Psalms 51:14 - Ohiatonhseratokénti

¹⁴ Seniákent ne tsi kónnhe, Ó Sewenní꞉io tánon takenónstat, tánon kwáh enkheró꞉ri nonkweshón꞉ha tsi nisaiá꞉neren.

Psalms 51:14 ပူးပေါင်းရင်းမြစ်များ

Genesis 42:22

Eʼthó꞉ne ne Reuben waʼtehshakorihwaʼserákwahse, “Iáh kenh tekwahró꞉ri ne tóhsa tshisewateweienaksá꞉ten ne tho raksá꞉ʼa? Ók iáh tesewatahonsatá꞉ton. Katiʼ ó꞉nen í꞉ʼi tsonkwakariaʼkonhátie ne raonekwènhsa.”

Genesis 9:6

Nónhka aiontatenonhwariá꞉kon nón꞉kwe, akó꞉ren nón꞉kwe entiontatenonhwariá꞉kon; aseʼkénh kwáh tsi nihatkathohtsheró꞉ten ne Rawenni꞉io tsi shakoiaʼtíson nón꞉kwe.

2 Samuel 12:9

Onhniʼiotséren tsi iáh karíhwa tesón꞉ni ne raowénhna Roiá꞉ner, tsi ne thonáshere ne karihwahetkénsera ne raohén꞉ton? Í꞉se watienonwarhiákhon ne Uriah ne Hitró꞉non ne washástste ne raonasharehkówa Ammonró꞉nons.

2 Samuel 21:1

Nón꞉wa neh nón꞉we wahontonhkárhiake tsi nihotenhniseraténionkwe ne Táwit ne náhsen niʼioseráke nikarí꞉weskwe, kwáh iateioseráke; ó꞉ni ne Táwit tsi enhoriwanónhtonhse ne Roiá꞉ner. Ne Roiá꞉ner enhénron, “Kwáh ronekwensarónhnion ne Saul tsi nihoníkon ó꞉ni ne raowátsire, tsioríwa tsi sakononwarhiakhónhnion ne Gibeonró꞉nons.”

2 Samuel 3:28

Ehʼthóhʼne ó꞉nen, ne Táwit sahariwáronke, wahén꞉ron, “Ní꞉i tánon nakenakerásehra kwáh tsi nènhwe tsi iáh teionkehnihníkon raohén꞉ton ne Roiá꞉ner ne ne raonekwénhsa akarihón꞉ni ne Abner ne roién꞉ha ne Ner.

Ezra 9:13

Ók ki ó꞉ni nó꞉nen orihwakwé꞉kon tsi nahonkwahiathawénhseron tsi nokwáh ne karewathatsherarakónhson nonhkwahrihwanerahakʼtserá꞉kons ó꞉ni tsi natehionhkwahterenhthawenhréhon, ionhkwahterienʼthá꞉rakwe tsi í꞉se, nonhkwáh Ní꞉io í꞉ken, tsi káron niskwahrewáthon tsi nathahionhkwahthenhtsónke tánon waskwahrí꞉hon nahiatiónhnheke.

Nehemiah 9:33

Ní꞉se tisaieríhton nakwé꞉kon tsi nahonkwahrá꞉ne, asè꞉ken ní꞉se tsi nashá꞉tiere né꞉ne iorihwató꞉ken tsi ná꞉he thóh nihionkwahtié꞉ren ne karihwahetkénhsera.

Psalms 25:5

Tatʼkéntes thóh nónh ne sarihwatokentitserákon, tánon takerihónhnien, asèken í꞉se ne ní꞉io í꞉ken natiatakenatiéra; asèken í꞉se kónrahre ne tsi niwenhnísehres.

Psalms 26:9

Tó꞉sa skát꞉ne tsi takónhef ne rotirihwáʼnerens, khés ne tsi kónnhe skát꞉ne ne ratinekwenhsanón꞉waks,

Psalms 35:28

Eʼthóhʼne ne kenhnasáhke enwatróri tsi nitisariwaiéri tánon tenkonhnonweratónhseke niaʼtewenhniseráke.

Psalms 38:22

tesasteríhen tatiatakéna, Ó Saiá꞉ner, í꞉se natiatakenhatiéra.

Psalms 55:23

Ók í꞉se, Ó Sewenní꞉io, iensehiáthente tsi nón꞉we ne kwáh tioshón꞉wes; né sakonaséhtha tánon natiokenthashónhas kénk nentontíhionke enhonnhíheie. Ók kwáh kíʼ shonháke nón꞉we nenhtewakethakwénhake.

Psalms 68:20

NonkwahʼNí꞉io né Ní꞉io í꞉ken ne shonkwahiatanónstats, tánon rahonháke ne Rawenni꞉io í꞉ken, né꞉ne Roiá꞉ner, né rahonkwéta í꞉ken tseniákens ne kenheiátʼne.

