Psalms 46:9 - Ohiatonhseratokénti

⁹ Kwáh ohontsakwékon tsi tehatástha naterihiósehra; tehaʼhenhniákons, tánon tehatthokwáhtha ne wasikwahróhare; rattsahátha ne tehioniatasthákwa.

Psalms 46:9 ပူးပေါင်းရင်းမြစ်များ

Psalms 66:5

Káts tánon sewatkátho tsi nahoténsons ne Rawenni꞉io rohioténhen: tsi niʼiorihwaʼnerákwah tsi nisahkotseráse nonkweshón꞉ha.

Isaiah 10:23

Asèken ne Sakoiá꞉ner Ní꞉io ne ronterí꞉ios ratiʼronhiakeró꞉nons kwáh ne enrónhniaʼte nakahnanonháke tsi ienwatót꞉ten, kwáh kí kaianerenhserónhni, nonhontsaʼkwékon í꞉ken.

Isaiah 11:9

Kwáh iáh tahotikaré꞉waʼte khés nahonwanátonhte tsi nonwéshons nakenontatokentíkes; asèken ne tsi iohontsáte né tentkará꞉ke ne raotʼthoʼkhátshera ne Roiá꞉ner kwáh tsi ní꞉ioht nonèkanos tsi ioróh꞉ron ne kaniatarakhekówa.

Isaiah 2:4

Kwáh tensakohiatórehte tsi natehónteres nonhkweʼó꞉kons, tánon ensakoteriwaʼshónterase ne iakotsokowáhnen ónkwe; ne rahonasarekówa ne sahonónhniate ne ietarakarahthóstha otsiiewéiontha, tánon ne raotishiʼkwáhras iontkwiraseronhniátah ne ohnió꞉kwas sahonnónhniaʼte; nonkweʼó꞉kons iáh shé꞉kon nonhwénhton tahonshahionterí꞉io, iáh ó꞉ni nonhwénton tahonshahatiweienʼtétonke nahonterihiosehrónhni.

Isaiah 60:18

Né kariwakʼsenhókons iáh shé꞉kon tahonsaiakotʼthón꞉teke ne satonhwenhtsáke, né karihwaieshá꞉tsheras khés natkenronhniátsheras ne tsi nón꞉we nisateristhatátie; né enshenátonhkwe ne tsi sathenhenró꞉tons kaienawashé꞉tshera, tánon ne tsi sathenhenrakarónhtons kanonweratón꞉tshera.

Ezekiel 39:3

Ethòne entʼthíkwahthe ne rahohénhna ne sanhekwáhti nahanenhtsáti tánon ne rahoiénkwires ne saweientethákwen nahanenhtsáti.

Micah 5:10

Ne thóh enwenhniserá꞉teke, rá꞉ton ne Roiá꞉ner, kwáh enkhehiá꞉tonte ne satsenenhó꞉konhs koshá꞉tens tsi nón꞉we ní꞉sewes tánon kwáh enkerihwaʼtonhte ne sarereshón꞉as ohtiónkwas.

Joshua 11:6

Ne Roiá꞉ner wahawénhase ne Joshua, “Kwáh tó꞉sa sehtshà꞉nik. Thóh ki nenkaháwike nenhiórenhne kwáh ratikwé꞉kon enkhenonhwarià꞉konhke né꞉ne Israerʼró꞉nons rahotirihwà꞉ke. Ensehsinakaré꞉waʼte ne rahotitshenenhó꞉kons koshá꞉tens tánon satsáhat ne rahotíseres notsónhkwas.”

Joshua 11:9

Ne Joshua thóh nashakoié꞉raʼse tsi ki nihotró꞉ri ne Roiá꞉ner: washakokarewathánion ne raotitshenenhó꞉kons koshá꞉tens tánon wahontsáhathe ne rahotisereʼshón꞉as otsónhkwas.

1 Samuel 2:4

Ne raoʼnahén꞉nas ne ratiʼshástsʼtes teiotsiá꞉kon, ók ne rothitsiʼióhas ne ne ronatsiaʼtanák꞉tons ne kashastsʼténsera.