Psalms 49:2 - Ohiatonhseratokénti

² tsewaʼkwékon ne kén niʼiesenhnáha tánon ne tsiakoksénhhnate, í꞉se ne sewakwatiénions ó꞉ni ne sewenhtenhthénions tsiatesehwaʼtiéston.

Psalms 49:2 ပူးပေါင်းရင်းမြစ်များ

Job Tánon ne Raoronhiakensera 34:19

raónha ne iáh tetharihwaráhkwa tsi nokwáh ne ratishenhnowá꞉nens, khés ne sénha ashakokwénienste ne rotikwahtsénions tsi ní꞉ioht ne iakó꞉ten, asè꞉ken orihwakwé꞉kon nen kahioténhsera ne ratsáneke?

Psalms 62:9

Nón꞉kwe ne teshonhtsérens tsi ní꞉ioht ne iahiakotonhniserón꞉ti; tsi niháti ne toʼnatonhkwetatónhnions iáh othènon tehatirihwásthas; nasehkonhtseriháren; né ratikwékon iatahonwaʼtí꞉ieste sénha iáh tehotiʼhiátatste tsi ní꞉ioht ne iotewerahrátses.

Proverbs 22:2

Iakokwáhtshe tánon iakó꞉ten ne shá꞉ka tsi ní꞉ioht ne Roiá꞉ner tsi shakoiaʼtíson.

Isaiah 34:1

Ákta í꞉sewek, Ó tionhontsakeró꞉nons, naisewathóntene; Ó tsiónkwes, sewatenhnikonhrá꞉ren! Áhnion nohóntsa ióthonhthen, tánon akwékon ne thóh kananóntʼtons; ne tsi ionhontsáte, tánon akwékon tsi nahó꞉ten né thóh nón꞉we nitewètha.

Micah 1:2

Sewatóntet, í꞉se ne tiónkwes, sewakwé꞉kon; satenhnikòn꞉raren, O onwénhtsa, tánon akwé꞉kon né nón꞉we niká꞉ien; tánon tsi sewarí꞉hon ne Roiá꞉ner Ní꞉io rahrihwaní꞉rat tsi entsisewatkónten. Natiá꞉ner thóh nitré꞉tha ne raononsatokentikowáhne.