Psalms 51:1 - Ohiatonhseratokénti

¹ Takiténhrat Ó Sewenní꞉io, né tsioianénhaf ne iorihwaʼtó꞉ken sanoronkwátshera; né tsioianénhaf tsi niʼiawetowánen í꞉ken ne sanitenhrá꞉tshera sasehrón꞉ko nakerihwanerahát꞉tshera.

Psalms 51:1 ပူးပေါင်းရင်းမြစ်များ

2 Samuel 11:2

Thóh neh kíʼ eʼnahá꞉wenhne ne shiʼiokárah iotohetstenʼnénhtie, nó꞉nenh ne Táwit shathátane ne raonitskwára ne wanitskwará꞉tseres tánon waʼhatentiónko thóh ne raoronhkweʼná꞉kes ne ronnontí꞉io tsi rononshó꞉te, éhʼtho karonhkweʼnáke ehʼtá꞉ke iahatkátho tánon tsiontonwísen wahá꞉ken watá꞉wenhs; ne tsiotonhwísen kwáh í꞉ken tsi watkathotserí꞉io.

Nehemiah 4:5

Tó꞉sa seró꞉rok ne raotirihwaneráhtshera tánon tó꞉sa serákef ne raotirihwaneraháktshera ne sahénton, asè꞉ken ronwatinikonratʼsáton ne rotihióte.”

Psalms 106:45

Asèken rohnónha raotirihwá꞉ke tsi rehiá꞉re ne raoterihwaʼseronniátshera, tánon sahatatiéna ne tahioianénhaʼwe ne iawetatʼtsáni ne iorihwatóken raonoronkwáhtshera.

Psalms 106:7

Né iakishotʼtonhkonhkénʼen, né Egypt siehónhnes, iáh karíhwa tehonónhni ne iorihwanerákwat tsi nisonhkwahtserá꞉se ne Rawenni꞉io; iáh teshoneiaráhon ne iawetowáʼnenh í꞉ken ne iorihwaʼtóken sanoronhkwáhtshera, ók waʼhonwaʼwenhnón꞉ti ne kwáh roshaststenhserowanenkówa né Red Sea nón꞉we.

Psalms 109:21

Ók í꞉se, Ó Atiá꞉ner, tatiatakéna asèken né꞉ne sasénhna aorihónhniat; tsioríhwa ne iorihwaʼtóken sanoronhkwáhtshera tsi niʼioiánere, saskeniákent.

Psalms 119:124

Taskateweienhtónhas ne tsiosèhret ne iorihwatóken sanoronhkwátsera, tánon takerihónhnien ne satsiawenhráhtsheras.

Psalms 145:9

Ne Roiá꞉ner onhkwetakwékon tsi torihwaiéri í꞉ken, tánon sakothénren ratikwékon tsi nisakohiatíshon.

Psalms 4:1

Teskeriwasehrákwas nó꞉nen ienkonná꞉ton, Ó Ní꞉io ʼI꞉se seskeriwiʼiosténhnis! Sastsiatotaríhsi tsi naʼtewakanikonhráhrakwe. Tasarihwaiérik nakonháke, tánon sathahónsatat naʼkwaterenhnaienthátshera.

Psalms 40:11

Tó꞉sa, Ó Saiá꞉ner, tashón꞉nek ne senhténhrat nakonhá꞉keʼ; ne iohrihwaʼtó꞉ken sanonronhkwáhtshera tánon ne sarihwatokentítshera tiotkonhónwe enwaʼtiatanonstsaʼtonhatiésehke.

Psalms 5:7

Ók Ní꞉i ne tsi nikanánon ne kwáh iorihwató꞉ken sanoronhkwáhtshera, ienkatáwehiate ne sanonshatokentikówane, kwáh tenkatiákete ohénton ne iotokénti sanonsatokentiʼkówa tsi nenkonsénhnaien ne tsi kontsánis.

Psalms 51:9

Satarónhtiens akwékon nakerihwaʼnerahát꞉tseras, tánon sasehrón꞉ko akwékon naketerihwatewatónhtshera.

Psalms 69:13

Ók né iatetsiáti, shonháke nón꞉we nikaterénhnaiens, Ó Saiá꞉ner. Né nó꞉nenh ienkáheʼwe, Ó Sewenní꞉io, né tsi nihiawetatʼtsáni ne iorihwató꞉ken sáwenk sanoronhkwáhtshera, teskerihwasehrákwas. Né꞉ne kenikwékon ne iorihwató꞉ken sahiatakenáhtsera

Psalms 69:16

Teskerihwaʼserákwas, Ó Saiá꞉ner, asèken ne sanoronhkwáhtshera ne iorihwaʼtóken tsi nihioiánere; ne tioianénhaf tsi niʼiawetowáʼnen ne senhténhrat, takwatkátho.

