Psalms 50:1 - Ohiatonhseratokénti

¹ Né Roshaststenhserowanenkó꞉wa, Rawenni꞉io rahónha ne Roiá꞉ner í꞉ken, iesakonatónnions niakahontsakeró꞉nons kwáh tsi nentkarahkwínekenʼne noronhkéne tsi tsenskaráhkwenhne nokarasnéha.

Psalms 50:1 ပူးပေါင်းရင်းမြစ်များ

Genesis 17:1

Ne nó꞉nen ne Abram tióhton niwáhsen tánon tióh-ton shaʼtehaohseriiá꞉kon, ne Roiá꞉ner wahototáhshien ne Abram tánon wahawènhahse, “I꞉i ne Ní꞉io wakeʼshaststenhserowá꞉nen; takewèn꞉narahk tánon kwáh tóhsa ohthé꞉non iesarihwatshènriaʼs.

1 Kings 18:21

Né Elijah ónhkwe tsi rónhnes niahá꞉re tánon wasakawénhase, “Tóh shé꞉kon nikaríhwes ne iathahiʼsewarihwaiénthaʼse? Tó꞉ka ne Roiá꞉ner rahónha Ní꞉io í꞉ken, tsi sewasénhnaien kíʼ; ók tó꞉ka Baal Ní꞉io íken, né kíʼ sewasénhnaien!” Ók kíʼ nonhkweshón꞉as iáh ne tsowénhna thènhnen thehó꞉nen.

1 Chronicles 15:17

Né tsi ratitáraiens ne tehatirihwá꞉kwas né kí꞉ken ne ronhnónhkwes né꞉ne Heman né꞉ne roiénha ne Joel, ó꞉ni ne iathaʼtenonhkwe Asaph né꞉ne roiénha ne Berechiah, tánon ne Ethan né꞉ne roiénha ne Kushaiah, né꞉ne tsi ratitáʼraien ne Merari nón꞉we nihaiátaraʼkwe. Wahonwatiʼiataráko nahonterenhnóten ne otsínekwar nikaristhó꞉ten tehiotwenónhni: Nenhonwatiʼiénawaʼse né꞉ne Leviró꞉nons wahonwaʼtiʼiataráko né꞉ne Zechariah, Jaaziel, Shemiramoth, Jehiel, Unni, Eliab, Maaseiah, tánon ne Benaiah, né enhonterenhnóten ne iowenhnotí꞉ie onowakówa: Tsi nikáien enhonterenhnóten ne iáh tehiowenhnotiie onowakówa né꞉ne Leviró꞉nons: né꞉ne Mattithiah, Eliphelehu, Mikneiah, Azaziah, tánon ne Ononsatokentikó꞉waʼne ratiʼnikónhrare, né꞉ne Obed Edom ó꞉ni ne Jeiel.

1 Chronicles 16:37

Né Ronnontí꞉io Táwit Asaph tánon ne ronátiaʼkes Leviró꞉nons né꞉ne iehiokontáʼkwen tsi waʼshakorihónten nahonterihwatsʼterísthake tsi ahonterenhnaiénsheʼke tsi nón꞉we nikaiénthaʼkwe Naʼterihwaseronhniátshera Oneró꞉kwah. Thóh nón꞉we nenhonterihwatsterísthake tsi nihonaterihwaiénhni ne niatewenhniseráke.

1 Chronicles 25:2

Né kaiériʼniháti ne Asaph rahonekenhteronhtserasónhas: né꞉ne Zaccur, Só꞉se, Nethaniah, tánon ne Asharelah. Né꞉ne Asaph enshakohéntenhse, rahónha ratʼró꞉ris ne Rawenni꞉io raoterihwanothátsheras nó꞉nen ne ronnontí꞉io enharihwaʼnón꞉ton.

1 Chronicles 25:6

Ratikwé꞉kon ne sakohiohokónhas né sakotiʼrenhnawaséhaʼkwe ne tehiotwasakweʼnón꞉nis ó꞉ni nonowakówas né꞉ne ronhwaníha rahterenhnatenhtsáthaʼkwe, né naʼsakoiénawaʼse nononsatokentikówaʼne tsi waterénhnaien. Tánon ne Asaph, Jeduthun, tánon ne Heman né꞉ne ronhnontí꞉io sakoná꞉hon.

1 Chronicles 6:24

Tahath, Uriel, Uzziah, Shaul.

