Psalms 46:5 - Ohiatonhseratokénti

⁵ Né Rawenni꞉io kwáh satekanatíhen nón꞉we nihénteron; tánon kwáh iáh nonwéton tsakonwáʼtonte; Rawenni꞉io kwáh enhahiatakèna nó꞉nen entewénhtenhne noronhkéne.

Psalms 46:5 ပူးပေါင်းရင်းမြစ်များ

Psalms 112:6

Asèken ne tionkwetaiéri iáh né nonwénhton tahiakorihwaʼnorónsthen; kwáh nenhné꞉e enhonwenehiárake tsi nénhwe enkénhake.

Psalms 125:1

Tsi niʼiákon ne tonhwetákwen ne Roiá꞉ner kwáh né꞉ne tsi ionónhte ne Zion, iáh thahónton nahioriáneronhke, ók tsi nénhwe enkátake.

Psalms 143:8

Takeríhon nahonkatʼtónhtene ne iorihwatóken sanoronhkwáhtshera noronhkéne, asèken í꞉seke nón꞉we nihtewaketákwen. Takerihónhnien tsi nihiohahóten akatʼthahíta, asèken í꞉seke nón꞉we nikaterénhnaiens.

Psalms 30:5

Asèken ne raonahkwáhtshera kén khók nikaríwes; tánon ne tsi nithorihwaiéri né꞉ne tsi nihiakónhnes enkénhake. Tó꞉ka tahitewaséntʼtho nék né nenhtewasonhtíhiake, ók natsenhnonniátshera oronhkéhne nènhne entkaháwite.

Psalms 37:40

Shakoiénawashe ó꞉ni shakoniakéntha; shakotiaʼtatiskwáhtha tsi nòkwah ne rotiriwahneraʼákskon, tsoríhwa tsi raonháke nieiéntha nahiontekwáhsen.

Psalms 62:2

Rahonhatsíwa thá꞉kenes tánon rakenónstats; rahónha ne tákenes, tánon iáh nonwénhton tsiahionkesénhni.

Psalms 62:6

Rahonhatsíwa thákenes tánon rakenónstats, rahónha ne tákenes; iáh kíʼ nonwénhton tsiahionkesénhni.

Psalms 68:18

Onotoharakénhiaʼte niahá꞉re, ronatsokowánen sakohiatenháwi ne ratinótonkwe; waʼhaienásehron nathatawítseras tsi nahonwahwí꞉hon ne ronhnerhiasanírons, né nahónton nètho Roiá꞉ner Rawenni꞉io thóh nón꞉we nahenterónhtake.

Exodus 14:24

Kwáh onenhtó꞉wa sahiórenhne ne Roiá꞉ner tsi iotsiro꞉te ó꞉ni tsi iotsikero꞉te ehtàke wásakoken ne Egyptró꞉nons ronhterí꞉ios tánon watesakahonhʼnhaʼríkhon.

Exodus 14:27

Káti ne Mahís iathaʼnénhtiesʼte é꞉neken ne kaniataraʼkheʼkó꞉wa, tánon ne shiʼhioronhʼkeʼné꞉ha nʼonèkanos kwáh thóh nonsaiáwenhne tsi kíʼ niʼtsiotónhne. Ne Egyptró꞉nons wahonteʼniénten nahontèko ne awènhke, ók kí ne Roiá꞉ner kaniatarahʼkheʼkó꞉wa iasakohiaʼtónti.

Isaiah 12:6

Teshahénret iorakareníhak tánon tesehríh꞉wak natonhnarátshera Ó nètho sewanákere Zion, asèken tehotenonhianíton ne sewanenhríhen rénhteron ne Rohiatatokénti Saiáta khók í꞉ken ne Israerʼronónke.

Ezekiel 43:7

“Rónhkwe iaiénha, kenhʼnónhwe nikáien nahkhanitskwáhra. Kén nónhwe nenhkiterónhthake skátke nonhkweshón꞉ʼas ne Israerʼró꞉nonhke tánon tsi nénhwe tsi entkhehiatkórasthe. Iáh ó꞉ni nisraeró꞉nonhs iáh ó꞉ni ne raotinonhthihiótsheras kwáh shé꞉kon tahonsahiontsenhnáksathe naksenhnatokénti né꞉ne akonwahsenhnaien ne kahiatonhnisónhas tó꞉ka ó꞉ni nahatihiathá꞉ta ne raothihieronhtashón꞉ʼas ne ronhnenhehiónsehrons ne raothinonhtí꞉ios.

