Psalms 49:12 - Ohiatonhseratokénti

¹² Né rón꞉kwe thóh nahontahottsenhnáteske iáh kíʼ né tahonónsthate ne tó꞉sa arénheie; kwáh kíʼ thóh ní꞉ioht tsi enrénheie tsi ní꞉ioht ne katʼtshénen.

Psalms 49:12 ပူးပေါင်းရင်းမြစ်များ

Genesis 4:17

Cain shakoienté꞉ri ne ró꞉ne, tánon ontháwa naiowiraiéntane tánon ne wahonakerátste né꞉ne Enoch; eʼthó꞉ne ne Cain kanatowánen wahanatón꞉ni, tánon né꞉ne roién꞉ʼa raosén꞉na Enoch wahaná꞉tonkwe.

Psalms 39:5

Tsi nió꞉re tsi kentʼnishónston ne tsi kónnhe, Né sahénton ne tsi kón꞉nhe kwáh iáh othènon thakénhake. Kwáh ónhte ne tsi iakón꞉nhe ne niatehionkwétake iáh sénha ó꞉ia tèhiot tsi ní꞉ioht ne tsi iahó꞉te iahiontónhrie, Selah

Psalms 49:20

Né rónhkwe thóh nahontahotsenhnáteske iáh kíʼ ne tahonónstate ne tó꞉sa arénheie; kwáh kíʼ thóh ní꞉ioht tsi enrénheie tsi ní꞉ioht ne katshénen.

Psalms 82:7

Eʼthohʼsáne, kwáh thóh ní꞉ioht tsi ensewénheie tsi ní꞉ioht nón꞉kwe, tánon ensewaʼtonnókten kwáh kíʼ tsi ní꞉ioht nón꞉kak ne ronhnontí꞉io akénhake.”

Ecclesiastes 9:12

Iáh nonhwénton tesateriéntare kátke iekáhewe níse sariwáhke. Tsi ní꞉ioht notsitenhokónhas hioteiatotaréhon tsi waterístaien, tsi ní꞉ioht ne kéntsionk roiathotaréhon tsi wataháro, entewahiatotárehne né nónen kwáh iáh othé꞉nen tetsionkwárahre.

1 Tiér 1:24

Tsi niwáton ne noriwatokénti, “Onkwetaʼkwékon seh óhonte nahatiʼiatótens, tánon akwékon ne rahotiʼiatanerakwátsera tsi ní꞉ioht tsi iotsítsionte ne kahentàke. Nóhonte wastátʼthens, notsítsa watashó꞉kwas,