Psalms 46:6 - Ohiatonhseratokénti

⁶ Nonkweshón꞉ha iakotsarokwáhton tsi natehiakonikonká꞉rion, tsi kanakerasehrakérons tehiowisónhkwa; ne Rawenni꞉io ne waʼrón꞉niate nahonwaʼwenhnáronhke, ne tsi ionwenhtsáte wakawistanáwenhne.

Psalms 46:6 ပူးပေါင်းရင်းမြစ်များ

2 Kings 19:34

Kwáh enkaterí꞉ioʼse kí꞉ken kanatowanénke tánon entké꞉ne, né꞉ne ahoriwáke ne iaʼtetiáti akerenhsaronhtiéra tánon né tsoríhwa tsi niʼihiararatsʼténhni nakenhátsera Táwit.’”

2 Chronicles 20:1

Onahkènhke ne ronhterí꞉ios ne Moab aotsiókwahs ó꞉ni ne Ammon, skát꞉ke ne thoʼnatenhróhons, né꞉ne Meunró꞉nons, iahonwanahtiatónhti ne Judahró꞉nons.

Psalms 125:1

Tsi niʼiákon ne tonhwetákwen ne Roiá꞉ner kwáh né꞉ne tsi ionónhte ne Zion, iáh thahónton nahioriáneronhke, ók tsi nénhwe enkátake.

Psalms 18:13

Né Roiá꞉ner kwáh ó꞉ni waʼhawéraste ne tsi karonhiáte, tánon ne raowénhna ne Kwáh Éhʼneken Tótthe waʼhonwahwenhnáronke

Psalms 68:33

rahónha né꞉ne roʼthonwiserétha ne tsi iotsikerarónhnions, né꞉ne otsikerakáion. Tsi sewaʼtahónsatat tsi nihówenhte tehohenrétha.

Psalms 68:8

waʼtsiahontsíshonkwe, ne tsi karonhiáte tahiokénhnoʼre tsioríhwa tsi nontahawenonhátiene ne Rawenni꞉io ne Sinai nón꞉we, ne tsi nontahawenonhátieʼne ne Rawenni꞉io NIsraeronónke nón꞉we.

Psalms 97:5

Né tsi ionhnontarónhnions waʼkawistanáwenhne tsi ní꞉ioht notsikhéta aiewistanawénhte, raohénton ne Roiá꞉ner káien né tsi rahónha ohontsakwékon tesakoniarótaron nonhkweshónhas ne tsi ionhwenhtsáte.

Isaiah 31:5

Tsi ní꞉ioht notsitenhokónhas kontʼtíties; éʼneken tsi iakoʼtenontsistatónhnion, káti ne Sakoiá꞉ner ne ratironiakeró꞉nons kwáh enhthá꞉ne ne Jerusalem; kwáh enhthá꞉ne tánon enshaʼniákenthe, kwáh enhanónsthaʼte tánon enshaʼniákente.

Isaiah 33:20

Iasatkátho ne Zion, né꞉ne kanatowanénhke ne ionkwará꞉kwen nón꞉we nahitewaʼkhwaheráke! Né skaʼràke kwáh kí enwatkátho ne Jerusalem, né꞉ne sakʼthíken tsi ienákere, né꞉ne iáh tehiontohserotákwas, nahoʼwasʼtesónhas kwáh iáh nonwénhton tahiótsionke, tánon kwáh iáh nahoseriʼiesónhas thaʼtahontsáke.

Jeremiah 25:30

“Ní꞉se, Jeremiah, ónenhk tsi ensatró꞉ri kwáh tsi niatehioriwáhke tsi niwahken. Onenhk tsi kwáh ensehró꞉ri ki onhkwehshón꞉ʼa, ‘Ne Roiá꞉ner kwáh enthatonráien karonhiáke tánon enkawérer è꞉nekens tsi karonhiá꞉ke. Rahónha kwáh ensakotonrá꞉ien ne rahonkweʼtashón꞉as; kwáh tenhohénrete tsi ní꞉iot ne rónhkwe rasrahthátses nonenhará꞉kes. Kwáh onkweʼtakwé꞉kon tsi ionwentsá꞉te enhonwathónhteʼne,

Ezekiel 48:35

Ne tkakwékton tsi nihiónsons nashontasónhas ne kaiéri níkon ne skatísons ne kanatowánen 30,000 niwashì꞉take. Nahosénhna ne kanatowánen ne kénhen ienwatásahwen “Ne Roiá꞉ner Kénʼen Ires!”

Joel 2:11

Ne Roiá꞉ner kwáh enhatá꞉ti raotihén꞉ton ne raonkweʼtashón꞉as ronterí꞉ios; ne raonkweʼtashón꞉as ronterí꞉ios iáh tewashé꞉ton tsi nionatiokowanen, nón꞉ka enhatewénhnaraʼkwe ne raorihwatatʼtsera enhashátsteke ki! Asè꞉ken ne rawenhní꞉sera ne Roiá꞉ner tsi enwenhniserowá꞉nen tánon thenhiotenonhianì꞉tonke! Ónhka iaiekwé꞉ni nahiontakátsthate?

