Psalms 42:6 - Ohiatonhseratokénti

^6-7 tánon akeNí꞉io í꞉ken. Kénʼen tsi nón꞉we niwatwahéston tewaʼkerhiasarihonhátie, ká꞉ti rahonháke ne Rawenni꞉io nòkwah ionhsakanontón꞉nionhwe. Tsietsiononteráhtses takatheniethénhnis ne kanikonhratsénhtsera ne tsi kónnhe; tsik tsieiawénhon tsi ní꞉ioht tsi tewaʼkonhnarikʼkons kwáh tsi ní꞉ioht ne iohwehnó꞉tons. Kwáh ehʼní꞉ioht tsi iohrá꞉kare tsi ní꞉ioht ne tsi tewasénhʼtha waʼhonawakárehre ne tsik kaniatarathátsie ne Jordan; tsi nitsawé꞉non ne tsi tionón꞉te ne Hermon tánon ne Mizar, waʼkeskó꞉tha.

Psalms 42:6 ပူးပေါင်းရင်းမြစ်များ

2 Samuel 17:22

Káti ne Táwit ó꞉ni ratikwé꞉kon nonkweókons ne ratikwekonhá꞉tiene iahón꞉ne tánon wathatiʼiá꞉iake ne tsi kaniatarathátsie ne Jordan; tsi niʼió꞉re iatsiostʼwá꞉thene noronkéne iáh ne tionkwé꞉ta teshotaténhronhkwe ne iáh thatahohiahiáʼkon ne Jordan.

2 Samuel 17:27

Nó꞉nen ne Táwit shiahárawe ne Mahanaim, Shobi ne roní꞉ha ne ne Nahash thóh neh nón꞉we nihanákerekwe ne kanatowanénhke Rabbah ne ne Ammonró꞉nons raononhontsáke, tánon ne Machir ne ne roní꞉ha ne Ammiel thóh neh nón꞉we nihanákerehkwe ne Lo-debar, tánon ne Barzillai ne ne Gileadró꞉non Rogelim ne nón꞉we nihanákerehkwe,

Psalms 133:3

Kwáh né꞉ne tsi hioáweien tsi ionónte ne Hermon, thóh iehiosénhen tsi ionhniáhere ne Zion. Asèken thóh nón꞉we ne Roiá꞉ner nihorihwaniráton ne raoiatateríhtsera, ne natónnets ne ionhnehónwe.

Psalms 22:1

AkeNí꞉io, akeNí꞉io, ohniʼiotiéren tsi takatewentéton? Ohniʼiotiéren tsi aʼíhnón nió꞉re tèses nastiatakéhnha, né nowennasónhas tsi niwahkonshé꞉natha?

Psalms 43:4

Eʼthóhʼne kwáh thóh nón꞉we nienhénke tsi nón꞉we nonkweshónha nihonwaʼsenhnaienhthákwah ne Ní꞉io, asèken í꞉se takonhniénhnis nakatonhnáren; tánon né꞉ne karenhsotháron osnonsaiónstha né énkatsʼte tsi tenkonhnonweráton, Ó Ní꞉io akeʼNí꞉io.

Psalms 43:5

Tsi nió꞉re tsi waʼkenikonhrák꞉sens, Ó akwahtón꞉nhets, tsi nió꞉re tsi tewaʼkenikonhrénhʼen? Kwáh Rawenniʼióke nón꞉we nénhtsen nakwarahrát꞉tsera, asèken shé꞉kon kíʼ thenshiʼnonhweráton, rahónha sahkeskonthákwen tánon akeʼNí꞉io í꞉ken.

Psalms 61:2

Ahí꞉non nón꞉we níkes ne tsi nikanakerasehráien tsi iakonhnáton, iáh tatkwéni nahonsakatakáts꞉thate. Iatakasárih tsi nón꞉we ostenhrohhárakeh né꞉ne sénha tsonitsténhrate tsi ní꞉ioht ní꞉i;

Jonah 2:7

Nó꞉nen orihwakwé꞉kon shakaʼnikonhrókten, shé꞉kon énskaʼ ionsónteratste Roiá꞉ner ionsahiianonhtónnionhwe. Kwáh wakeriahsanòn꞉waks tsi iaʼkaténniehte ne akaterénnaien ne Iʼsè꞉ke eʼtho nón꞉we ne Sanonhsatokenhtí꞉ke tánon wahskewenná꞉ronke.

Matthew 26:39

Nok isih niiore niionsare nok etho ȣahatiskȣentahren, ȣahaterennaien, raton, Rakeni! aontonsekeʼsʼ enʼsʼ ehren askhaȣitase ne kenh katse; tosa ki tanon ii aontonkenikonraierite, ise ki aontesanikonriione.

Matthew 27:46

Ne nahoten tioten siioȣistahe ȣathohenrete ne Iesos, raton: Eli! Eli! lamma sabachtani? Saton: Niio! Niio! ohniiotieren tsi takateȣenteton.