Psalms 88:1

Ó Saiá꞉ner, í꞉se Sewenní꞉io natiatakená꞉tsera, Nó꞉nen, ienhiókaraʼwe, Iathenkaséntʼtho shonháke,

Isaiah 12:2

Oriwiʼiohónwe ne Ní꞉io tsi né natsatakeʼnátsera í꞉ken; kwáh kí enhini tánon iáh kí tahónteronhne, asèken ne Roiá꞉ner rahónha rakeshatstenhseráwis ó꞉ni ne nakerénhna; rahónha ne rotónhon natsatakeʼnátsera.

Isaiah 45:17

Ók né Israel Roiá꞉ner né shaʼnónstaton né꞉ne tsi nénhwe enkénhake ne kaniakénsera; kwáh iáh taiesatéhaʼte khés ne taiesanitonʼniáthen né tse wakwé꞉kon tsi enkatátseʼke.

Ezekiel 33:8

Tó꞉ka enhkerihówahnahte ne ionhkwetakʼsénhskwa tsi enhiaiéheʼie ók iáh kíʼ thaʼtiaronhkáten tahatháton tsi nihaweiennhóten né nahónton ahanónhsthaʼte tsi rónhnhe, ethòne enhrénheie, shé꞉kon nihoriwáhneren, tánon kíʼ í꞉se enhkonhnonhtánahke tsi wahrénheie.

Daniel 9:16

O Saiá꞉ner, tsi nitiawé꞉non seriwahnirá꞉ti ne sarihwatokenhtíhtshera ne Israerʼró꞉non, ne katiʼ aorì꞉wa nasathontátsheke ne táhstaʼne tsi shenaʼkhwáse tsi rotinátaien ne Jerusalem. Í꞉se saná꞉ta, tánon ne sanonhsatokénhti. Akwé꞉kon ne thihotitiohkwaténion niakwaiaʼtaktóntie ratinakerénion ratikenhrón꞉ni ne saná꞉ta, tánon ó꞉ni ne sonkweʼtaʼshón꞉ʼa ne tsi nihotirihwanéren nonkwahsótshera ó꞉ni nonkwatiaʼkéshon.

Daniel 9:7

Í꞉se Saiá꞉ner ne kaiá꞉neren, ók nonkwatiaʼkéshon tió꞉konte ne ionkwaró꞉ron ne iáh teiotkwéniens. Ne ki ne kwáh eʼtho ní꞉ioht tsi niiátion ne Judah tánon ne Jerusalem nón꞉we niiakwanákere tánon ratikwé꞉kon ne Israerʼró꞉nons tsi niká꞉ien ne aktéshon nón꞉we tionhontsaké꞉rons iaʼtehsheiareniá꞉ton, aktatiéʼshón꞉ʼa ó꞉ni ahinónhshons niió꞉re, ne tsi iáh tehotirihwatokén꞉ne ne sonhá꞉ke.

Hosea 4:2

Rontewenhnatsatánions, ronhnowenhtánions, tánon shonterihwatewatánions, tánon kanenskwátsheras tánon kanakwaiesátshera ioterihwathéntion; kwáh rotinekwenhsarónhnions.

Habakkuk 3:18

Nek kik sáka enwakatonhnárake tánon enwakaʼtsenhnonhní꞉hake rahonhà꞉ke ne Roiá꞉ner; tiorì꞉wa ne Rawenni꞉io tsi thá꞉kenes.

Acts 18:6

Nónen sahonwakʼkónten ó꞉ni wahonwanikonrahkaréwaʼte, tsi iáh tehawerienthiʼióʼon waharísi neh tehatewehiarákwa tánon wahawá꞉ke tsi sahathakenrókewe tánon wasakawénhaʼse, “Tóhka sewahiatathónʼon, tsionháhakʼkok enthisewatáteraʼse! Iáh I꞉i thakateriwakétaʼte. Kén꞉en ienwatásawen tsi nókwa ne iáh tehathisitaerónons niénhenke.”

Acts 20:26

Kwa kíʼ thoʼkén꞉en tsi wakeriwaniráhton ne sewahénton neh kén꞉en wenniseráte: tóhkaʼ ónkak tsi nítsion ahisewahiatathónʼon, iáh kíʼ I꞉i tewakeríwa.

Romans 10:3

Nonkwesónha Iáh tehatiʼientériʼne nahóten ne Rawenni꞉io rahoriwakwarishióntsera nahonsahotiriwakwaʼtákwaʼse tsi natehóntere ne Rawenni꞉io, tánon kek neh wahonteniénten neh ronhnónha tsi nihatiweienʼnhóten neh áhonste, iáh tehothiʼienáon ne Rawenni꞉io rahoteweiénʼna nahonsahotiriwakwaʼtákwaʼse tsi natehóntere ne Rawenni꞉io.