Psalms 44:14 - Ohiatonhseratokénti

¹⁴ Kaierón꞉sehra wastiónhni tsi nòkwah nonkweshón꞉has, tehonahnonkarénhron tsi thiʼhiontkhiʼiéron nonkweshón꞉has.

Psalms 44:14 ပူးပေါင်းရင်းမြစ်များ

1 Kings 9:7

ethòne kíʼ é꞉ren ensekhehiathenháwiʼte nonhkweshón꞉as Israerʼró꞉nons ne tsi ionhontsáien né tekhehiáwi. Kwáh ó꞉ni enkatewénhtheʼte kí꞉ken Ononsatokentiʼkówa né wakenonsatokentíston né꞉ne tsi nónhwe nahiontsenhnaienthákwahke. Kwáh tsikʼnónhwe nonhkweshón꞉as tsi thenhonwatiʼierónhseke Nisraerʼró꞉nonke tánon tsi nenhkonhwaiéraʼse iáh taʼhonsakonhwakweniénsthaʼke.

2 Kings 19:21

ne Roiá꞉ner rá꞉wen, “Ne tsi kanatowanénke ne Jerusalem ieshasterístha, Sennacherib, tánon tiʼiesaiéron.

2 Chronicles 7:20

ethòne kíʼ éhren enskwahiatenháwiʼte tsi ionhontsáien ne twá꞉wi, tánon éhren enhkète né kénʼen Ononsatokentiʼkówaʼne né tsatatokentíston né꞉ne tsi nón꞉we nahiontsenhnaiénhseke. Nonhkweʼshón꞉as kwáh tsikʼnónwe tsi tenhkonhwaierónhake tánon enhié꞉son.

Nehemiah 2:17

Eʼthó꞉ne wakheién꞉hase, “Sewatkáto tsi natekanikonrarahtseráhien tsi nón꞉we nitewes! Jerusalem kwáh onatóskon í꞉ken tánon ne ahotenhenrashón꞉ahs iotéken. Káts tánon kwáh entsitewasontonhniánion ne Jerusalem tánon kwáh iáh shé꞉kon tahonsetewatehénseke.”

Job Tánon ne Raoronhiakensera 16:4

Í꞉ih ó꞉ni ahonton thóh ní꞉ioht tsi akatá꞉ti tsi kiʼ ní꞉se ní꞉ioht, tó꞉ka ní꞉se thóh naí꞉sanákthothenhake tsi ní꞉i ní꞉ioht ahonton né takewenhnáh꞉khanion nakonhiát꞉konthen, tánon takanonká꞉renhron né sahenton.

Job Tánon ne Raoronhiakensera 17:6

“Raónha rakonhnién꞉ni ne tahiontié꞉ron nonkwehshón꞉as, tánon í꞉i ne raotihén꞉ton í꞉kete nonkweshón꞉a nahionkanitskerosérahwe.

Psalms 109:25

Né waʼkátonte ne thaʼhiontiéron ne ionhkeriwáʼros; né nó꞉nen enhióntʼken, waʼthonhnonkarenhrónhs.

Psalms 123:3

Takwénhtenr, O Saiá꞉ner, takwénhtenr, asèken thóh nihionkhiʼiérase tsi shí꞉ken ní꞉ioht ne iáh ónhkwe tahiakwahiatothénhake.

Psalms 22:7

Ratikwé꞉kon nenhióntken thihiontséron; thenhionkaninekaráhwen, thenhonnonhkarénhron;

Psalms 79:4

Thiʼhiontkhiʼiéron ne teiakwanonsanekʼkhánion, ionkhisterístha tánon thiʼhiontkhiʼiéron.

Isaiah 37:22

Né kí꞉ken nowenhnasónhas nètho Roiá꞉ner thotatí꞉on tsi nihiotiéren ne rahonhá꞉ke: ‘Sariwakenrónh꞉ni, thisaiéron— né꞉ne kawí꞉non akoiénha ne Zion; tehiononkarénhron—ne saná꞉ken, né akoiénha ne Jerusalem.

Jeremiah 24:9

Thóh nióre tsi enkheiénhaʼse ne kariwaiesáhtshera kwáh onhkwetaʼkwékon ne tsi ionwenhtsiáte kwáh enhiakoterónsehke. Nonhkweshón꞉a tenhonwahthiʼierónhaʼke, ohnonhwahroʼríhta enhonwenhnónhniaʼte, enhonwahtisterísthake, tánon ne raoʼthisénnas ne enhiontewenhnaksahthakwaʼniónsehke ne kwáh tsík nonhwésons iaʼtenkhehiaréniaʼte.

Micah 6:16

Asè꞉ken ne sateweiénton ne raoianerénhseras ne Omri tánon akwé꞉kon tsi nikahiothenseróhthens ne raonónskon káien ne Ahab, iaskóntakwe ne waʼtsere tsi nihatiweienó꞉tens. Né kíʼ aorì꞉wa kwáh kíʼ karihwaieshá꞉tshera enkonionniáte, tánon ne skátne sewanákeres ne enhieshón꞉niate taiesahtienhónhase; káti í꞉se ensatkéthate ne kakenronhniá꞉tshera nakonkweʼtashón꞉as raotirihwà꞉ke.

Deuteronomy 28:37

Ne tsi kanakerahseraké꞉rons tsi nón꞉we ne Roiá꞉ner iatenhiaréniate, nonhkweshón꞉as entionhtonhnékhon tsi nisahiaʼthawénhen; tenhieshaiéron tánon enieshatsté꞉riste.