Psalms 39:6 - Ohiatonhseratokénti

⁶ iáh sénha ó꞉ia tèhiot tsi ní꞉ioht nahiotasátarake. Akwékon tsi nihatiéra iáh othènon tekéntons; raʼtateroróhki natsokowátsera, ók iáh tehoteriénhtare ónhka ienhiakohiatáheste.

Psalms 39:6 ပူးပေါင်းရင်းမြစ်များ

Job Tánon ne Raoronhiakensera 14:1

“Nonkweshón꞉as, iónkwe iakonakeratston, kenk nihiakawenhniserésons tánon ne tsi iakón꞉nhe kwáh titkáhere tsi tehiakonikòn꞉rare,

Job Tánon ne Raoronhiakensera 7:16

Wakatiaʼkwarí꞉shi; Kwáh iáh thakónhneke ne tsi nén꞉we akénhake. Takátkaf, tiorì꞉wa tsi niwakathenhniseraté꞉nions iáh othé꞉non satekenatéken.

Job Tánon ne Raoronhiakensera 7:7

“Sehiá꞉rak, ne tsi kón꞉nhe kwáh shenekʼkok nahonhní꞉sera í꞉ken; ne khá꞉rake iáh nonhwén꞉ton nahonshontkátho ne ioiánere.

Psalms 127:2

Iáh othènen tekariwástha noronhkéstsi asatkétsko tánon karíwes niahisénhtaʼwe nokarasné꞉ha tsi tesatskáhon ne tesatatenikónhraʼre nahisahióthen; asèken ne Roiá꞉ner sakoiéritʼtse ne sakonorónhkwa tsi nikaríhwes rotí꞉tas.

Psalms 144:4

Nek nahonhnísera nahatihiatótens; ne tsi ronatenhniseraténions kwáh né꞉ne iotasátare watohétstha.

Psalms 89:48

Ónhka aiekwéni naiakónnheke tánon iáh nonwénhton taiaiéheʼie? Ónhka aiekwéni nakonwaniákenhse ne kenhé꞉ion? Selah

Proverbs 13:22

Thonnonkweʼtaié꞉ri nó꞉nen enhonníheie né꞉ne shakonatereʼokón꞉ʼa enhatiié꞉na ne raonatshokowáhtshera, nok ne iáh tetionkweʼtaié꞉ri nó꞉nen enhonníheie ne raonatshokowáhtshera nen né꞉ne enhatiié꞉na ne tionkweʼtaié꞉ri.

Proverbs 23:5

Sahwísta iohsnó꞉re ienwáhtshaʼahte tsi shí꞉ken taonttsiraríkhon tánon waʼtkanerahontshón꞉taʼne tsi ní꞉ioht ne á꞉kweʼks waʼtká꞉ten.

Proverbs 27:24

aseʼkénh ahtshoʼkowáhtshera iáh thaʼtekahwiʼshátsteʼ, iáh ó꞉ni tsi kanakerahseraké꞉ron.

Ecclesiastes 1:14

Oriwahkwékon wakatʼkáhton tsi nikahioténhen né kénʼen ionwenhtsáte, tánon wakonhró꞉ri, kwáh akwékon iáh othénen tehioríhonte. Kwáh thóh ní꞉ioht tsi ní꞉ioht nowèra akonhwásehre.

Ecclesiastes 11:10

Kwáh tó꞉sa ne thé꞉nen tahisehwathatenikonhráhren tó꞉ka ó꞉ni ne thé꞉nen ahisewahnonhwakʼtáten. Iáh seh tekaríwes kénk tahitesehwahiónhake.

Ecclesiastes 12:13

Ethohʼsáne, énskak khók tsi nahó꞉ten aiaiéron: Etsenhnaiénsek ne Rawenni꞉io, tánon satewénhnarak ne raoriwahtátʼtsheras, tsioríhwa tsi né ahoríwah hionkhihiatishaháton.

