Psalms 50:7 - Ohiatonhseratokénti

⁷ “Sewaʼtahonsí꞉iost, Ó akonkwetashón꞉ha, tánon kwáh enkatáti, Ó Israel, kwáh enkonhiatanó꞉then. Í꞉i ne Ní꞉io í꞉ken, í꞉i ne Saní꞉io í꞉ken.

Psalms 50:7 ပူးပေါင်းရင်းမြစ်များ

1 Kings 18:39

Nó꞉nen nonkweshónhas sahontkátho kí꞉ken, ohontsáke wahonthatsatónhti tánon waʼthothihénreʼte, “Ne Roiá꞉ner séh ne Ní꞉io í꞉ken; né꞉ne Roiá꞉ner rahonhatsíwa Ní꞉io í꞉ken!”

2 Kings 17:13

Né Roiá꞉ner iehoteniéton ne rahonkwéʼta rarihwakaré꞉nies ó꞉ni ne rotó꞉kense nashakoronhkáten Nisraeʼró꞉nons tánon ne Judah: “Sewatsakwahríhsi tsi nisewaweienhnáksens tánon takwahwénhnarak, tsi thóh nón꞉we niwatá꞉rons ne kaianerenhserákons ne tekheiáwi ne sewasókʼtseras tánon tsi nitkwahwíʼons rahonháke nakenáhtseras ne rotiʼtó꞉kense.”

2 Chronicles 28:5

Tsioríhwa ne Ronnontí꞉io Ahaz tsi waharihwánerahke, ne Roiá꞉ner Raoní꞉io í꞉ken wahoríhon ne ronnontí꞉io Syriaró꞉non wahosénhni tánon Damascus niahonsashaʼkohiaténhaʼwe ronatiokowánen ne Judahró꞉nons nashakonóhton. Né Roiá꞉ner wahoríhon nonʼné꞉e ne ronnontí꞉io Nisraeʼró꞉nonke, né Pekah né꞉ne ronikénʼen ne Remaliah, né wahosénhni ne Ahaz tánon washakononhwariákon né 120,000 nihátikwe ne kwáh rotinikonhrát꞉tsanitonhne né Judahró꞉nons ronhterí꞉ioskwe né sewenhnísera. Né Roiá꞉ner, ne Sakoní꞉iokwe ne ronhwatisokthonkonhkénʼen, wahatʼthónthate kí꞉ken ne thóh naiáwenhne, tsioríhwa nonhkweʼshón꞉as ne Judah nón꞉we tsi ronhwatewenhtéton.

Psalms 49:1

Sewatthóntek kí꞉ken, tionkwetaʼkwékon; sewaʼtahónsatat, sehwaʼkwékon ne tsi ionwenhtsáte sewaʼnákere,

Psalms 81:8

Sewaʼtahónsatat akonkwetashónhas, tsi nikaríhwes enkwaretsáron; Ó Israel, tó꞉ka nek khók naskatahonsathátonhke!

Psalms 81:9

Iáh tehiówenk ne thiʼkaní꞉io sèrate akaiéntake ne sewenhtiókwahkon; í꞉shiʼó꞉ni nón꞉we, Kwáh iáh tehiówenk ne taisewatiákeʼte ne raotihénton.

Exodus 20:2

“Í꞉i ne Watiá꞉ner Sewaní꞉io tsi nikáien ne tethiaiathinekènʼen ne Egypt, tsi nónhwe tshieʼsanaskonhníʼne.

Isaiah 1:18

Káts kíʼ ó꞉nen, ánion tewahriwasherónhni kí꞉ken oriwasón꞉has, rá꞉ton ne Roiá꞉ner: èʼthohsáne ne sewarihwaneraháktshera thóh nahonshokothénhake tsi ní꞉ioht nonekwénhtara, thóh nenhsewashokothénhake tsi ní꞉ioht nóniete; èʼthohsáne tsi onekwénhtara niwashokóten tsi ní꞉ioht ne tetsonekwenhtarákaras, thóh nenskarákenhne tsi ní꞉ioht ne karáken ohnonwéron.

Jeremiah 2:9

“Tánon káti Í꞉i, ne Watiá꞉ner, shé꞉konh enskenikonhrahiénthaʼte nakeriwahshón꞉a tsi nòkwah nakonhkwetahshón꞉ʼa. Kwáh enkherihwahróh tsi nòkwah ne iesehshakotiʼienhokónha.

Ezekiel 20:5

Sehró꞉ri tsi nahoténson katónhnions. Nónenh shakhehiataráhko ne Israerʼró꞉nons, Wakhehiarahrátsʼten. Wakhehiatothá꞉shen ne Egypt nónhwe tánon wahkheró꞉ri: Í꞉i ne Watiá꞉ner sewahNí꞉io.

Ezekiel 20:7

Wakheró꞉ri ne íhseh iahonáhti ne ioteriwahtéhas kahiatonhnisónhas ne kwáh rahtinorónhkwa tánon tó꞉sa ne tahonthatiatátionste ne꞉ne iáh tó꞉kenske tèken ne niʼiohokónhas ne Egypt, tioríhwa tsi Í꞉i ne Watiá꞉ner raotiNí꞉io.

Zechariah 13:9

Tánon enhihiatheniénten ne ahsénhaton ne iatenhotáhtereh ó꞉ni kwáh enshekhehionhnahserón꞉ni tsi ní꞉ioht ne ó꞉tsire sahkaristahní꞉rahte ne karistará꞉ken. Kwáh enkhehiateniénten tsi ní꞉ioht tsi wahteniéntha ne ó꞉tsire ne owistahnó꞉ron. Ethò꞉ne hakónhake nón꞉we nenhonterén꞉naien, tánon tenkheriwahserá꞉kwahse. Entkhehró꞉ri tsi Í꞉i akonkweʼthashón꞉ʼa, ó꞉ni kwáh enhatiriwahní꞉rahte tsi Í꞉i raothiní꞉io.”

Malachi 3:5

Eʼthó꞉ne kiʼ kwáh sewaiaʼtákta én꞉kehte nakwarí꞉wenhte; kwáh entiaʼtahstó꞉reke tsi enkerihwahní꞉rate tsi nonwá ne rontenʼèn꞉naras, tsi nonkwá ne rontenahkwaiesáhtha, tsi nonkwá ne ratirihwahní꞉rats nonó꞉wenʼs, tsi nonkwá ne shakotironhiakèn꞉tha ne ratihnhá꞉tsheraʼs tsi nihonatkariá꞉kse, ne ionatehré꞉ʼons tánon ne tehontonhnhakárhias, tsi niiá꞉kon ne é꞉ren iehonwatí꞉reks ne thihonnonhontsá꞉te, tánon ne iáh teiontatkweniènhstha, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.