Psalms 42:10 - Ohiatonhseratokénti

¹⁰ Iekaníhare nastsienshón꞉has waʼkakararénhsehrons, né iónkswenhs tehionkaterienhtakariá꞉tha, iehothikonhtákwen ionkerihwaʼnonhtonniónhnis, “Kanón꞉we ní꞉res ne sahʼNí꞉io?”

Psalms 42:10 ပူးပေါင်းရင်းမြစ်များ

Psalms 42:3

Natkháseri thó꞉khok ní꞉ioht tsi waʼkeniatanawésthaʼkwe ne tsi niwenhnísehres tánon ne tsi niwasónhtes, thóh ná꞉he ne iónkswenhs ionkerihwanontónhnis, “Kaʼníres ne Saní꞉io?”

Psalms 43:2

Asèken í꞉se ne Sewenní꞉io shonháke nón꞉we niwaʼkataséhton; nontiéren tsi takatewenhtéton? Nontiéren tsi tiókonte ahonkeronhiákenke né tsi nihionkateniakatsténhni ne iónkswenhs?

Psalms 55:4

Tewaʼkerhiashisʼhónkwa, nahoteronhkwátsera ne kenhé꞉ion tewaʼtiatoraráhkon.

Proverbs 12:18

Iáh tewanonhtonnionhtsherí꞉io nowennaʼshón꞉ʼa tho ni tsi ensakaré꞉wahte tsi ní꞉ioht ne aʼshareʼkó꞉wa, sók ne tkawennaié꞉ris enwá꞉ton ensátsenʼte.

Lamentations 5:20

Hon nihiotiéren tsi ehnikaríwes hetʼtiskwatʼkáwen? Shékon ontèken enseskwehiáraʼne?

Joel 2:17

Tsi naʼtetiátere ne tsi iehiontawehiaʼtáhkwa tánon ne ietsienharáhkwa áhnion ne ratitsihénstatsis, ne ronwaterihwatsterístase ne Roiá꞉ner, tehonsénhto. Áhnion ronhní꞉ron, “Shenónstat ne shonkweʼtashón꞉a, O Saiá꞉ner, tánon tó꞉sa tashé꞉hion ne shonkweʼtashon꞉ahs atehenserá꞉kon ne ronhnonwenhtsakeró꞉nons ne nahonwanatkóraste, Ne káti nahonhní꞉ron ne tsi ratinákere nonkweshón꞉as, ‘Kaní꞉res né Sewaní꞉io?’”

Micah 7:10

Ethò꞉ne kʼi ne ióntswens enhontká꞉to, tánon atehénsera entioró꞉roke tsi niká꞉ien ne wakén꞉ni, “Kaʼní꞉res ne Roiá꞉ner Saní꞉io í꞉ken?” Ne kahráke enwatká꞉to tsi nenkonwashén꞉ni; ó꞉nenh kiʼ thenkonwaskwáhseron kwáh tsi ní꞉ioht nonawástha ne tsi tekanatokenhá꞉tons.

Luke 2:35

Nok ienkaheȣe neh nenhiaȣenne tsiniiot nʼassarekoȣa taeseriasaȣeheste, nonen enhiontennikonrotasionko ne ionkȣetaksens.