Psalms 50:22 - Ohiatonhseratokénti

²² “Sateniéntenst kí꞉ken, eʼthóhne, ní꞉se ne tsisewaʼhiatanikonhrénhʼen ne Rawenni꞉io, tánon kwáh enkwahiataratiónko, tánon iáh ónhka nahonsaiesaniákente.

Psalms 50:22 ပူးပေါင်းရင်းမြစ်များ

2 Samuel 22:42

Waʼthontkatónhnionwe ók ónka kaʼnèka téiens nahonwatinónsthate; iathonséntʼtho rahonháke ne Roiá꞉ner, ók iáh kíʼ ne thateshakoriwaserakwénhni.

Job Tánon ne Raoronhiakensera 10:7

ethosà꞉ne saterièn꞉tare né꞉tho tsi iaothén꞉non tewakení꞉kon, tánon iáh ónhka nahonsahiontsiathotaríhsi ne shatsaʼnà꞉ke

Job Tánon ne Raoronhiakensera 8:13

Thóh nihotihahóthens ratikwé꞉kon nón꞉ka enhonwahiatanikónren ne Rawenni꞉io; ahiawenhskénhen ne iáh teotinihioserá꞉ien kwáh ahatihiathá꞉ton.

Psalms 10:4

Né ronkwetahétken tsi nihotatkowaná꞉thon tsi nihanontónhnions né Rawenni꞉io iáh othènon thahakerihwatsiénriase iáh othènon tehatsterístha.

Psalms 7:2

tó꞉ka iáh kwáh kí tsi ní꞉ioht ne kénreks kwáh enhiontiatarahtiónko; tánon iáh ónhka taiekwéni nahonsahiontiatáko.

Psalms 9:17

Áhnion né ronhnonkwetahétken Sheol nón꞉we nienhónhne, ratikwékon nón꞉kwe ne ronhwahiatanikonhrénhen ne Rawenni꞉io.

Psalms 9:18

Asèken ne iakonoronsténhnis iáh kíʼ tiókonte tahonwaʼtihiatanikonhrénhʼen, khés ne raonarahrát꞉tsera ne ionthateronhiakéntha tahatihiatháton tsi nènhwe akénhake.

Ecclesiastes 7:14

Nónen ne thén꞉nen sahianerastenhnihátie, satsenhnonhníhak, tánon nónen ne kanikonhrarhátshera énwahwe, nék sehiá꞉rak: Rawenni꞉io tetsáron thateniétha atonnharáhtshera ó꞉ni ne kanikonhrarhátshera; iáh nonhwénhton tesahteriéntahre onhʼnientsá꞉wenhne.

Isaiah 51:13

Tsiaʼtanikonrénhen ne Roiá꞉ner, né iahiaʼtíshon, rahón꞉ha tehotíronhte né tsi karonhiátes tánon thononhkónhni ne tsi iohontsáte. Iesakontákwen sáterons ne tsi niwenhníseres tsioríhwa tsi nihotenakwahwenhráti ne sakowisátha, né rahónha thóh iatehotsátʼton karonhiakentserákon. Ók kaníwes ne raonhakwáhtshera ne sakowisátha?

Jeremiah 2:32

Ne iónkwe kén nitiohiónha ionikónhres kén ne ahowistahnorohsónhas, khés ne ioniáhkhe nahotierónniat ne enhióniaskte ne iakoniasta natseronniat? Ók nahiothónʼon nahonsehtonke nakonhkwetahshón꞉ʼa sénha wéso wenhnisehráhke ionkenikonhrénʼen.

Ezekiel 18:28

Enhátʼthoke tsi nihatiérah tánon enhátkaʼwe tsi roriwahnerahakʼkhonháties, káti kwáh iáh tharénheie, ók enhrónhnheke.

Hosea 13:8

Thekhehiatasénhte kwáh né꞉ne okwá꞉ri iotewirakénhnen, tánon enkherá꞉tion ne ioterorókston raoneriá꞉ne; thóh nón꞉we nenkhehiatónhte tsi ní꞉ioht ne kénreks, kwáh tsi ní꞉ioht ne karióh tsi sakohiataratiónkwas.

Hosea 4:6

Nakonkweʼtashón꞉as wahonwanátonte ne tsi iáh tsiatekaié꞉ri tsi nihonaterienʼtá꞉rakwe; ne aorì꞉wa ne tsi wesewakénron ne attokhátsera, wakonkénron kí ò꞉ni ní꞉se tsi iáh attsihénstatsi thasá꞉ton. Tiorì꞉wa tsi saʼnikonrénhen ne raoianerénhseras ne Rawenni꞉io, kwáh kí ó꞉ni ní꞉i enkheiatanikónhren ne seioʼokónha.

Hosea 5:14

Asè꞉ken thóh nentiatoténhake tsi ní꞉ioht ne kénreks tsi nokwáh ne Ephraim, tánon kwáh né꞉ne kenhnitohiónha kénreks tsi nokwáh nonkweshón꞉as ne Judah. Iathenwatsátiste tsi enkhehiaʼtaratiónko tánon ethò꞉ne é꞉ren enskéte; kwáh ienkhehiaʼthénhawe, tánon iáh tahonsaieniá꞉kenhne.

Amos 2:14

Shé꞉kon ne kwáh tehotí꞉kaʼs iáh kí thahatiʼniá꞉kenʼne, tánon ne ratiʼshátsteʼs kwáh kíʼ enhonteʼshatstenhseró꞉kten, iáh ó꞉ni ne ronterí꞉ios thahatikwé꞉ni nahontatenónhstate;

Micah 5:8

Tánon ne ronhnonhontsakeró꞉nons niatehonataténron ne Jacob, kwáh kí raotinenrí꞉hen enhenterón꞉take, thóh nenhiotónhake tsi ní꞉ioht ne kénreks raotinenrí꞉hen í꞉res ne kontitshé꞉nens ne karakónhas, thóh nenhiotón꞉hake tsi ní꞉ioht ne ken nithoiónha kénreks thóh í꞉res tsi kontì꞉teron ne teiotinaʼkarontón꞉ʼa. Nó꞉nen ienhatáweiaʼte, iathensakonitionkwáhkwe tánon wasakohiataratiónko, né꞉ne iahónka tetkonhwaʼtiné꞉hon.

Haggai 1:5

Nón꞉wa rá꞉ton ne Sakoiá꞉ner ne ratironhiaʼkehró꞉nons: Tesewaiaʼtó꞉ret tsi ní꞉ioht tsi tionnhétie.

Luke 15:17

Eh oni nonȣe onen tonsahosȣathene oni sareiarane ne raonhake, ȣahenron: toh are onte nonȣa nithonatekhonni ne rakoniha raonnhatsera, kenh nii nonȣe atonkariakon ȣakeriios.

Deuteronomy 32:18

Wahonwahiathanikónhren ne Rawenni꞉io, ne rahonáwenk shakohiathákwas, tsi niká꞉ien ne teshakó꞉wi natónnhets.

Deuteronomy 32:39

“‘Í꞉i, tánon akonhatsí꞉wa kók, ne Wakení꞉io; iáh ónhka nakò꞉ren ne Ní꞉io narónhneke. Khenonhwarià꞉kons tánon tekhehiá꞉wis natónnhets, khekarewátha tánon sehkhetsiéntha, tánon iáh ónhka thaiekwé꞉ni nahiehiotháthe tsi nakátiere.