞉tenk ahonwatikáriakse, tánon ne thonatsénhnates ronónha rontá꞉tis nahotkaronhniátshera ne raonatónhnhets; káti tehatisehrí꞉ies ne kaiáneren.

Romans 1:30

tánon tehontathanowenténis; ronwásons neh Rawenni꞉io, rothiʼianerenseráksen, rontatónni, tánon rathináie; sénha ne é꞉so rononthonniónkwa onhnahatíʼiere ne wahétken; iáh tesakothiwenʼnarákwa neh ronwathiʼienhokónhas;

2 Timothy 3:2

Nónkwe ahkahónwakʼkhok enhiontathehiárake, enhiakotetʼtséntahʼke, tenhiontatenrénsaron, ó꞉ni enhiontathónnike; kwáh ó꞉ni ensakotinikonratsáthake, iáh thasakotiwennarákwaʼke ne ronwahtiʼiénha, iáh thènen karihwatakénhake, iáh tahotiriwiʼiostónhake;

1 Samuel 21:7

Nón꞉wa ronkwetatóken ne ne raonhá꞉tshera Saul thóh í꞉reskwe ne thóh shiʼwenhniserátekwe, ne ne éhren ronwaiatenhawíton raohénton ne Roiá꞉ner, Doeg ronwáiats ne ne Edomró꞉non, ne ohénton iehátahkwe ne Saul raonkwetaʼshón꞉ahs ne teiotinakaronhtón꞉ʼa sakotinhikonráhrakwe.