Psalms 5:6 - Ohiatonhseratokénti

⁶ Shehiathóntha tsi nihiákon ne iakonó꞉wenhs; ne Roiá꞉ner sakó꞉sons ne sakonaséhtha tánon ne ratinikonráhtha.

Psalms 5:6 ပူးပေါင်းရင်းမြစ်များ

Genesis 34:14

Wahonwanénhahse ne Shechem tánon ne Hamor, “Iáh thaiakwakwé꞉ni naiakhiríhon ne iakwatenoʼsénha nahotíniake nónhka ne iáh tehonwaʼwahrakwé꞉taron, aseʼkénh kwáh neʼ í꞉ken tsi eniakwatatéhaʼte.

2 Samuel 16:8

Ne Roiá꞉ner wahiaré꞉wate neh tsi nisenonwarhiakónhnion ne Saul raowátsires, roʼnón꞉ha raʼotinatʼtekénʼen tsi nón꞉we tsisatenonhtiʼióston; tánon ne Roiá꞉ner ne tethó꞉wi ne kaʼnontiʼiótsera ne eʼtsiénha Absalom. Satkátho, kariwahetkénhsera thontesahrhóroʼke; asèken ní꞉se kwáh sehiaséhtha nashiaʼtóten.”

2 Samuel 20:1

Nón꞉wa ne ne iáh othènon teharihwástha Sheba ronwáiats neh roʼiénha ne Bichri, ne ne Benjaminró꞉non, tahiotokéntane thóh nón꞉we níreskwe. Wahatá꞉tiste iehonrawátsta tánon wathohénrete, “Iáh othènen thateionkwateriwaʼshón꞉tere ne Táwit, iáh othènen ne sataʼionkwawenhkónwe ne Jesse roʼiénha! Sewakwé꞉kon tsitisewatohseróhton nionshá꞉sewe, Ó Israerʼró꞉nons!”

Psalms 11:5

Ne Roiá꞉ner sakorihwaniráti ne tionkwetaiéri, ók sakósons ne ronhnonkwetahétkens né꞉ne ratinóronhkwe ne iáh kaiáneren te꞉ken.

Psalms 4:2

Í꞉se ne tiónkwe tóh nikaríwes nakerenhsarónh꞉tshera atehénsera ahitiónhniate? Tóh nikaríhwes ahisewanorónhkwahke ne iáh othènen tekarihwásthas, tánon né ahisewéshake nahó꞉tens nonhó꞉wenhs? Selah

Psalms 43:1

Saskatatewenhniʼióseron, Ó Sewenní꞉io, tánon teskeriwaʼkénas tsi nòkwah nonkweʼshónhas ne iáh tehonwaʼsénhnaiens Rawenni꞉io; tsi nòkwah ne ratinikonhráhtha tánon iáh tehotihiánere saskeniákent!

Psalms 55:23

Ók í꞉se, Ó Sewenní꞉io, iensehiáthente tsi nón꞉we ne kwáh tioshón꞉wes; né sakonaséhtha tánon natiokenthashónhas kénk nentontíhionke enhonnhíheie. Ók kwáh kíʼ shonháke nón꞉we nenhtewakethakwénhake.

Isaiah 26:21

Asèken ne Roiá꞉ner thahiákens tsi nón꞉we thénteron ne nasakoréwaʼte ne ratinákereh nonhontsàke ne raoʼtirihwaneraháktsheras entkarihónhniaʼte; nonwenhtsa kwáh enweneste nó꞉nekwenhsa nètho ionekwáhon, tánon iáh shé꞉kon tahonsahiakoróhroke ne ronhwatíʼrio.

Romans 1:29

Ne rathihiatanánon neh niateʼioriwákes neh kariwaneraháktseras, wanonthonniontseráksens, ronaskéʼnaʼse tánon kanakwátsera; kwáh rathihiatanánon neh kanosátsera, asakonásehthe, ronaterihioháties, rathinikonrátha, tánon rathiseróhen. Rothiriwakáte,

Revelation 21:8

Ók ne roʼnát꞉tsens, ne iáh teotí꞉ien ne tewetá꞉kwen, ne teotihiatátions, ne sakonaséh꞉thas, ne roʼthí꞉teha, ne rontahenná꞉ras, ne rontenakwaiesáthas, tánon ratikwé꞉kon ne rotinhó꞉wenhs, ne raotinák꞉tes kwáh thóh nón꞉we tsi kaniatá꞉re ne iotékhas nótsire ó꞉ni iontenatentástha, ne né꞉tho ne tekeníhaton kenhé꞉iat.”

Revelation 22:15

Akste ne kanaʼtó꞉wanenhke thóh ronhnes érhar tánon rontenhenhná꞉ras tánon ne tihó꞉thiteha tánon sakoná꞉sehthas tánon ne rontená꞉kwahiesathas, tánon tsi niiakon ne ienón꞉wes ó꞉ni ne ahiakoioten nonhó꞉nenhs.