Psalms 42:9 - Ohiatonhseratokénti

⁹ Rahonháke ne Rawenni꞉io, né tkákenes, enkí꞉ron, “Onhnontiéren tsi tatiatanikonhrénhʼen? Nonhtiéren tsi tiókonhte ahonkeronhiákenʼke né tsi nihionkateniakatsthénhni ne iónkswens?”

Psalms 42:9 ပူးပေါင်းရင်းမြစ်များ

Psalms 13:1

Thóh nikaríwes, O Saiá꞉ner? Tsi enstsiatanikónhren tsi kén nénhwe enkénhake? Thóh nikaríwes tsi enskatkonsáhsehte?

Psalms 18:2

Roiá꞉ner se nakisténhra í꞉ken, nakatenhénhra, tánon ne sahtiathákwen, akeNí꞉io, nakisténhra ne rahonháke nón꞉we nikatasehthákwah, ne nakatʼroʼosthákwah, né꞉ne kashaststénhsera sewatiathákwen, ne nakáwenk iotenhenraníron.

Psalms 28:1

Í꞉se O Saiá꞉ner, iakonhnáton; í꞉se ne téskenes tsi nòkwah ne hiónkswenhs, asèken tó꞉ka sakʼthisahthatónhni nakonháke, kwáh kíʼ enkíheʼie.

Psalms 38:6

Naʼkeronhiakénsehra thóh nió꞉re tsi ionón꞉watʼte iáh tesetkwénies nahonsakatʼtakwaríhsi tánon katonhriót꞉ta; kontatséshon tekaséntʼthos tsi shí꞉ken ní꞉ioht nón꞉kak iakotsiónhnion.

Psalms 43:2

Asèken í꞉se ne Sewenní꞉io shonháke nón꞉we niwaʼkataséhton; nontiéren tsi takatewenhtéton? Nontiéren tsi tiókonte ahonkeronhiákenke né tsi nihionkateniakatsténhni ne iónkswenhs?

Psalms 55:3

né tsi nihonattsarokwáhton ne iónkʼshons, tsioríhwa tsi nihionkeronhiakéntha ne ionkwetahét꞉kens. Asèken ne thatíhas ne thènen tahonkenikonhrá꞉ren, né waʼhatirihwaʼkwénienste ne kaswénhtsera nahionkatkónten.

Psalms 62:2

Rahonhatsíwa thá꞉kenes tánon rakenónstats; rahónha ne tákenes, tánon iáh nonwénhton tsiahionkesénhni.

Psalms 77:9

Né Rawenni꞉io ronikonhrénhen kén tsi rotaniténhron? Né raonakwáhtshera ne kén tetsonatʼthakwénhni ne raoʼtanitenráhtshera?” Selah

Psalms 78:35

Sahonhnehiáraʼne nètho Rawenni꞉io tsi rahónha séh tesakónes, nètho Roshaststenhserowánen Rawenni꞉io thawénon nahonsakohiatáko.

Psalms 88:9

waʼkatʼkarónhnion tsi niwaʼkenikonrák꞉sens. Kwáh niatewenhniseráke tsi iekonhnáton, Ó Saiá꞉ner; iewaʼkanentʼtiakétskwen shonháke.

Psalms 92:3

nahionterenhnó꞉ten ne nikanó꞉waʼha tánon ne oiéri nikarenhsotáron nonhowaʼkówa, tánon nahionterenhnóten noʼnhawakówa.

Ecclesiastes 4:1

Ethòne shé꞉kon sakatkátho oriwahkwékon ne iáh tehioteriwakwaríshions tsi nihiawénsehrons ne kénʼen ionhwenhtsáte. Ne ronhwatironhiakéntha tehonséntʼthos, tánon iáh ónhka tahonwatihiathakéna. Iáh ónhka tahonwatinikonhrahiewénhtʼthoʼte, tsioríhwa ne ronwanathonnhotʼthakwénhnis ne kashastsʼténsera ronónha nokwáhti kaienthá꞉kwen.

Isaiah 40:27

Nontiéren tsi sá꞉ton, Ó Jacob, tánon tsi sathá꞉tis, Ó Israel, “Né tsi wakʼkhatátie iothaʼhahaséhton rahonhàke né Roiá꞉ner, tánon nakerihwakwahrihshióntshera kwáh iáh othènon karíhwa tehahonhniáton nakeʼNí꞉io”?

Isaiah 49:15

Ahkakwé꞉ni kén ne iónkwe ahiakohiaʼtanikónren ne iakostarónt꞉tha ieksá꞉a, khés ne iáh tawénesʼte nahontahiotenonwát꞉then nahiakoténhre ne ieksá꞉a né kwáh ahónha tsi watewiraʼrá꞉kwah nitsakawénon? Iekaníhare kí꞉ken ahónton nahiotinikónren, kwáh kí ní꞉i iáh takonhiatanikónren.