Psalms 46:8 - Ohiatonhseratokénti

⁸ Kásehwe sewatkátho tsi nihohiothénhen ne Roiá꞉ner; sewatkátho ne iorihwanerakwahténions tsi nihohiothénʼen nonwenhtsáke.

Psalms 46:8 ပူးပေါင်းရင်းမြစ်များ

Psalms 146:5

Iakotáskats tsi niʼiákon nenhsakoiénawaʼse né꞉ne Raoní꞉io Jacob, thóh nón꞉we nihonaskanektseráien rahonháke ne Roiá꞉ner raotiní꞉io í꞉ken,

Psalms 59:10

NakeNí꞉io rakenorónkwah enthakatkenhséra; kwáh kíʼ enhakeríhon ná꞉katerohró꞉ke nó꞉nen ensakosénhni ne iónkshons.

Psalms 66:5

Káts tánon sewatkátho tsi nahoténsons ne Rawenni꞉io rohioténhen: tsi niʼiorihwaʼnerákwah tsi nisahkotseráse nonkweshón꞉ha.

Exodus 10:7

Ne ronhnonhtí꞉io rahoʼnhatsherashónhas wahonwénhase, “Tóh nikaríwes kí꞉ken rónhkwe tenshón꞉kwah nikonhráhrake? Iasehiátkaf ne lsraeró꞉nons ronhnónhkwe, ne káti nahónton nahonwasénhnaien ne Roiá꞉ner raotiʼNí꞉io. Iáh kènh tesatʼtó꞉kas ne Egypt tsi ioriwaʼiesàhon?”

Exodus 12:30

Né wahʼshonhtháteʼkwe, ne ronhnonhtí꞉io ó꞉ni ne rahonkwetashón꞉ʼas, ó꞉ni ne roʼnáhtsiakes ne Egyptró꞉nons waʼhonwatíʼhiete. Kwáh íken tsi onhtsaró꞉ko kwáh tsi nonwéshon ne Egypt, tsioríwa tsi iáh ne skanónsa ónhka iakowiraiéntaʼkwe ne raksáʼa ne iáh tahaʼwenhéionhke.

Isaiah 24:1

Nón꞉wa ne Roiá꞉ner ó꞉nenh thóhwa ahatsiésate ne onwènhtsa tánon ne enronhniá꞉te iáh ónka tahonsaienákerehke, tánon kwáh tenhawahtáse ne éhʼneken tsi ionwenhtsàte tánon teshakokthó꞉kwahte né thóh ienakerénion.

Isaiah 61:4

Kwáh enshatiʼnonshonhniánion né iorihwenhtáserons, kwáh enshatiʼkétsko nohénton tiorihwaiesáhons; kwáh enshatiʼkwahtakwenháton ne iorihwenhtáhons kanatowánens, né꞉ne rotirihwaiesshá꞉ton tsi nihonatsokó꞉wahnen tsi nón꞉tahatinekwenhsathatie.

Isaiah 7:14

Né ká꞉ti aoríhwa ne Roiá꞉ner rahonhatsíwa éntʼhion natenienhténtsera. Satkátho, ne kawí꞉non í꞉ken iowiraientásereh tánon enhionekenteronhtsheraiéntaʼne, tánon Immanuel enhonátonhkwe.

Isaiah 8:10

Sewatenikonrón꞉ni, ók kíʼtenkatástonhke; sewatáti tsi níkon tesewatonhontsóni, ók iáh kí othénen thahonterihwaténtis, asèken Ní꞉io iakwahkwékon.

Numbers 14:9

Tó꞉sa tsi sewatenó꞉wenht ne Roiá꞉ner tánon tó꞉sa ietsitsánik nonkweshón꞉ʼas nètho nónhwe thatinákere. Kwáh watiesenhónhwe tsi enietʼtshisénhni. Ne Roiá꞉ner tewakwékonhse tánon shaʼkosénhnion ne niʼiohokónhas ne thonwatíneskwe; káti tó꞉sa sewáteron.”

Numbers 23:23

Iáh othènen ne iótkon akénhake, iáh thahóten tekáien natenhennaráhtshera akénhake, Né꞉ne ahónsthonke tsi ratiʼtiókwahien Isarerʼró꞉nons Nónhwa tsi nenhiaiéron nonhkweshón꞉ʼas tsi nòkwah Israerʼró꞉nons, ‘Sewatʼkátho tsi nihoiéren ne Rawenni꞉io!’

Deuteronomy 20:1

“Nó꞉nen enshaterihiósera tsi nokwáh ne tetsatà꞉tsons tánon ensatkátho ne otsónhkwas ó꞉ni ne koshá꞉tens tánon ne ronterí꞉ios ne ieshentioʼkwakén꞉nion, tó꞉sa shetshà꞉nik. Ne Roiá꞉ner saNí꞉io, tsi raónha shaniakénton ne Egypt nón꞉we, kwáh ensenikwekónhake.

Joshua 11:20

Ne Roiá꞉ner iasakoʼnikonhrakónhthakwe nahonterí꞉io Nisraerʼró꞉nons, ne káti nahonwatiré꞉waʼthe né꞉ne kwáh tokén꞉en ahonwatikarón꞉ni tánon ratikwé꞉kon enhonwatinonhwarià꞉kon né꞉ne iáh othé꞉nen teká꞉ien nataniténron. Thóh ki ní꞉ioht ne Roiá꞉ner tsi rohró꞉ri ne Mahís.