Psalms 77:9

Né Rawenni꞉io ronikonhrénhen kén tsi rotaniténhron? Né raonakwáhtshera ne kén tetsonatʼthakwénhni ne raoʼtanitenráhtshera?” Selah

Isaiah 43:25

Í꞉i, Í꞉i ne rahónha í꞉ken Í꞉i skeriwathón꞉tha ne saterihwatewahtóntshera né꞉ne kwáh Í꞉i akerihonhniát, tánon iáh tahonsakeiáraʼke ne sariwaʼnerahák꞉tsheras.

Isaiah 44:22

Wakonhèwen éhʼren watʼkhawíton ne sarihwanerahát꞉tshera tsi ní꞉nioht ne tsi iotsatarónh꞉nion, tánon ne sarihwaneraháktsheras kwáh né꞉ne iahonhaʼwínon í꞉ken; akonhá꞉ke natonhtáse, asèken I꞉i skhonʼhiatákwen.

Isaiah 63:15

Eʼtàke tasatʼkátho né tsi nón꞉we teshí꞉teron ne karonhiáke tánon satʼkátho, thóh nón꞉we nahontáʼwe tsi niʼiotokénti tánon né kaiatanerakwáhtshera í꞉ken né tsi teshí꞉teron. Kaʼní꞉wes ne sanoronhkwáhtshera tánon ne sashatsʼténhsera? Né naoskanéktshera ne seríhaʼne tánon ne sáwenk senhtenhrátshera? Iáh akonháke thetewé꞉tha.

Isaiah 63:7

Kwáh enskatʼró꞉ri tsi niʼkanoronhkwahtsenhrénhaʼwe ne raoʼhioténhseras ne Roiá꞉ner, tehiotonhontsóhon ne tahiontenonweráton tsi nihó꞉ienhre ne Roiá꞉ner, tsioríh꞉wa né norihwaʼkwékon nètho Roiá꞉ner tsi nishonʼkwahtiéraʼse, tánon né teiotenonʼianíton wahatenóronste tsi kanónshoʼte ne Israerʼronónke né tsi nisakonatón꞉ni né tsoianénha né raoʼtaniténhrat, né tsoianénha né iaʼwetatsáni né iorihwatóken raonoronkwáhtshera.

Jeremiah 18:23

Ók, Saiá꞉ner, sahteriéntareh akwékon tsi nihonahtenikonhrónni nahionkenonhwahrhiákon. Tó꞉sa shaʼsehnikónhrens tsi nihonnonhkwetaʼhétkens tó꞉sa ó꞉ni shaʼsehnikónhrens ne raoʼtirihwaʼneraháktshera. Tehsehʼhionhontióient ne tsi sehsénhnion ó꞉ni kén niásehreh tsík sénha shé꞉kon shanakwénʼen.”

Lamentations 3:32

Thokanónwa kanikonrakséntshera enteshóntion, nók kíʼ ne raononronkwáhtshera kwáh nen:ne ioriwí꞉io ó꞉ni kasáste.

Daniel 9:18

Takwatahónhsatat, O Sewenní꞉io; takwakenʼén꞉ion ó꞉ni satkáhtho tsi natekanikónrhare tsi non níiakwe tánon tsi niiotkenhrenserón꞉ni ne kanatowá꞉nen ne saná꞉ta. Iséʼke nón꞉we niionkwaterénnaien ne tsi sanitenráhtskon, iáh né té꞉ken tó꞉ka ken ne tsi ionkwatonkweʼtakwaríhshon.

Daniel 9:9

Í꞉se ne satanitenrátskon ó꞉ni tsisaʼnikónrhehns, iaweronhátien tsi iáh tekwawennaráhkwen.

Acts 3:19

Sasewatatʼréwat, káti, tánon Niióʼne nionsásewe, neh nahónte nahonsahonikónren ne sewariwaneraháktseras. Tho꞉ka thóh nen sewáiere,

Colossians 2:14

saharáh꞉kewe tsi nihionkwasennatʼsáthakwe ne hionkwatʼkarotákwe tsi nihkanerenstónhne ne kaianerénhseras tánon kwáh aʼhé꞉ren wahahá꞉wite tsi niahanonwahró꞉ten ne kaiásake.