2 Chronicles 29:30

Né ronnontí꞉io tánon ne sakotihéntenhse nonhkweʼshón꞉as wahonwatiró꞉ri ne Leviró꞉nons tahonwarihwákwahse ne Roiá꞉ner né karenhnasónhas ne tehiontenonwerathonthákwas né tsi nihorenhnarasthánions ne Táwit ó꞉ni ne Asaph ne rotokenhséhaʼkwe. Ká꞉ti onhkweʼtaʼkwé꞉kon watieríhwakwe né kowánen atonhnaráhtshera tsi nathontentʼtsóten tánon wahonwasénhnaien ne Rawenni꞉io.

Nehemiah 9:32

“Tánon nón꞉wa, ne Ní꞉io, né꞉ne teotenonhianì꞉ton tánon rashátste tánon teotenonhianitonhkó꞉wa Ní꞉io, raónha rohnóns꞉te naterihwasheronhniá꞉tshera tánon torihwaié꞉ri, tó꞉sa ne shón꞉ni ne kenk nakonhà꞉ke ne karonhiakénhsera akwé꞉kon ne karonhiakénhsera ionkwahrá꞉hon, ó꞉ni ne rotirá꞉hon nonkwahnontí꞉ios. Ó꞉ni rotitokénhses, ó꞉ni ne ionkinihó꞉kons tánon rotirá꞉hons ratikwé꞉kon ne shonkweʼtashón꞉as tsi ná꞉he tiotáhsawe shiohnhatenhniseraténionskwe ne rontinontí꞉ioskwe ne Assyria nón꞉we tsi niió꞉re nón꞉wa wenhniserá꞉te.

Nehemiah 9:6

“Shonwahaʼkhók, oh Saiá꞉ner, shonhní꞉son ne tsi karonhiá꞉tes, né꞉ne tsi karonhiá꞉tes ne tsi karonhiá꞉tes ne kontikwé꞉kon ratikwé꞉kon ne ratironhiakeró꞉nons; ne tsi ionhontsá꞉tes tánon tsi nahoʼténhsons né꞉tho í꞉wah; ne kaniatarakeʼkó꞉wa tánon tsi nahoʼténhshons neh thóh nón꞉we nikónhnes. Kontikwé꞉kon í꞉se teshehiá꞉wi natónhnhets tánon ne ratironhiakeró꞉nons ne karonhiá꞉ke ieshashén꞉naiens.

Psalms 113:3

Kwáh tsi nentkarakhinekénʼne né꞉ne tshenskarákwenhne ne raosénhna ne Roiá꞉ner tsi tenhiontenonweráton.

Psalms 73:1

Orihwiʼiohónwe ne Rawenni꞉io tsi torihwaʼiéri tsi nòkwah Nisraelró꞉nons né꞉ne tsi nihiákon nʼiakerhiaʼsí꞉io.

Psalms 74:1

Ó Sewenní꞉io nontséren tsi thóh kíʼ ní꞉ioht tsi waskwahkénron kwáh kén tsi nénhwe enkénhake? Kwáh kén tsi nénhwe ensehnhákwaʼse ne shonkwetaʼshónha?

Psalms 75:1

Tekwahnonwerátons, Ó Sewenní꞉io; tehiakwahtenonwerátons; tsi ákta í꞉sehs. Nonkweshón꞉has iontroriáhions ne iorihwaʼnerakwahténions sahioténhseras.

Psalms 76:1

Né Judah nón꞉we ronhwaʼientérih ne Rawenni꞉io, tánon tsi nihasenhnowánen ne Israeronónke.

Psalms 77:1

Waʼtewatkénhrete tsi watkaséntʼto rahonháke ne Rawenni꞉io, waʼtewatkénhrete rahonháke ne Rawenni꞉io, né nahónton nahakatʼthónhtene.

Psalms 78:1

Sewaʼtahonsí꞉iosts, Ó akonkwetaʼshón꞉has, naʼkerihonnienhnítseras; sewaʼtahónsatat nowenhnashón꞉has ne tsitsakáronhte entkaiákenhne.

Psalms 79:1

Ó Sewenní꞉io, né thiʼhononhontsátes ionhkhí꞉shons tahionkhihiatsatónhti né nahatiʼiéna ne shonhóntsa; waʼthatítionste tsi nón꞉we niʼiesahsenhnaienthákwah okenrá꞉ke wahonhnóni ne Jerusalem tsi nahatirihwént꞉tho.

Psalms 80:1

Satahónsatat, Ó sehnón꞉ne nʼIsraerʼró꞉nons, í꞉se ne waʼtsiasárihne ne Só꞉se tsi ní꞉ioht ne teiotinakaronhtónha! Sítskote ne sanitskwáhrane éhʼneken ne tsi tehanerahontiónhtons ne raronhiakerononʼkówa,

Psalms 81:1

Iorakareníhak tsi tetsisewaʼrihwákwas ne Rawenni꞉io né onhkwashaststénhsera í꞉ken; tesewaʼhénret naʼtsenhnonhniátshera rahonháke ne Jacob Raoní꞉io í꞉ken.

