Psalms 42:5 - Ohiatonhseratokénti

⁵ Tsi nió꞉re tsi waʼkenikonráksens, Ó akwahtón꞉nhets, tsi nió꞉re tsi tewaʼkanikónhrare? Kwáh rawenní꞉ioke nón꞉we nénhtsen nakwararát꞉tsera, asèken shé꞉kon kíʼ thenhshiʼnonhweráton, rahón꞉ha natienawaʼséhtsera í꞉ken

Psalms 42:5 ပူးပေါင်းရင်းမြစ်များ

Job Tánon ne Raoronhiakensera 13:15

Satká꞉tho kwáh enhakenonwarià꞉kon; iáh othé꞉non tesewakararahtsherá꞉ien; ók kwáh ki entkatá꞉tene tsi nikeweienhnó꞉tens ne raohénton.

Psalms 35:14

thóh nonkenikonhrák꞉sen tsi ní꞉ioht nahonkatónhni nateró꞉sehra khés niatsiathatekénha; thóh niwaʼkatsʼtsionhniónkwen tsi shí꞉ken ní꞉ioht nakenisténha aiakawehé꞉ionhke, tewaʼkakʼtsá꞉ton tánon waʼkatʼtsiónhnion.

Psalms 37:7

Sák tasahthatón꞉ni raohénton ne Roiá꞉ner, tánon sanikonkáts꞉te tsi tsiateráhrat tsi nenháiere; Tóhsa sehiaskanétsek tsi niháti ne rotihianerasténni tsi nihatiweienhnóten, Tó꞉ka ní ó꞉ni tsi niháti né꞉ne raʼtihá꞉wi tsi nihonatenikonríhshon ne karihwaʼhetkénsera.

Psalms 38:6

Naʼkeronhiakénsehra thóh nió꞉re tsi ionón꞉watʼte iáh tesetkwénies nahonsakatʼtakwaríhsi tánon katonhriót꞉ta; kontatséshon tekaséntʼthos tsi shí꞉ken ní꞉ioht nón꞉kak iakotsiónhnion.

Psalms 42:11

Tsi nió꞉re tsi waʼkenikonhrák꞉sens, Ó akwahtón꞉nhets, tsi nió꞉re tsi tewakanikónhrahre? Kwáh Rawenniʼióke nón꞉we nénhtsen nakwahrahrát꞉tsera, asèken shé꞉kon kíʼ thenshiʼnonhweráton, rahónha sahkeskonthákwen tánon akeʼNí꞉io í꞉ken.

Psalms 43:5

Tsi nió꞉re tsi waʼkenikonhrák꞉sens, Ó akwahtón꞉nhets, tsi nió꞉re tsi tewaʼkenikonhrénhʼen? Kwáh Rawenniʼióke nón꞉we nénhtsen nakwarahrát꞉tsera, asèken shé꞉kon kíʼ thenshiʼnonhweráton, rahónha sahkeskonthákwen tánon akeʼNí꞉io í꞉ken.

Psalms 44:3

Ne shonkwetaʼshónhas iáh teonathatsiatakweniʼióston nonhóntsa nasarekówa ahonáts꞉ton, iáh teonatkwénion ne raotishaststénhsera ahonáts꞉ton; né꞉ne sahshaststénhsera tánon tsi nisehshást꞉te waʼkarihónhni, né tsi ní꞉ioh rihwíʼiokwe tsi éhʼtho í꞉seskwe, né wahakonatónhase tsi nisehnorónkwa.

Psalms 56:11

Rawenniʼióke nón꞉we nitewakethákwen; iáh kíʼ tewák꞉terons. Nahó꞉ten aiekwéni ne ónhkwe khók í꞉ken nahiontkaréwaʼte?

Psalms 56:3

né nó꞉nen wák꞉terons, thóh wáʼtsien naketakwenhtséra í꞉seke.

Psalms 61:2

Ahí꞉non nón꞉we níkes ne tsi nikanakerasehráien tsi iakonhnáton, iáh tatkwéni nahonsakatakáts꞉thate. Iatakasárih tsi nón꞉we ostenhrohhárakeh né꞉ne sénha tsonitsténhrate tsi ní꞉ioht ní꞉i;

Psalms 71:14

Ók kíʼ ienwatkonhtákwen tsi enwakerahratʼtseraiéntake, tánon kíʼ sénha isiʼnónhwe tsi nathenkonhnonhweráton.

Psalms 77:3

Riʼianontónhnions ne Rawenni꞉io, tánon wakonséhnen; waʼkanontónhnionwe, tánon waʼkanikonrók꞉ten. Selah

Isaiah 30:29

Kwáh ensahrenhnaiéntake tsi ní꞉ioht nokarasnéha nó꞉nen ne iotokénti tsi neteiontenonhwerátons iakahonhniseranorónston; tánon iakotonhnáhere nakaweriá꞉ne, kwáh tsi ní꞉ioht nónkak wahióntsien wahontahónsathate tsi nikawenhó꞉te nohorótha ionterenhnotákwah niáhien tsi thotenontáhere ne Roiá꞉ner, né nahosthénra í꞉ken NʼIsrael.

Isaiah 50:10

Ónhka ne tsi nítsion tsiʼsewakweniénstha ne Roiá꞉ner tánon sewatewenhnará꞉kwah ne raoʼwenhnaókons ne raonhá꞉tshera, ónhka thóh nón꞉weh niien ne tsi tetiókaras tánon iah teiakóien ne kaswathétshera, né kí tsakétat thóh raosénhnakon ne Roiá꞉ner tánon ne ronhwaniá꞉hes ne akoʼNí꞉io?

Numbers 6:26

Aiáwens ne Roiá꞉ner ahiaʼnatónhase tsi nithoʼrihwaiéri tánon nahontáhion ne skénnon.

Matthew 1:23

Iah tekanakȣaienteri nenhioȣiraientane; Emmanuel enhonȣanatonkȣe; neh sakat naiahiron Niio teȣakȣekonhatie.

Matthew 26:38

Ethone oni onen ȣasakorori ȣahenron; Skanorons aonkeriiote tsini ȣakenikonranonȣaks; kentho seȣenterontak nok seȣatieȣaten.

Matthew 28:20

Ietsirihonnien naieriȣanoronkȣake, aionteȣeienton oni tsinikon Kȣarihonte, nok tiotkon enteȣakȣekonhatie tsiniiore ienȣatonȣentsiokton. Amen!

1 Samuel 30:6

Ne Táwit tsi teiotenonʼianíton tehothatenikónrahre; asèken nonkweókon iakotharákwen ahonwahnenhióiaʼke tsi ahonwanonwahrhiá꞉kon, tsió꞉riwa tsi onkweʼtakwé꞉kon tsi iakonakwénhen ne tsi wahakótonhse nakonekenterashón꞉ʼahs ó꞉ni ne sakotiʼiohokón꞉has tsionatthonwísens. Ók ne Táwit sahathaʼteshatsténseron thóh raonháke ne Roiá꞉ner Raoní꞉io.