Psalms 39:5 - Ohiatonhseratokénti

⁵ Tsi nió꞉re tsi kentʼnishónston ne tsi kónnhe, Né sahénton ne tsi kón꞉nhe kwáh iáh othènon thakénhake. Kwáh ónhte ne tsi iakón꞉nhe ne niatehionkwétake iáh sénha ó꞉ia tèhiot tsi ní꞉ioht ne tsi iahó꞉te iahiontónhrie, Selah

Psalms 39:5 ပူးပေါင်းရင်းမြစ်များ

Genesis 47:9

Ne Jacob wahawènhahse ne Pharaoh, “Tsi niiohserá꞉ke nonhwentsà꞉ke sikónhnhe énska tewenʼniáwe áhsen niwáhsen niiohserá꞉ke; iáh tewé꞉so tánon iohserahní꞉ronhkwe tsi ní꞉ioht tsi kónhnhehkwe. Iáh tshié꞉was tsi niiohseró꞉tenʼskwe tsi nihonnónhnhehkwe ne khehsothokonʼkénhen tsi nikarí꞉wes rotinatenhá꞉wihskwe.”

2 Samuel 19:34

Ók ne Barzillai wahawénhase ne ronnontí꞉io, “Tóh꞉shé꞉kon niʼioseráke ahonsakónnheke, iáh neh takarihónhni nahí꞉tene Jerusalem?

Job Tánon ne Raoronhiakensera 7:6

Ne tsi wakathenhniseraténions sénha iostó꞉re tsi wathohéstha tsi ní꞉ioht ne tehanonwaiéntha raó꞉waste ne iewasehrihietóhare, tánon tsi ienhón꞉newe tsi iehiotókte iáh othé꞉non tehonararahtsherá꞉ien.

Psalms 144:4

Nek nahonhnísera nahatihiatótens; ne tsi ronatenhniseraténions kwáh né꞉ne iotasátare watohétstha.

Psalms 39:11

“Sehiatewenhnaiéntons nonkweshón꞉has tánon sehrewáʼtha tsi nihontséra ne kariwaʼhét꞉kens, tánon tsi ní꞉ioht ne kokhó꞉wa sehiathonténhnis tsi nahoténshons ratinorónhkwaʼ Kwáh í꞉ken ne rón꞉kwe tsi iáh sénha ó꞉ia tehahiatóten tsi ní꞉ioht ne iahó꞉te. Selah

Psalms 62:9

Nón꞉kwe ne teshonhtsérens tsi ní꞉ioht ne iahiakotonhniserón꞉ti; tsi niháti ne toʼnatonhkwetatónhnions iáh othènon tehatirihwásthas; nasehkonhtseriháren; né ratikwékon iatahonwaʼtí꞉ieste sénha iáh tehotiʼhiátatste tsi ní꞉ioht ne iotewerahrátses.

Psalms 89:47

Sehiárak tsi kenkʼnikonnhésa— sehiárak tsi í꞉se sehiatíshon nonkweshón꞉ha tsi nihonnónnhe tánon eʼthóhʼne enhonníheʼie!

Psalms 90:12

Tatsiónhnien nahionkwanikonhraiéntaʼne ne tsi nihionkwahtenhniserathénion tsi waʼséhton. Né ká꞉ti nahónton nahionkwaiéntaʼne ne Rawenni꞉io raothotʼkhátshera nonhkweriaʼnéshons.

Ecclesiastes 1:2

Kwáh iáh othènenh tehiorihowá꞉nen, iáh othènenh tehiorihowá꞉nen, ráton ne sakorihonhniénhni. Tsi iakónhnhe iáh othénen tehioríhonte, akwékon iáh othénen tekástha.

Ecclesiastes 2:11

Ethòne wakanonhthónnionhwe noriwahkwékon tsi niwatsioténhen tánon tsi niewakátre tsi eh niwatiéren, tánon wakátʼtoʼke tsi kwáh iáh othénenh tehiorihontákwen. Kwáh thóh ní꞉ioht tsi síken ní꞉ioht nowèra konwásehre—né kwáh iáh othénenh tekariwáhstha.

Isaiah 40:17

Akahontsaʼkwékon kwáh iáh othènon tesakahónhnis ne raohénton; thóh ní꞉ioht tsi tesakokánere tsi ní꞉ioht ne iáh othènon tehatirihwáhstha tánon iáh othènon satèkena tsi nihatiʼiató꞉ten.

Ne꞉ne Sák Rohiaton 4:14

Ahkwékon iáh tesateriéntare onʼní꞉ioht tsi ensónnheke nenhiórenʼne! Né tishisewatséren ne kwáh hiotsenkwarón꞉ni, kénk nikaríwes tsi wèh꞉ne sók totʼkhók tenwáthon.

2 Tiér 3:8

Nók tioríwa thósa sewanikónren, tekanórons tewatenrosónhas! Kwáh iáh thènen tatʼtetsatʼtí꞉en ne rahonháke ne Roiá꞉ner tsi nókwah ne sewenníhsera tóhka ó꞉ni ne énskat tewenniawehetserásen niʼioseráke; neh rahónha kwáh ne tetsáron ne sathèhiot.