Psalms 44:19 - Ohiatonhseratokénti

¹⁹ Eʼthohʼsáne thóh nón꞉we naskwakát꞉we tsi rón꞉nes ne kariotátʼsens kwáh iáh othènen tetiakwakwéneskwe ne thènen nahonsahiakwáiere; thóh nón꞉we iaskwatewénhthete tsi nón꞉we ne kwáh tetiókaras tehiahontsakonhátsie ne kenhé꞉ion.

Psalms 44:19 ပူးပေါင်းရင်းမြစ်များ

Job Tánon ne Raoronhiakensera 23:11

Rihshé꞉re tsi naʼtewakatekhahakwenhátie tsi nón꞉we natehashiʼtaierón꞉ni; wakatienawáston ne raoweién꞉nas tánon iáh thatesewakatkaraténion.

Job Tánon ne Raoronhiakensera 3:5

Áhnion ne tetiò꞉karas tánon ne kwáh tetioʼkaraskó꞉wa ne watsataʼkwení꞉iost. Áhnion ne otsì꞉keras thóh tekenterónhtan; Áhnion ne kwáh tetsahonhniserákaras ne hiothenhniseratéronk.

Job Tánon ne Raoronhiakensera 30:29

Í꞉i iatiatatekénha waká꞉ton ne kahentakéha érhar, tánon ontiaténhro ne skawirowaneʼkó꞉wa.

Psalms 23:4

Eʼthohʼsáne thóh nón꞉we níh꞉ke tsi nón꞉we ne kwáh tetiokaraskówa nahonrákwahkon ne kenhéion, iáh teketsá꞉nis ne kariwahét꞉ke; asèken ʼI꞉se tenikwé꞉kon; ne sáhnia tánon ne sathénhnits— né ionkenikonhranírats.

Psalms 38:8

Thóh nió꞉re tsi waʼkenonwákʼtani kwáh iáh othènen teskatthókas; waʼkonhséhna né tsi niwaʼkeronhiáken.

Psalms 51:8

Takeríhon nahonkattónhtene ne iotsiaró꞉kwen tsi nihiakotonhnáhere tánon iakotsenhnón꞉ni; satthóntat nostsienshónhas ne tesaríhton nahonshontonhnáren.

Isaiah 27:1

Ne eʼtho entewennhniserateke ne Roiá꞉ner skát꞉ne ne raoniakátstensera tánon ne teotenonhianiton washá꞉rowahne kwáh enhá꞉rewate ne katsinón꞉iowanen ne iotekwenhá꞉tse oniá꞉re, ne ne katsinón꞉iowahnen tewatsiá꞉thatatseons oniá꞉re, tánon kwáh enhanonwa꞉riákon ne ionnonhwarón꞉tietha ne kaniatarakekó꞉wane í꞉wes.

Isaiah 35:7

ne ionesharonhkwathé꞉kha né ienwáton ne tsi watnekarákwah, tánon ne ioniatátʼthens nohóntsa entkanekóthen nonèkanos; ne tsi rontsientákwahs ne okwáhos kwáh néʼe né ienhwáton kanawàkon, ne ohontesónhas né꞉ne ienwáton oiónwi tánon ne onó꞉tas.

Jeremiah 14:17

Ne Roiá꞉ner wahakéʼnhane nakʼkheró꞉ri nonkweshón꞉a nakenikonhrakséntshera tánon nahkíron: “Aiáwens ne karáhke tahontnahwénhte ne okásehri tsi niwenhnisehrésons ó꞉ni tsi niwahsontésons, tó꞉sa nonhwénton akátʼkahwe tsi tekaséntʼthos, asèken nakonkwetaʼshón꞉a kwáh í꞉ken tsi ronatkarewáhton tánon kwáh wahetkenstsí꞉en tsi nihotironhiáken.

Ezekiel 29:3

Enshí꞉ron kén kíʼ nahó꞉ten ne Ronhnontí꞉io Roiá꞉ner rohróris ne Ronhnontí꞉io ne Egypt: Í꞉ih ne tetiatátʼtsions, í꞉se nontsinonhwahkówa tewaʼnikahtónton, raiationhníties kaniataráhke. Sáhton nètho Nile í꞉se sáhwenk tánon sáhton í꞉se sáhshon.

Matthew 4:16

Tohiken asatakon iakonnhetiene, kasȣathetseroȣanen ȣaontkatho; nehoni nakȣa tiakononkȣisenne ne kenheiatne, ȣatiakosȣathene.

Revelation 12:9

Ne rakowá꞉nen rononwarontsétha tahonwaiathénte, né꞉tho oniarasthénha, raónha ne ronwanaʼtónhkwa ranikonratʼsen tánon notkonseráksen, ne sakonhowenhténhnis nohontsakwékon—ne raónha ohontsáke tonwahiatónhtion, tánon ne raoronhiakeró꞉nons tonwatiiatónhtion skátne ne raónha.

Revelation 13:2

Tánon ne kátsi noniowá꞉nen né꞉tho wahí꞉ken ne teshiatiéren ne rorakwarónhnion takós, ne rashì꞉takes kwáh né꞉ne okwá꞉ris, tánon ne tsi rasaká꞉ronhte kwáh né꞉ne kénreks tsi rasaká꞉ronhte. Tánon ne rononwahronhiétha ne kwáh raónha raoshatsténhsera ne tahá꞉wen né꞉tho katsinoniowá꞉nen tánon ne raonitskwá꞉ra tánon ne raokweniá꞉tshera.

Revelation 16:10

Ne wiská꞉ton raronhiakeró꞉non tahá꞉weron ne rahó꞉tse thóh rahonitskwará꞉ne ne kaʼtsinonhiowá꞉nen, tánon ne raotenhatakweniiotserakén꞉en iatewanonwetsaweronhtáne tsi tetioʼkaraskó꞉wa; nonkwehó꞉kon wahontatenhnasá꞉rike tsi nahatironhiá꞉ken,