Psalms 43:4 - Ohiatonhseratokénti

⁴ Eʼthóhʼne kwáh thóh nón꞉we nienhénke tsi nón꞉we nonkweshónha nihonwaʼsenhnaienhthákwah ne Ní꞉io, asèken í꞉se takonhniénhnis nakatonhnáren; tánon né꞉ne karenhsotháron osnonsaiónstha né énkatsʼte tsi tenkonhnonweráton, Ó Ní꞉io akeʼNí꞉io.

Psalms 43:4 ပူးပေါင်းရင်းမြစ်များ

2 Samuel 6:5

Táwit tánon ratikwé꞉kon NʼIsraeró꞉nons teotinonniakwenhátsie ó꞉ni teotirihwakwenhátsie raohén꞉ton ne Roiá꞉ner kwáh tsi nihotishaststénhsera, ratiʼrenhnotáhtsie ó꞉ni rotinakwahehátsie ó꞉ni ronaterenhnotátsie ne onowakówah ó꞉ni ne kén nikanakwáhas ó꞉ni ne ionterakarehrasthákwah ó꞉ni ne teiotwasakweʼnón꞉ni.

Psalms 26:6

Saiá꞉ner sakatsióhare né nakéneste tsi iáh tewaʼkeníkon, tánon watkhakwahtaséhnion ne tsi kanióte ne sáwenk ietienhará꞉kwah, O Saiá꞉ner,

Psalms 33:2

Tetsisewaʼnonweráton ne Roiá꞉ner oʼnowaʼkó꞉wa í꞉sewast; tsi sewaʼterenhnót꞉tas oʼnowaʼkó꞉wa í꞉sewast né꞉ne oiéri nikarenhsohtáron.

Psalms 42:6

tánon akeNí꞉io í꞉ken. Kénʼen tsi nón꞉we niwatwahéston tewaʼkerhiasarihonhátie, ká꞉ti rahonháke ne Rawenni꞉io nòkwah ionhsakanontón꞉nionhwe. Tsietsiononteráhtses takatheniethénhnis ne kanikonhratsénhtsera ne tsi kónnhe; tsik tsieiawénhon tsi ní꞉ioht tsi tewaʼkonhnarikʼkons kwáh tsi ní꞉ioht ne iohwehnó꞉tons. Kwáh ehʼní꞉ioht tsi iohrá꞉kare tsi ní꞉ioht ne tsi tewasénhʼtha waʼhonawakárehre ne tsik kaniatarathátsie ne Jordan; tsi nitsawé꞉non ne tsi tionón꞉te ne Hermon tánon ne Mizar, waʼkeskó꞉tha.

Psalms 57:8

Satateweienénhtan, akwahtón꞉nhets! Tsatateweienénhtan, Ó karenhsotarókʼkons onowaʼkówa tánon ne iehonrawáts꞉tha! Nohénton nahontawénhtene enkatkétsko.

Psalms 57:9

Kwáh tenhkatenonweráton shonháke, Ó Saiá꞉ner, tsi ratinákere nonkweshón꞉has, tánon kwáh tenhkeríhwaʼkwe ne kanonweratón꞉tsheras tsi ratinákeres nonkweshón꞉has.

Psalms 63:2

Ká꞉ti thóh nón꞉we nakonhiatísake Nononsatokentiʼkówaʼne, nakatʼkátho ne sashaststénhsera tánon ne sahiatanerakwáhtshera.

Psalms 81:2

Tasewaʼrenhnakétsko, sehwaʼnakwáhet ne kenhnikanakwá꞉a, sewaʼterenhnó꞉ten ne karenní꞉io onowaʼkówa í꞉sewats né nó꞉ieri nikarenhsotáron.

Isaiah 61:10

Kwáh í꞉ken tsi kowá꞉nen enkatonnháren rahonháke ne Roiá꞉ner, kwáh akatonnhetsherakwékon iaʼtetsokétoʼte tsi enwatonnháren rahonháke nakeʼNí꞉io; asèken né ratseronhniáton naoʼtsherónh꞉niat ne kaienawaséhtshera, né rakerorókston né wakóses atiátawi ne aterihwakwahrihshón꞉tsheras í꞉ken, tsi ní꞉ioht né roniák꞉khe waharáseste wahatʼtatsitsaráh꞉raʼke, tánon tsi ní꞉ioht ne ioniát꞉khe wakará꞉seste né ionsthá꞉nion naowistanoroshónhas.

Zechariah 13:9

Tánon enhihiatheniénten ne ahsénhaton ne iatenhotáhtereh ó꞉ni kwáh enshekhehionhnahserón꞉ni tsi ní꞉ioht ne ó꞉tsire sahkaristahní꞉rahte ne karistará꞉ken. Kwáh enkhehiateniénten tsi ní꞉ioht tsi wahteniéntha ne ó꞉tsire ne owistahnó꞉ron. Ethò꞉ne hakónhake nón꞉we nenhonterén꞉naien, tánon tenkheriwahserá꞉kwahse. Entkhehró꞉ri tsi Í꞉i akonkweʼthashón꞉ʼa, ó꞉ni kwáh enhatiriwahní꞉rahte tsi Í꞉i raothiní꞉io.”

Romans 5:11

Nók iáh kíʼ thók tèkon; ionkwatonʼnáhere neh tsi nihoiéren ne Rawenni꞉io rahonháke ne Sonkwaiáner Ié꞉sos Kerístos, rahónha ónen wasontiónʼnien ne Rawenni꞉io aionkwaténroke.

Revelation 5:8

Ne nó꞉nen shiháhawe ne kahorohthakwenón꞉ni, ne kaié꞉ri nihá꞉ti ne ronón꞉nhe kárhios tánon ne tewáhsen nihá꞉ti ratirehtsá꞉rons wahatiiataién꞉taʼne raohénton ne teiotinaʼkaronhtón꞉ʼa, satiiatátions ratí꞉hawe ne onhowakó꞉wa tánon nowistanó꞉rons aké꞉ra titkáhereh wenhnekerá꞉kon, né꞉ne raonaterén꞉naient ne rotiiatatokéntis.