Amos 1:2

Tánon ne Amos wahén꞉ron: Ne Roiá꞉ner thawennotátieʼs tsi tionón꞉te ne Zion, tánon thotewennóntieʼs Jerusalem nitewéhtha; tánon ne tsi shakotiʼterontáhkhwah ne teiotinaʼkarontón꞉ʼahs natèn꞉rakon iáh oh thé꞉nen tetsókhware, tánon nonontakèn꞉iate ne Carmel akwé꞉kon nenhné꞉eh ionatekhwí꞉son.

Amos 9:13

Ne kawistáhets orihwiiohón꞉we tsi táwe, rá꞉ton ne Roiá꞉ner, nó꞉nen tsi niká꞉ien renhtarakaráttos thenhoiataskénhni tsi niká꞉ien ne raienkwáhkwas, tánon ne ronhsitáke tsi tehonhiaríhtha nonenhára ne tsi niká꞉ien raiénthos ne kánenh; ne tsi ionhnontáhere entkastárenhne ne tehionekatsikhétare onenharákeri, tánon akwé꞉kon ne tsi ionhniarónhnions ne enkarionhatátse.

Amos 9:5

Ne Roiá꞉ner, Rawenni꞉io rotokénti í꞉ken, raónha niehaié꞉nas ne tsi iohontsá꞉te tánon kawistaná꞉wens, tánon onhkweʼtakwé꞉kon ne nón꞉we niienákere ahontiónhnion, tánon akwé꞉kon ne kaniatarakésons wahenhnóten tsi ní꞉ioht ne nile, tánon eʼtake niónsawe, kwáh kí tsi ní꞉ioht ne nile kaniataratátie ne Egypt nón꞉we;

Micah 1:4

Ethò꞉ne ne tsi ionhnontarónnions kwáh enkawistaná꞉wen tsi nón꞉we ní꞉res tánon nahonráhkwakons kwáh tenwateraneká꞉re tsi enwatenhotón꞉ko, kwáh tsi ní꞉ioht ne ohtsinaʼkontahkwaʼne otsikhé꞉ta kwáh enkawistaná꞉wen ákta ká꞉ien tsi iotékha, kí꞉ken otsikhé꞉ta enkanahó꞉ten kwáh tsi ní꞉ioht nohné꞉kanos tsi nón꞉we nihiotenontsá꞉kon.

Nahum 1:5

Watsionontishonkwánion ne raohénton, tánon ne tsi ionhniarónhnions wakawistanawénhseron; watsiahontsíshonkwe ne raohén꞉ton, ne tsi ionwenhtsá꞉te ó꞉ni ratikwé꞉kon ne thóh nón꞉we niiená꞉kere.

Deuteronomy 7:21

Káti tó꞉sa ietshiʼtshà꞉nik kí꞉ken onhkweshón꞉a. Ne Roiá꞉ner sewaNí꞉io sewakwé꞉kon ki; rashatstenserowá꞉nen Ní꞉io tánon iatehahiá꞉ti ahó꞉wenk nahonwatiaʼní꞉sheke.

Joshua 2:11

Hionkwáteronskwe tsi nihiostó꞉re sahakwarihwà꞉ronhke; hiakwakwé꞉kon wahakwaʼnikonhrókten tsi í꞉se sewaríhwa. Ne Roiá꞉ner Sewaní꞉io ne karonhià꞉ke ténhteron ó꞉ni ne kén꞉en ohontsà꞉ke.

Joshua 2:24

tánon ethò꞉ne waní꞉ron, “Orihwí꞉io onhkenónhni ne Roiá꞉ner tsi teshonkwá꞉wi kí꞉ken kanakerahserakwé꞉kon. Ratikwé꞉kon ne nón꞉we nonhkweshón꞉as kwáh hionkhitsà꞉nis.”

Joshua 2:9

tánon wahakawénhase, “Wakaterièn꞉tare né꞉tho Roiá꞉ner tsi thetsisewá꞉wi ki kén꞉en ionhontsá꞉ien. Kwáh onhkweʼtakwé꞉kon ne kén꞉en kanakerahserá꞉kon tsi ietsiʼtshiánis.

Revelation 20:11

Eʼthó꞉ne wakatkáto kowá꞉nen wanitskwaratserará꞉ken tánon tsi niká꞉ien ne thóh renskó꞉te; nohón꞉tsa tánon ne tsi karonhiá꞉te tsiatkontí꞉ten ne raohén꞉ton, tánon iáh ká꞉neka tahonsaiontʼká꞉tho.