Psalms 82:1

Rawenni꞉io tesakoniarotáron ne raonhatsherashónhas ne karonhíake; raotinenhríhen ne ratironhiakerónons nón꞉we nisakorihwénhtha:

Psalms 83:1

Ó Sewenní꞉io, tó꞉sa sák tasatatónhni; tó꞉sa tatesató꞉tat, tó꞉sa sák tasatatónhni, Ó Sewenní꞉io!

Isaiah 1:2

Sathóntek, Ó tsi karonhiáte, tánon satahón꞉satat Ó onwénhtsa; asèken ne Roiá꞉ner rotatíhon: Né ratiksahokónha ne khenónten ó꞉ni kheiehiáron, ók wahonkatkónten.

Isaiah 37:20

Ká꞉ti nón꞉wa, Ó Saiá꞉ner onhkwahNí꞉io, saskwahnóns꞉tat thonsatʼtsiotarísi, né ká꞉ti akwé꞉kon tsi kanakeraserakérons ne tsi ionwenhtsáte ahónton ahiakoteriéntaraʼne tsi kwáh iateshiá꞉ti khók Saiá꞉ner í꞉ken.”

Isaiah 54:5

Asèken ne Iaiatíson né꞉ne teseníteron í꞉ken, ne Sakoiá꞉ner ne ratiʼronhiakeró꞉nons né kí raoʼsénhna í꞉ken; Né꞉ne Roʼiatatokénti Énska í꞉ken NʼIsraerʼronónke né꞉ne shiaʼiatákwen, né Rawenni꞉io í꞉ken nonhontsaʼkwékon né ronhwanatónhkwah.

Isaiah 9:6

Asèken raksáha ronakeráton nonkwariwàke, Roskenrakéta owiráha tionkhiʼiáwi! Ne kahshatsténsera ranenhsáke nón꞉we nikáhere; tánon ne ronhwasénhnawi Roiatanerákwah Ratsenhaieskówa, Roshatstenhserowánen Ní꞉io, né꞉ne tsi nènhwe Kanhísera enkénhake, rahónha Ronwakowánen ne skénnen í꞉ken.

Jeremiah 10:6

Saiá꞉ner, kwáh iáh ónhka ne ahonshaieshaiérenʼke; shaʼshastsʼtenserowánen, tánon tsennowánen ó꞉ni sehshástsʼte.

Amos 3:8

Ne kèn꞉reks wahatonrá꞉ien; ónhka ne iáh thaiakóhteronʼne? Ne Roiá꞉ner Rawenni꞉io rotatí꞉ʼon; ónhka aiekwé꞉ni nek khok kíʼ niaierí꞉wake?

Malachi 1:11

Aseʼkénh kwáh tsi nentkarahkwínekenʼne tsi nienhskaráhkwenʼne tsi tshennowá꞉nen ne tsi ienakerénion ne ronnonhontsaʼkehró꞉nonʼs, tánon kwáh tsik nonwé꞉sonʼs tsi enieienʼkwarotónnion nakhsèn꞉nakon, aseʼkènh nakhsèn꞉na tsi kahsennowá꞉nen í꞉ken ne tsi ratinakerénionʼs ne ronnonhontsaʼkehró꞉nonʼs, Rá꞉ton ne Sakoiá꞉ner ne ratironhiaʼkehró꞉nonʼs.

Matthew 25:32

Nok akaonȣentsiakȣekon nonkȣe raohenton enhionteroroke, nok tensakoiataiestasi, tsikiniiot ne teiotinakarontonha ranonhne, tesakokhasions notinnhetien tanon ne Kontitsinn.

Joshua 22:22

“Ne Roshatstenhserowá꞉nen né꞉ne Ní꞉io! Raónha ne Roiá꞉ner! Ne Roshatstenhserowá꞉nen né꞉ne Ní꞉io! Raónha ne Roiá꞉ner! Raónha roterièn꞉thare nonhtié꞉ren ki tsi thóh nahá꞉iere, tánon ó꞉ni tehionkwahtonhontsó꞉ni ní꞉se naisewaterienʼtharáne! Tó꞉ka iáh tahitewatewénhnaraʼkwe tánon iáh tahionkwahrihwatokénhake rahonhà꞉ke ne Roiá꞉ner, tó꞉sa ki saʼthóntat ne shé꞉kon ahiatsiónhnheke!