Psalms 40:10 - Ohiatonhseratokénti

¹⁰ Iáh tewaʼkerihwahséhton ne karihwí꞉io ne senhténhrat nakonháke; kwáh tiókonte tsi waʼkatrórih ne sarihwaʼtokentítsera tánon ne senhténhrat; iáh tewaʼkerihwaséhton ne iorihwaʼtóken sanoronkwáhtshera tánon ne sarihwatokentítshera tsi nòkwah ne iakhotsiokowánen iakokʼkenhníson.

Psalms 40:10 ပူးပေါင်းရင်းမြစ်များ

Psalms 22:26

Né iakó꞉then kwáh thenhiontskáon tánon enhiakó꞉tane; tsi nihiákon ne ronwahiatísaks kwáh thenhonwaʼnonweráton ne Roiá꞉ner. Aiáwenhs ahitiónnheke tsi nénhwe enkénhake!

Psalms 25:10

Akwé꞉kon ne tsi roháte ne Roiá꞉ner tsi iorihwató꞉ken ne kanoronkwáhtsera í꞉ken tánon oriwiʼiohónwe í꞉ken, né tsi nihiákon enhionteweiénton ne raoterihwasehronniátsera ó꞉ni ne raoianerénhseras.

Psalms 34:6

Kíʼ iáh othènen teharihwástha waʼthaséntʼto, tánon ne Roiá꞉ner waʼhothóntene, tánon sahonónsthate akwé꞉kon éhʼren waʼhaháwite tsi natehonikónhrare.

Psalms 75:9

Ók kwáh enkatonnáren tsi nénhwe enkénhake; Kwáh tenhirihwákwahse ne kanonweratónhtshera ne Jacob Raoní꞉io í꞉ken.

Psalms 89:1

Kwáh thenkeríhwaʼkwe né tsi niwatróris tsi ní꞉ioht tsi tiókonte sehnorón꞉kwah ne shonkwetaʼshónhas; sénha kíʼ isiʼnónhwe níken; Kwáh tsi nénhwe enkatroríheʼke tsi nisarihwaʼtó꞉ken tsi nòkwah ne shonkwetaʼshónhas.

Isaiah 49:6

rá꞉tons, “Shó꞉tsi iáh tehióst꞉te né nakarihóten ní꞉se akenhá꞉tsera ashá꞉ton né nahonshaʼsehkétsko ne raoʼtsiókwah ne Jacob tánon nahonshaʼsehkwahtákwahse ne iateonathaténhron ne Israerʼronónke; entkónhion ne kaswatʼthétshera rononháke ne ronhnonhontsakeró꞉nons, né naʼtienawaséhtshera ahónton iakanihaʼrá꞉ne ne tsi iehiotonhontiokʼtani:hon.”

Ezekiel 2:7

Kwáh ónenhk tsi enteséhion nakateriwahnhothátshera tó꞉ka kén enhontahonshá꞉tahte khés ne iáh. Ók iáh kíʼ tahontahonsháthaʼte. Asèken kwáh kíʼ ronhteriʼioserahnónhwe!

Micah 7:20

Kwáh enthétion norihwihioʼón꞉we ne Jacob tánon kenténrat ne Abraham, kwáh tsi nisehrihwanirá꞉ti ne iakisoʼthonkonhkén꞉en ne wahón꞉nise tsi ná꞉he tkenʼne.

Luke 3:6

Nok akȣekon nonkȣe onhonȣaken ne Niio raoiatakennhatsera.

John 1:17

Aseken ne kaianerensera Moïs roson; nok kenhkaien natanitenron oni ne kariȣakȣarisionsera, Iesos Keristos nehneh rahaȣine.

Romans 10:3

Nonkwesónha Iáh tehatiʼientériʼne nahóten ne Rawenni꞉io rahoriwakwarishióntsera nahonsahotiriwakwaʼtákwaʼse tsi natehóntere ne Rawenni꞉io, tánon kek neh wahonteniénten neh ronhnónha tsi nihatiweienʼnhóten neh áhonste, iáh tehothiʼienáon ne Rawenni꞉io rahoteweiénʼna nahonsahotiriwakwaʼtákwaʼse tsi natehóntere ne Rawenni꞉io.

Philippians 3:9

ó꞉ni nahonkateriéntarake tsiʼiakenikwékon. Kwá iáh tahónton nakathatónʼnien ne Rawenni꞉io nahatiéna ne neh áksere ne Mahís rahohianerénsera. Kwá nek khók aʼoríwa ne Rawenni꞉io wahatiéna ne tsi thiʼiethákwen ne Kerístos.

1 Thessalonians 1:8

Asèken iáh nek khók tèken nateriwanotatsera tsi nòkwah ne Roiá꞉ner niakaiakenhne tsionhake oni tsik nonhweson ne Macedonia oni Achaia, ók ne oriwasheses tsi nòkwah ne sewethakwenhtshera rahonhà꞉ke ne Rawenniio eh nieʼiawénon tsik nonhwésons. Kwáh ki iáh othenen teskaien, noia, tahiotonhontiohonhke nahonsahiakwenhron.

1 Timothy 1:15

Ne kí꞉ken ne kwáh tóhʼkenske tsi niwáhton, ne kwáh iahiokontakwénhake ahiontiénawasthe ó꞉ni nahontahiakéthakwe: Kerístos Ié꞉sos tawéhnon tsi ionwentsiáte nasakoniákenthe ne iakoriwáhneren. Í꞉i nèn꞉ne ne kwáh tewahkenonkwísen tsi niháti,

Revelation 22:17

Ne Roʼnikonrí꞉ioston tánon ne ioniát꞉ke iá꞉ton, “Káts.” Tánon ahnion onkwé꞉takweʼkon nón꞉ka enhiakó꞉tonhtene ieron, “Káts.” Tánon ahnion ón꞉ka ne iakó꞉niatatʼtens káts. Ahnion ón꞉ka ne ionská꞉neks nahieiena noneká꞉nos ne ionnheón꞉we tsi enhionthá꞉ton.