Ezekiel 43:9

Nónwa ónenhk ónenh tsi enhónkatʼwe tsi rahthisénhnaiens ne ó꞉ia niʼiohokónhas tánon tsi éhren rahthihawítha rahonthihieronhtashónhas ne raotinonhthihiótsheras. Tó꞉ka thóh nenhatí꞉iere, kwáh tsi nénhwe tsi skátke enhiakwenhterónhthake.”

Ezekiel 47:1

Ne rónhkwe thóh nionsahakashá꞉rine tsi iehionthawehiatákwa Nononsatokentiʼkówane. Nonèka thóh tionékothe náhkon ne tsi iehionthawehiathákwa tánon tsitʼkarahkwínekens nokwáhti niahawenonhátie, tsi niehiotseráhton Nononsatokentiʼkówa. Thóh tionekénʼen nàkon ne entiéne nokwáhti í꞉ken Nononsatokentiʼkówahne ehʼiotohétston ne entiéne nokwáhti ne ietsienharáhkwa.

Hosea 11:9

Iáh ne thakateriwathéntsate ne ioʼtéron akehnhakwáhtshera; Iáh shé꞉kon tahonshakerihwathón꞉the ne Ephraim; asè꞉ken í꞉i ne Ní꞉io í꞉ken tánon iáh ónhkwe tè꞉ken ní꞉i, ne Rohiatatokénhti sewanenhrí꞉hen rénhteron, tánon iáh thahontá꞉ke nahonkenakwenhénhake.

Joel 2:27

Ní꞉se kwáh ensaterienʼtá꞉rane né꞉tho tsi kwáh satekanenhrí꞉hen nón꞉we níkes Nisraeró꞉nonke, tánon ne tsi Í꞉ih ne Watiá꞉ner í꞉ken, né꞉ne Saní꞉io í꞉ken tánon iáh ónhka nakó꞉ren akénhake. Tánon nakonkweʼtashón꞉as kwáh iáh shé꞉kon nonhwén꞉ton tahonsahonwanatehá꞉te.

Zephaniah 3:15

Ne Roiá꞉ner éhren rohawí꞉ton ne karewathátshera ne shonhà꞉ke; sehsakoktháton ne iesásons; ne Ronhnontí꞉io Nisraeró꞉nonke, né꞉ne Roiá꞉ner, sewanenhrí꞉hen í꞉res tánon iáh shé꞉kon tahonsehsewatkátho ne karihwahetkénhsera.

Zechariah 2:5

Ne Roiá꞉ner rorahrátston raónha ne tekensténrote nótsire neh tekanhathanákton nahonthashá꞉kohne tánon thóh nón꞉we nenhenterónthake skatʼke ne rahohiathanerahkwátshera.”

Zechariah 8:3

Jerusalem niénske, nakenahthatokentí꞉ke, tánon thóh nón꞉we ienskeʼnhakérehke. Ne enkaientheresthákwen né꞉tho kanahtowá꞉nen ne ienáhkere tsi rohthiriwahtó꞉ken tsi nokwáh ní꞉i, tánon ne ionhniáhere né꞉ne Roiá꞉ner Roshatstenhserowá꞉nen raówenk enkonwahnahtónhkwake iononhthatokénhti.

Matthew 18:20

Aseken tsinonȣe nihonatkonnison teniiase ok neʼsʼ nasen nihati, eh se kiatare.

Luke 18:8

Ȣakȣarori, iah tehoniskohe tsi tentesakonnhe. Kenh oni kaien, nonen tentre nʼOnkȣe Roienha iseȣere ken enhatsenri ne teȣetakon tsi ionȣentsiate?

Deuteronomy 23:14

Shakwenienstónhak ne tsi satená꞉taien, tiorì꞉wa ne Roiá꞉ner saNí꞉io tsi senikwé꞉kon ne tsi satená꞉taien ne nahonthahiane tánon ahontáhion naʼteseniéntshera tsi nokwáh ne tetsatà꞉tsons. Tó꞉sa othé꞉nen ne shateriwaténtiat ne iáh tehiotkwé꞉niens né꞉ne akarihón꞉ni ne Roiá꞉ner ahiatswaʼténien.

Revelation 2:1

“Raonhà꞉ke ne raronhiakeró꞉non ne tsi ionterennaientáhkwa thóh nón꞉we Ephesus shiá꞉ton: Ne kí꞉ken ne raowenhnaó꞉kons ne raónha rahá꞉we ne tsá꞉ta nikatsistóhkwakes thóh saweiententáhkwen, raónha thóh nón꞉we natehatekhahákwa tsi natekóntere ne owistanó꞉rons wathasherotákwas: