Psalms 46:10 - Ohiatonhseratokénti

¹⁰ “Thatesatótat, tánon sateriéntarak tsi Í꞉i ne Ní꞉io í꞉ken! Ksenhnowánen tsi nòkwa nonkweshón꞉ha, ionksenhnakaratháton ne tsi ionhwenhtsáte.”

Psalms 46:10 ပူးပေါင်းရင်းမြစ်များ

1 Kings 18:36

Tánon tsi niakahé꞉we tsi nihioterihwíson, ne Elijah né rothó꞉kenhse íken ákta niaháre ne ietseharákwahke tánon wahaterénhnaien, “O Saiá꞉ner, tsheNí꞉io ne Abraham, Isaac, tánon ne Jacob, ónen kíʼ serihwanírat tsi í꞉se Shé꞉wenhnní꞉io Nisraerʼró꞉nonke tánon í꞉i ne sanhátsera íken tánon akwékon kí꞉ken thóh nátiere tsi nisarihwatháton.

2 Kings 19:12

Né khesokʼthonkonkénen rotirihwathónton ne tsi kanatowánens ne Gozan, Haran, tánon ne Rezeph, ó꞉ni sakononwarhiakónhnions nonkweʼshón꞉as ne Betheden né꞉ne Telassar nón꞉we nihatinákerekwe, tánon iáh ón꞉ka tsi níkon rotiniʼioseráiens tehotikwénion nahonwatinonsthátonhke.

2 Kings 6:23

Ká꞉ti ne ronontí꞉io ne Israerʼró꞉nonke tahát꞉kaʼwe ne kowánen tsi waonwatiʼkwahérase; tánon ne sahatikwéntaʼne tánon sahatinekiʼráshion, ionsashakoténieʼte tsi thénteron ne ronnontí꞉io ne Syrianʼhne. Thó tontáʼsawen ne Syriaró꞉nons waʼhóntkaʼwe tsi ratinenrénthaʼkwe ne tsi ionhontsá꞉ien ne Israerʼró꞉nonke.

1 Chronicles 29:11

Í꞉se ne sesátsʼte ó꞉ni shaʼsatsʼtenhserowánen í꞉ken, sahiatanerákwat, iorá꞉se, tánon sanontí꞉io í꞉ken. Orihwaʼkwé꞉kon ne karonhiáke ó꞉ni nonwenhtsáke tsi í꞉se sáwenk, tánon í꞉se ne sanontí꞉io í꞉ken, né kwáh tishaʼsastenserowánen orihwaʼkwé꞉kon í꞉se tisaniaró꞉taron.

Psalms 100:3

Sehrihwanírat nètho Roiá꞉ner rahónha ne Rawenni꞉io í꞉ken. Kwáh rahónha sonkwahiatíshon, tánon rahónha shonkwaienhokónha; tánon né꞉ne tiónkwe ne teshonkwariwásnieʼse.

Psalms 21:13

Sattsenhnakarathatónhak, Ó Saiá꞉ner, thóh sashaststenserákon! Kwáh kíʼ thenhiakwaríhwaʼkwe tánon tenhʼiakwatenonweráton ne sashaststénhsera.

Psalms 37:15

ók nék khók né rahonáshares né enhotiríhʼiothe, tánon ne rahonahénnas tenwahtsiáʼkonh.

Psalms 57:5

Iesasenhnakarátat Ó Sewenní꞉io, éhʼneken ne tsi karonhiáte, tánon sehríhon ne sahiatanerakwáhtshera tewaʼréni ohontsakwé꞉kon.

Psalms 83:18

Tánon sehtokáhten tsi kwáh séh shonháhak khók í꞉ken, né sasénhna né꞉ne Roiá꞉ner í꞉ken, né꞉ne kwáh ohontsakwékon tisaʼshaststenhserowánen.

Exodus 18:11

Ónenh kíʼ onhkateriéntarahʼne nètho Roiá꞉ner tsi sénha roshaststenseroʼwá꞉nen tsi ní꞉ioht nakwékon ne ratiní꞉ios, tsoríwa tsi thóh kí ken nahá꞉iere nónenh ne Egyptró꞉nons wahonwanaʼtewenienʼnakʼsá꞉ten ne lsarerʼró꞉nons tsi nióre tsi ronahʼtenontsisʼtaniráhton.”

Isaiah 2:11

Tsi tehakánere ne ratatkowánen rónkwe kwáh kíʼ ehtsioserónhnenhte, tánon ne hionthatónhni onhkwetakwékon kwáh kíʼ entsionhnítenhte; tánon rahonhatsíwa ne Roiá꞉ner enhatʼtsenhnakaráthate nètho entewenhniseráte.

Isaiah 2:17

Ne iontatkowanátha onhkweʼó꞉kons kwáh kí ehʼtàke enshonwenhnónhni, tánon tsi nihiontatónhni onhkwetakwékon kwáh kí ehʼtàke entiónhton; tánon iatehahiáti ne Roiá꞉ner kwáh éhʼneken enhonhiónhni nètho enwenhniseráteke.

Isaiah 2:4

Kwáh tensakohiatórehte tsi natehónteres nonhkweʼó꞉kons, tánon ensakoteriwaʼshónterase ne iakotsokowáhnen ónkwe; ne rahonasarekówa ne sahonónhniate ne ietarakarahthóstha otsiiewéiontha, tánon ne raotishiʼkwáhras iontkwiraseronhniátah ne ohnió꞉kwas sahonnónhniaʼte; nonkweʼó꞉kons iáh shé꞉kon nonhwénhton tahonshahionterí꞉io, iáh ó꞉ni nonhwénton tahonshahatiweienʼtétonke nahonterihiosehrónhni.

Isaiah 5:16

Ók kiʼ né Sakoiá꞉ner ne ronterí꞉ios ratironhiakeró꞉nons ne ne rotsenhnakaratatónkwen ne raoianerétshera, tánon ne Roiataʼtokénti Ní꞉io rotatenéston tsi rotokénti thóh nónhwe ne karihwaʼkwahrihshionhtsherákon.

Jeremiah 49:35

Kén kíʼ nahó꞉ten ne Roiá꞉ner ráton tsi nòkwah ne Elam: Kwáh enkhehiáthonte ne ahénna róntstha tsi ronhterí꞉ios ne Elam nónhwe—ó꞉ni ne kwáh thaʼthisenhní꞉ios.

Ezekiel 30:8

Nónenh entʼtsiró꞉ten ne Egypt tánon ratikwékon ne tkonwáhnes ronhwathinonhwahrhiáʼkon, ethòne enhonahteriéntahrahne tsi Í꞉i ne Watiá꞉ner.

Ezekiel 38:23

Thóh ki ní꞉ioht tsi enhkheʼienésten nonhkweshón꞉ʼas tsi keshástsʼte tánon watiatatokénti. Ethòne enhonahteriéntarahne tsi Í꞉i ne Watiá꞉ner.”

Ezekiel 39:3

Ethòne entʼthíkwahthe ne rahohénhna ne sanhekwáhti nahanenhtsáti tánon ne rahoiénkwires ne saweientethákwen nahanenhtsáti.

Micah 4:3

Kwáh rahónha tesakohiatórete tsi natehóntere ne iakotiohkowá꞉nen onkweshón꞉as. Ensakotewenhnaiéntonwe ne ratiʼshátstes nonkweshón꞉as nahí꞉nonh nió꞉re í꞉tken; né enhononhniate ne raonasareʼkó꞉wa ne ietarakarathós꞉tha aotsiweiónhtha, tánon ne raonahshí꞉kwahras iontkwirhiá꞉tha né꞉e enhononhniáte; nonkweshón꞉as iáh ó꞉nen thatahonsahónhnekwe ne raonasareʼkó꞉wa niasakonatsatónhti nonkweshón꞉as, iáh ó꞉ni ó꞉nenh thahonsahontéweienste naterihió꞉seras.

Habakkuk 2:20

Ók kíʼ ne Roiá꞉ner thóh rénhteron ne raononsatokentikówane; Áhnion kíʼ ohontsakwé꞉kon sak tihiontatón꞉ni ne raohénton!

Zechariah 2:13

Sak thikénhak, sewakwé꞉kon, ne rahohén꞉ton ne Roiá꞉ner, asè꞉ken thóh nón꞉we nonhthahawehnonhátie ne iotokénhti thonónhsote.

Joshua 11:6

Ne Roiá꞉ner wahawénhase ne Joshua, “Kwáh tó꞉sa sehtshà꞉nik. Thóh ki nenkaháwike nenhiórenhne kwáh ratikwé꞉kon enkhenonhwarià꞉konhke né꞉ne Israerʼró꞉nons rahotirihwà꞉ke. Ensehsinakaré꞉waʼte ne rahotitshenenhó꞉kons koshá꞉tens tánon satsáhat ne rahotíseres notsónhkwas.”

Joshua 11:9

Ne Joshua thóh nashakoié꞉raʼse tsi ki nihotró꞉ri ne Roiá꞉ner: washakokarewathánion ne raotitshenenhó꞉kons koshá꞉tens tánon wahontsáhathe ne rahotisereʼshón꞉as otsónhkwas.

1 Samuel 17:46

Kwáh nón꞉wa wenhniseráte ne Roiá꞉ner kwáh entʼiátʼkawe thóh katiá꞉nake, tánon ní꞉i kwáh enkonhiatiénenhte tánon enkonhnontsístsiaʼke; tánon kwáh ne entekhéhion notsitenhó꞉kons ne tsi ioweráhre kontítses ne ronenhé꞉ions raonenheiónhtas ne Philistiaró꞉nons ronterí꞉ios ne ne kwáh nón꞉wa wenhniseráte ó꞉ni ne kontírios kontitshénen ne tsi ionwenhtsá꞉te, ne ká꞉ti nohontsakwékon aiá꞉wens ahonateriéntahrane thóh nón꞉we Israeronónke tsi Rotiniʼioseraiénhse,

1 Samuel 2:4

Ne raoʼnahén꞉nas ne ratiʼshástsʼtes teiotsiá꞉kon, ók ne rothitsiʼióhas ne ne ronatsiaʼtanák꞉tons ne kashastsʼténsera.