Psalms 50:6 - Ohiatonhseratokénti

⁶ Né tsi karonhiá꞉te wenéstha nètho Rawenni꞉io tsi rorihwakwahríshon, kwáh rahonhatsíwa ne Rawenni꞉io tesakoiatorétha nónkwe. Selah

Psalms 50:6 ပူးပေါင်းရင်းမြစ်များ

Genesis 18:25

Oriwiioʼón꞉we tsi iáh thahsheiáhtonʼte ne iáh teiakohnhí꞉kon skátne ne rotihnhí꞉kon, tshieiorí꞉wakon nenʼné꞉eh! Iáh thahskwé꞉ni neh náhshiere. Tókaʼ thóh nénhshiere, ne iáh tehotihnhí꞉kon skátne enhontré꞉wahte ne rotihnhí꞉kon tsheiorí꞉wakon nenʼ né꞉eʼh. Ne Shakorihwènhtha nohontsakwé꞉kon ó꞉nenk tsi thóh nenhá꞉iere tsi nitkarihwaié꞉riʼs.”

Psalms 75:7

ók kíʼ Rawenni꞉io séh rarihwénhtha í꞉ken, ótiakes sakorihwénhtha ótiakes iáh tesakonitsheráwis.

Psalms 89:5

Ratikwékon né ratironhiakeró꞉nons tehotirihwáʼkwen ne iorihwaʼnerakwahténions tsi niséhra, Ó Saiá꞉ner, né ratironhiakeró꞉nons rontʼró꞉ris tsi nihonatkenhníson ne karonhiáke tsi nió꞉re tsi sarihwaʼtó꞉ken.

Psalms 9:16

Ne Roiá꞉ner waʼhathaténeste, né waʼhaterihwathentsiáte karihwenhthátsera; ne ronhnonkwetahétkens né waʼhotiʼiéhna ne waʼterístaien ne ronnónha roʼnateristaienthákwen. Higgaion. Selah

Psalms 97:6

Né tsi karonhiáte wenéstha ne Rawenni꞉io raorihwaʼkwarihshión꞉tsheras; tánon akahontsaʼkwékon nónkwe iontkáthos ne raoiatanerakwáhtshera.

Isaiah 33:22

Asèken né꞉ne Roiá꞉ner nonkwá꞉wenk rarihwéntʼtha í꞉ken, né꞉ne Roiá꞉ner nonkwahkóra í꞉ken, né꞉ne Roiá꞉ner nón꞉kwah nontí꞉io ní꞉ken; kwáh rahónha enshonkwahiatanónsthaʼte.

Romans 2:5

Nók iáh tatesahontakáronte tánon seriasáksen. Nekarihónʼnis, í꞉se satatonniénʼnis neh karewatátsera sénha tehiotenonhianíton tsi ní꞉ioht ne tewenʼniserónte nónen neh Rawenni꞉io rahonakwátsera tánon ne tkariwaiéri kaiatoretátsera enhiotásion.

2 Corinthians 5:10

Akwé꞉kon ne Kerístos tsi tewaiaʼtátson tenshonkwaiaʼtó꞉rehte naioianeréhake tóka ó꞉ni tó: naontakahetkén꞉take tsi naionkwatié꞉ren ne tewaieròn꞉ke tsi náhe tionhnhétie.

Revelation 19:2

asè꞉ken ne raoriwenhtá꞉tshera orihwí꞉io í꞉ken tánon tkariwaié꞉ri; raónha rariwénhton ne kashennowá꞉nen wathokótha aónha iohetkénton tsi ionwenhtsá꞉te ne ióston naówenk kentétsera, tánon ne rarehwathákwen tsi iakokonwarhakhónhnion ne raonnhatseraó꞉kons.”