Ecclesiastes 12:8

Iáh othé꞉nen tehioríhonte, iáh othé꞉nen tehioríhonte, ráton ne sakorihonhniénhni. Kwáh akwékon iáh othé꞉nen tehioríhonte

Ecclesiastes 2:26

Rawenni꞉io thakáwas natokhátshera, karihonnienhnítshera, ó꞉ni natsenhnonhniátshera tsi nihiákon ne thonwanikonhraiérits, ók sakohioténstha ne iakoriwáhneren né nahatiró꞉rohke ó꞉ni nahathithonhnionhniánion, né káti nahónton né ahonthasakónonh ne thonwanikonhraiérits Rawenni꞉io. Kwáh oriwahkwékon iáh othénenh tekástha. Kwáh thóh ní꞉ioht tsi síken ní꞉ioht ne owèra konhwásehre.

Ecclesiastes 2:8

Káti ó꞉ni tewahtsientothónnion ne kawistaráhkens ó꞉ni nowistanórons tsi ratiwisthaienthákwah ne rontinonhtí꞉ios ne tsi ionwenhtsáte wakatkoráston. Ronhnónhkwe ó꞉ni ne konhnónhkwe tenhatiriwáhkwe nahionkenikonhró꞉ri, tánon kwáh ionatiokówahne ne konhnónhkwe wakonhkwetaiéntakwe kwáh tsi nihioriwáhke takhehiatonhontioníheke.

Ecclesiastes 5:14

tánon ethòne akwékon ensohnáthonse né naʼteraswakʼsénhtshera entkarihón꞉ni tánon iáh othénenh tshiatetsothaténron nahonwenhnohétsthase ne sakothihiohokónha.

Isaiah 55:2

Nontiéren tsi né sewatʼwistatieshátha tsi nahó꞉ten né iáh kanatarotèken, tánon né satatsiothénston tsi nahó꞉ten ne iáh thaʼhiakawerientí꞉io? Kwáh ioianeré꞉hak tsi takwatahónsatat, tánon ne í꞉sewak tsi nahó꞉ten ne ioiánere, tánon né sathaterientiʼiósthen ne kwáh tkatʼkwí꞉io.

Luke 12:26

Toka nonȣa iah teseȣakȣenion neok neh kenh niioriȣasa, nahoten kati seȣaststeristakȣa notiakesson?

Luke 12:29

Tosa kati saseȣatonhek: nahoten enhiakȣake? nahoten oni enhiakȣanekira? tosa teseȣanikonranetak.

1 Corinthians 7:31

tsi niháti ne né꞉e rohnateriwahtentiáton ne thikénhak atenninónseras, tsi shí꞉ken ní꞉ioht ne iáh kwáh né꞉e tehonsteristhákwah, Asèhken ne kíʼ iowentsiáte, tsi niʼiohtonhátse, iáh ahinontshiáʼwe.

Ne꞉ne Sák Rohiaton 4:14

Ahkwékon iáh tesateriéntare onʼní꞉ioht tsi ensónnheke nenhiórenʼne! Né tishisewatséren ne kwáh hiotsenkwarón꞉ni, kénk nikaríwes tsi wèh꞉ne sók totʼkhók tenwáthon.

Ne꞉ne Sák Rohiaton 5:3

Ne sewáwenk owistanórons ó꞉ni ne kawistarákens oskénra nèn꞉ne iotheróron, tánon kí꞉ken oskénra ne ensanontánakʼte tánon ó꞉ni thóh ní꞉ioht tsi ensawárake tsi ní꞉ioht nótsire. Sentonʼhionniá꞉nion nahtiokowátseras kíʼ nonàken iotenʼniseroehsthákwen.

1 Tiér 1:24

Tsi niwáton ne noriwatokénti, “Onkwetaʼkwékon seh óhonte nahatiʼiatótens, tánon akwékon ne rahotiʼiatanerakwátsera tsi ní꞉ioht tsi iotsítsionte ne kahentàke. Nóhonte wastátʼthens, notsítsa watashó꞉kwas,

1 Tiér 5:7

Rahonháke nonnáh꞉tsen tsi nahóten tesanikónrare, tioríwa tsi tehiatheriéntare.